ദു​നി​യ എ​ന്ന പെ​ൺ​കു​ട്ടി

ജി​ദ്ദ​യി​ലെ ഷ​റ​ഫി​യ്യ അ​ങ്ങാ​ടി ഉ​റ​ക്ക​ത്തി​ലേ​ക്ക് പോ​കു​ന്ന സ​മ​യം. വ​ഴി​യോ​ര​ങ്ങ​ളി​ൽ കു​റ്റി​യ​ടി​ച്ച ക​ച്ച​വ​ട​ക്കാ​ർ അ​വ​രു​ടെ സാ​ധ​ന​ങ്ങ​ൾ കാ​ർ​ട്ടൂ​ൺ ബോ​ക്സു​ക​ളി​ലേ​ക്ക് മാ​റ്റി അ​ന്ന​ത്തെ ക​ച്ച​വ​ടം നി​ർ​ത്തി സ്ഥ​ലം കാ​ലി​യാ​ക്കു​വാ​നു​ള്ള ഒ​രു​ക്ക​ത്തി​ൽ. റ​സ്റ്റാ​റ​ന്റു​ക​ളി​ലൊ​ക്കെ ആ​ളു​ക​ൾ സ​ജീ​വം. അ​ൽപം പ​ടി​ഞ്ഞാ​റ് ഭാ​ഗ​ത്ത് യ​മ​നി​ക​ളു​ടെ ത​ള്ളു​വ​ണ്ടി​ക​ളി​ലെ പ​ച്ച​ക്ക​റി ഫ്രൂ​ട്സ് ക​ച്ച​വ​ടം പൊ​ടി​പി​ക്കു​ന്നു. ഒ​രു പൂ​ര​പ്പ​റ​മ്പ് പോ​ലെ ആ​ളു​ക​ൾ അ​തി​ന് ചു​റ്റും കൂ​ടി നി​ൽ​കു​ന്നു​ണ്ട്.

ചി​ല തു​ണി​ക്ക​ട​ക​ളും മൊ​ബൈ​ൽ ക​ട​ക​ളും തു​റ​ന്നി​രി​ക്കു​ന്നു. അ​തൊ​ക്കെ നോ​ക്കി അ​ല​സ​മാ​യി നി​ന്ന എ​ന്നെ വെ​ട്ടി​ച്ചു​കൊ​ണ്ട് ഒ​രു പെ​ൺ​കു​ട്ടി ഓ​ടി​പ്പോ​യി. കൈ​യി​ൽ ഒ​രു ക​വ​റു​ണ്ട്. ത​ട്ടി​പ്പ​റി സം​ഘം ഇ​റ​ങ്ങു​ന്ന സ​മ​യം കൂ​ടി​യാ​ണ്. ചെ​റു​വ​ഴി​ക​ളി​ൽ ത​ട്ടി​പ്പു​ക​ൾ അ​ര​ങ്ങേ​റാ​റു​ണ്ട്. കൂ​ടി​നി​ൽ​ക്കു​ന്ന​വ​ർ വീ​ക്ഷി​ക്കു​ന്നു​ണ്ട് ആ ​ഓ​ടു​ന്ന പെ​ൺ​കു​ട്ടി​യെ. പ​ല​രും ക​രു​തി​യ പോ​ലെ ത​ട്ടി​പ്പ​റി​ച്ചു ഓ​ടു​ന്ന​താ​കാ​നേ വ​ഴി​യു​ള്ളൂ എ​ന്ന് ഞാ​നും ക​രു​തി. ഏ​താ​യാ​ലും ഒ​ന്നു​കി​ൽ പി​ടി​ക്ക​പ്പെ​ടും, അ​ല്ലെ​ങ്കി​ൽ അ​വ​ൾ ഓ​ടി​ര​ക്ഷ​പ്പെ​ടും. എ​​ന്റെ ക​ണ്ണു​ക​ൾ ആ ​ഓ​ട്ട​ത്തി​ന്റെ പി​ന്നാ​ലെ​യു​ണ്ട്, ഒ​രു ആ​കാം​ക്ഷ. ആ ​പെ​ൺ​കു​ട്ടി ചെ​ന്നെ​ത്തി​യ​ത് ന​ട​ന്നു​നീ​ങ്ങു​ന്ന ര​ണ്ടു പാ​കി​സ്താ​നി​ക​ളു​ടെ അ​ടു​ത്തേ​ക്കാ​ണ്. അ​വ​ളു​ടെ കൈ​യി​ലു​ള്ള ക​വ​ർ അ​വ​ർ​ക്ക് കൈ​മാ​റി.

അ​ത്​ വാ​ങ്ങി​ക്കു​ന്ന അ​വ​രു​ടെ മു​ഖ​ത്ത്​ ഒ​രു വെ​ളി​ച്ചം മി​ന്നി. പെ​ൺ​കു​ട്ടി​യോ​ട്​ അ​വ​ർ ന​ന്ദി പ​റ​യു​ക​യാ​ണെ​ന്ന്​ തോ​ന്നി. അ​തി​ന്​ ശേ​ഷം അ​വ​ൾ തി​രി​കെ ന​ട​ക്കു​ന്നു. അ​വ​ളു​ടെ മു​ഖ​ത്തും ഒ​രു സ​ന്തോ​ഷ ഭാ​വം. ഒ​രു പു​ഞ്ചി​രി വി​ട​ർ​ന്നു​നി​ൽ​ക്കു​ന്നു. അ​വ​ൾ തി​രി​ച്ചെ​ത്തി​യ​ത് വ​ഴി​യ​രികി​ൽ ക​ളി​പ്പാ​ട്ട​ങ്ങ​ളും ചീ​പ്പ്​ ക​ണ്ണാ​ടി തു​ട​ങ്ങി പ​ല​പ​ല വ​സ്​​തു​ക്ക​ളും വി​ൽ​ക്കാ​ൻ വെ​ച്ച ഒ​രു താ​ൽ​ക്കാ​ലി​ക സ്​​റ്റാ​ളി​ന്​ അ​ടു​ത്തേ​ക്കാ​ണ്. പാ​വ​ക​ൾ ഉ​ൾ​പ്പെ​ടെ​യു​ള്ള കു​ഞ്ഞു​കു​ഞ്ഞ്​ സാ​ധ​ന​ങ്ങ​ളാ​ണ് ആ ​സ്​​റ്റാ​ളി​ലു​ള്ള​ത്. അ​ത് അ​വ​ളു​ടേ​താ​ണെ​ന്ന് നോ​ക്കി​നി​ൽ​ക്കു​മ്പോ​ൾ മ​ന​സ്സി​ലാ​യി. ഓ​ടി​യ​തി​ന്റെ കി​ത​പ്പ് ഇ​പ്പോ​ഴും അ​വ​ളി​ലു​ണ്ട്. കി​ത​പ്പി​നി​ട​യി​ലും അ​വ​ളു​ടെ മു​ഖ​ത്ത് സ​ന്തോ​ഷ​ത്തി​ന്റെ മി​ന്ന​ലാ​ട്ട​ങ്ങ​ൾ. കു​റ​ച്ചു​നേ​രം എ​നി​ക്ക്​ വേ​ണ്ടി വ​ന്നു, അ​വി​ടെ സം​ഭ​വി​ച്ച​ത്​ എ​ന്താ​ണെ​ന്ന്​ മ​ന​സ്സിലാ​ക്കാ​ൻ.

അ​വ​ളു​ടെ അ​ടു​ത്ത്​ സാ​ധ​ന​ങ്ങ​ൾ വാ​ങ്ങാ​ൻ വ​ന്ന​താ​ണ്​ ആ ​പാ​കി​സ്​​താ​നി​ക​ൾ. അ​വ​ർ വാ​ങ്ങി പ​ണം കൊ​ടു​ത്ത്​ ന​ട​ന്നു​നീ​ങ്ങി. പ​ക്ഷേ വാ​ങ്ങി​യ സാ​ധ​ന​ങ്ങ​ൾ എ​ടു​ക്കാ​ൻ മ​റ​ന്നു. അ​ത​വ​ർ കൊ​ണ്ടു​പോ​യി​ട്ടി​ല്ലെ​ന്ന്​ കു​റ​ച്ചു​ക​ഴി​ഞ്ഞാ​ണ്​ ആ ​പെ​ൺ​കു​ട്ടി മ​ന​സ്സി​ലാ​ക്കു​ന്ന​ത്. ഉ​ട​ൻ അ​തു​മെ​ടു​ത്ത്​ അ​വ​രു​ടെ പി​ന്നാ​ലെ ഓ​ടി​യ​താ​ണ്​ തൊ​ട്ടു​മു​മ്പ്​ സം​ഭ​വി​ച്ച​ത്.​അ​വ​ളെ ത​ന്നെ നോ​ക്കി​നി​ന്ന​പ്പോ​ൾ എ​ന്റെ ക​ണ്ണു​ക​ൾ നി​റ​ഞ്ഞു.

ഇ​ങ്ങ​നെ​യും കു​ട്ടി​ക​ൾ ഉ​ണ്ടോ ഈ ​കാ​ല​ത്ത്? മ​റ​ന്നു​വെ​ച്ച വ​സ്തു ഞൊ​ടി​യി​ട​യി​ൽ റോ​ഡും ജ​ന​ത്തി​ര​ക്കും മു​റി​ച്ച്​ ക​ട​ന്നു ഉ​ട​മ​ക്ക് കൊ​ണ്ടു​പോ​യി കൊ​ടു​ക്കു​ന്നു. ശേ​ഷം ഒ​ന്നും സം​ഭ​വി​ക്കാ​ത്ത പോ​ലെ തി​രി​ച്ചു​വ​ന്നു വീ​ണ്ടും ക​ച്ച​വ​ട​ത്തി​ൽ മു​ഴു​കു​ന്നു. ശു​ദ്ധ മ​ന​സ്ക​യാ​യ ഒ​രു പെ​ൺ​കു​ട്ടി. ആ ​സ്വ​ഭാ​വ സ​വി​ശേ​ഷ​ത തു​ട​ർ​ന്നു​ള്ള ജീ​വി​ത​ത്തി​ലും നി​ല​നി​ൽ​ക്ക​​ട്ടെ എ​ന്ന് പ്രാ​ർ​ഥി​ച്ചു​കൊ​ണ്ട്​ ഞാ​ൻ നോ​ട്ടം പി​ൻ​വ​ലി​ച്ചു. ‘നി​ങ്ങ​ൾ സ​ത്യ​സ​ന്ധ​രോ​ടൊ​പ്പം നി​ല​കൊ​ള്ളു​ക’ എ​ന്ന ഖു​ർ​ആ​ൻ വാ​ക്യം ഓ​ർ​മ​യി​ൽ തെ​ളി​ഞ്ഞു.

ര​ണ്ടു​ദി​വ​സ​ത്തി​ന്​ ശേ​ഷ​വും ഈ ​സം​ഭ​വം മ​ന​സ്സിൽ പ​ച്ച​പി​ടി​ച്ചു​കി​ട​ന്നു. അ​വ​ളു​ടെ അ​ടു​ത്ത് പോ​യി മ​ക്ക​ൾ​ക്കാ​യി ഒ​രു പാ​വ​യെ വാ​ങ്ങ​ണം എ​ന്ന്​ മ​ന​സ്സി​ൽ നി​ശ്ച​യി​ച്ചു. അ​ത് ന​ല്ലൊ​രു അ​നു​ഭ​വ​ത്തി​​ന്റെ സ്​​മാ​ര​ക​വു​മാ​വു​മ​ല്ലോ. അ​ടു​ത്ത ദി​വ​സം അ​വി​ടെ പോ​യി. ഒ​രു പാ​വ വാ​ങ്ങി, അ​വ​ൾ അ​ഞ്ചു റി​യാ​ലെ​ന്ന്​ വി​ല പ​റ​ഞ്ഞു. 10 റി​യാ​ൽ കൊ​ടു​ത്തു. അ​ഞ്ചു റി​യാ​ൽ തി​രി​ച്ചു​നീ​ട്ടി.. വേ​ണ്ടെ​ന്നു പ​റ​ഞ്ഞു... ഞാ​ൻ പേ​ര് ചോ​ദി​ച്ചു ദു​നി​യ എ​ന്ന്​ പേ​ര്​ പ​റ​ഞ്ഞു. ഇ​ന്തോ​നേ​ഷ്യ​യി​ൽ​നി​ന്നാ​ണെ​ന്നും പ​റ​ഞ്ഞു. പ​ന്ത്ര​ണ്ടോ പ​തി​മൂ​ന്നോ വ​യ​സ്സ്​ കാ​ണും... സ​ത്യ​സ​ന്ധ​ത​ക്ക്​ ദു​നി​യ എ​ന്നൊ​രു പ​ര്യാ​യം കൂ​ടി എ​ന്ന്​ മ​ന​സ്സിൽ പ​റ​ഞ്ഞു.