ബൈ​ക്ക് ഇ​ടി​ച്ച് അ​പ​ക​ടം; ക​ട​ന്നു​ക​ള​ഞ്ഞ ബൈ​ക്ക് യാ​ത്രി​ക​ൻ പി​ടി​യി​ൽ

ബാ​ലു​ശ്ശേ​രി: എ​തി​രെ വ​ന്ന ബൈ​ക്ക് യാ​ത്രി​ക​നെ ഇ​ടി​ച്ചി​ട്ട് ക​ട​ന്നു​ക​ള​ഞ്ഞ ബൈ​ക്ക് യാ​ത്രി​ക​നാ​യ 14കാ​ര​നെ പൊ​ലീ​സ് പി​ടി​കൂ​ടി. കോ​ക്ക​ല്ലൂ​ർ മു​ത്ത​പ്പ​ൻ തോ​ടി​ന​ടു​ത്ത് ക​ഴി​ഞ്ഞ ജൂ​ൺ 17നാ​ണ് അ​പ​ക​ടം ന​ട​ന്ന​ത്. പി​താ​വി​ന്‍റെ ബൈ​ക്കെ​ടു​ത്ത് സു​ഹൃ​ത്താ​യ മ​റ്റൊ​രു വി​ദ്യാ​ർ​ഥി​യെ​കൂ​ടി പി​ൻ​സീ​റ്റി​ലി​രു​ത്തി മ​ഴ​യ​ത്ത് റോ​ഡി​ലൂ​ടെ വ​രു​മ്പോ​ൾ എ​തി​രെ വ​ന്ന ബൈ​ക്ക് യാ​ത്രി​ക​നെ ഇ​ടി​ക്കു​ക​യാ​യി​രു​ന്നു. അ​പ​ക​ടം ന​ട​ന്നി​ട്ടും ബൈ​ക്ക് നി​ർ​ത്താ​തെ ഇ​രു​വ​രും ര​ക്ഷ​പ്പെ​ട്ടു. അ​പ​ക​ട​ത്തി​ൽ​പ്പെ​ട്ട ബൈ​ക്ക് യാ​ത്രി​ക​ൻ ബാ​ലു​ശേ​രി പൊ​ലീ​സി​ൽ പ​രാ​തി ന​ൽ​കി​യെ​ങ്കി​ലും മ​ഴ​ക്കോ​ട്ട് ധ​രി​ച്ച​തി​നാ​ൽ അ​പ​ക​ടം വ​രു​ത്തി​യ​വ​രെ ക​ണ്ടെ​ത്താ​ൻ ക​ഴി​ഞ്ഞി​രു​ന്നി​ല്ല.

തു​ട​ർ​ന്ന് പ്ര​ദേ​ശ​ത്തെ സി.​സി.​ടി.​വി കേ​ന്ദ്രീ​ക​രി​ച്ചു ന​ട​ന്ന അ​ന്വേ​ഷ​ണ​ത്തി​ലാ​ണ് ഒ​മ്പ​താം ക്ലാ​സു​കാ​ര​നാ​യ വി​ദ്യാ​ർ​ഥി​യാ​ണ് ബൈ​ക്ക് ഓ​ടി​ച്ച് അ​പ​ക​ടം വ​രു​ത്തി​യ​തെ​ന്നു ക​ണ്ടെ​ത്തി​യ​ത്. വീ​ട്ടി​ൽ നി​ർ​ത്തി​യി​ട്ടി​രു​ന്ന പി​താ​വി​ന്‍റെ ബൈ​ക്കാ​ണ് യാ​ത്ര​ക്ക് ഉ​പ​യോ​ഗി​ച്ച​ത്. പ്രാ​യ​പൂ​ർ​ത്തി​യാ​കാ​ത്ത​തി​നാ​ൽ കേ​സ് ജു​വ​നൈ​ൽ ജ​സ്റ്റി​സ് ബോ​ർ​ഡി​ന് കൈ​മാ​റാ​നാ​ണ് പൊ​ലീ​സ് തീ​രു​മാ​നം. ബൈ​ക്കി​ന് ഇ​ൻ​ഷു​റ​ൻ​സ് ഇ​ല്ലാ​ത്ത​തി​നാ​ൽ ഉ​ട​മ​ക്കെ​തി​രെ ന​ട​പ​ടി സ്വീ​ക​രി​ക്കു​മെ​ന്നും പൊ​ലീ​സ് അ​റി​യി​ച്ചു.