അബ്ദുൽ ലത്തീഫ്, അശ്റഫ് മഞ്ചേശ്വരം, ഇബ്രാഹിം ഖലീൽ
മനാമ: മഞ്ചേശ്വരം പഞ്ചായത്ത് മുസ്‍ലിം ലീഗ് കമ്മിറ്റിയുടെ നേതൃത്വത്തിൽ ജി.സി.സി കെ.എം.സി.സി മഞ്ചേശ്വരം പഞ്ചായത്ത് കമ്മിറ്റി നിലവിൽവന്നു. ഓൺലൈനായി സംഘടിപ്പിച്ച യോഗത്തിൽ മുസ്‍ലിം ലീഗ് മഞ്ചേശ്വരം പഞ്ചായത്ത് ജനറൽ സെക്രട്ടറി അബ്ദുല്ല കജാ അധ്യക്ഷത വഹിച്ചു.
മഞ്ചേശ്വരം മണ്ഡലം ട്രഷറർ സയ്യിദ് സൈഫുല്ല തങ്ങൾ യോഗം ഉദ്ഘാടനം ചെയ്തു. തുടർന്ന് നടന്ന ചർച്ചയിൽ ജി.സി.സി രാജ്യങ്ങളിൽ പ്രവർത്തിക്കുന്ന വിവിധ കെ.എം.സി.സി ഘടകങ്ങളിലെ നേതാക്കൾ സംസാരിച്ചു. ജി.സി.സി മഞ്ചേശ്വരം പഞ്ചായത്ത് കെ.എം.സി.സി കമ്മിറ്റിയുടെ ഔദ്യോഗികപ്രഖ്യാപനം മണ്ഡലം മുസ്‍ലിം ലീഗ് ട്രഷറർ സയ്യിദ് സൈഫുല്ല തങ്ങൾ നിർവഹിച്ചു.
അഡ്വൈസറി ബോർഡ് അംഗങ്ങൾ: അഡ്വ. ഇബ്രാഹിം ഖലീൽ (ദുബൈ), മുനവ്വർ അഹമ്മദ് (ദമ്മാം), മൊയ്‌ദീൻ ബാവ (ദുബൈ), ഇബ്രാഹിം ഗുഡ്ഡകേറി (റിയാദ്), ഡോ. അബ്ദുൽ റഹിമാൻ ബാവ, നസീർ ഉദ്യാവർ (ബഹ്റൈൻ). പ്രമുഖ കമ്മിറ്റി അംഗങ്ങൾ: പ്രസിഡന്റ്: അബ്ദുൽ ലത്തീഫ് ബാബ (സൗദി), ജനറൽ സെക്രട്ടറി: അഷ്റഫ് മഞ്ചേശ്വരം (ബഹ്റൈൻ), ട്രഷറർ: ഇബ്രാഹിം ഖലീൽ (അബുദാബി), ഓർഗനൈസിങ് സെക്രട്ടറി: ആസിഫ് ഹൊസങ്കടി (ദുബൈ). ചടങ്ങിന്റെ സമാപനത്തിൽ അബ്ദുൽ ലത്തീഫ് ബാബ (സൗദി) സ്വാഗതവും അഷ്റഫ് മഞ്ചേശ്വരം (ബഹ്റൈൻ) നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.