ഓ​റ ഫാ​മി​ങ് കി​ഡ് ഓ​ൺ ബോ​ട്ട്

‘ഓ​റ ഫാ​മി​ങ്’... പേ​രു​കേ​ൾ​ക്കു​മ്പോ​ൾ തോ​ജോ​വ​ല​യം, കൃ​ഷി എ​ല്ലാ​മാ​യി തെ​റ്റി​ദ്ധ​രി​ക്കും. എ​ന്നാ​ൽ, ഒ​രാ​ഴ്ച​യി​ൽ അ​ധി​ക​മാ​യി ​സ​മൂ​ഹ​മാ​ധ്യ​മ​ങ്ങ​ൾ ഭ​രി​ക്കു​ന്ന ഒ​രു വൈ​റ​ൽ കു​ട്ടി​ത്താ​ര​ത്തി​ന്റെ വി​ഡി​യോ​യി​ലെ ഊ​ർ​ജസ്വ​ല​മാ​യ ആം​ഗ്യ​ങ്ങ​ളെ വി​വ​രി​ക്കു​ന്ന​താ​ണ് ഓ​റ ഫാ​മി​ങ്. പ​റ​ഞ്ഞു​വ​രു​ന്ന​ത് ഒ​രു വ​ള്ള​ത്തി​ന് മു​ക​ളി​ൽ കൂ​ളി​ങ് ഗ്ലാ​സും വെ​ച്ച് ത​ല​യി​ൽ തൊ​പ്പി​യും പ​ര​മ്പ​രാ​ഗ​ത​മാ​യ ക​റു​ത്ത വ​സ്ത്ര​വും ധ​രി​ച്ച് വ്യ​ത്യ​സ്ത ആം​ഗ്യ​ങ്ങ​ളു​മാ​യി വ​ഞ്ചി തു​ഴ​യു​ന്ന​വ​രെ പ്രോ​ത്സാ​ഹി​പ്പി​ക്കു​ന്ന 11 വ​യ​സ്സു​കാ​ര​ൻ റ​യ്യാ​ൻ അ​ർ​ക്കാ​ൻ ദി​ഖ​യെ​ക്കു​റി​ച്ചാ​ണ്.

ഇ​ന്തോ​നേ​ഷ്യ​യി​ൽ പ​ര​മ്പ​രാ​ഗ​ത​മാ​യി ന​ട​ന്നു​വ​രു​ന്ന പാ​ക്കു ജ​ലൂ​ർ ലോ​ങ് ബോ​ട്ട് റേ​സി​നി​ടെ​യാ​ണ് ആ ​വൈ​റ​ൽ വി​ഡി​യോ പി​റ​ന്ന​ത്. റ​യ്യാ​ൻ ത​ന്റെ ബോ​ട്ടി​ലെ ടീ​മി​നെ ഒ​രു​മ​യോ​ടെ അ​ണി​നി​ര​ത്താ​നും ഊ​ർ​​ജത്തോ​ടെ ​തു​ഴ​യാ​ൻ പ്രോ​ത്സാ​ഹി​പ്പി​ക്കു​ക​യും ചെ​യ്യു​ന്ന​തി​നാ​യി വ​ള്ള​ത്തി​ന്റെ അ​റ്റ​ത്തു​നി​ന്ന് ചെ​യ്യു​ന്ന സ്റ്റെ​പ്പു​ക​ളാ​ണ് ‘ഓ​റ ഫാ​മി​ങ് കി​ഡ് ഓ​ൺ ബോ​ട്ട്’, ബോ​ട്ട് റേ​സ് കി​ഡ് ഓ​റ’ തു​ട​ങ്ങി​യ ഹാ​ഷ് ടാ​ഗു​ക​ളോ​ടെ സ​മൂ​ഹ​മാ​ധ്യ​മ​ങ്ങ​ളി​ൽ നി​റ​യു​ന്ന​ത്.

Full View

കൈ ​ഉ​പ​യോ​ഗി​ച്ചാ​ണ് റ​യ്യാ​ന്റെ അ​ഭ്യാ​സ പ്ര​ക​ട​നം. തു​ഴ​ച്ചി​ൽ​ക്കാ​രെ പ്രോ​ത്സാ​ഹി​പ്പി​ക്കു​ന്ന​തി​നൊ​പ്പം ച​ല​ന​ങ്ങ​ളി​ലൂ​ടെ കാ​ഴ്ച​ക്കാ​രെ ആ​വേ​ശ​ത്തി​ലാ​ക്കു​ക​യും ചെ​യ്യു​ന്നു​ണ്ട് റ​യ്യാ​ൻ. റ​യ്യാ​ന്റെ നൃ​ത്തം ഇ​തു​വ​രെ ല​ക്ഷ​ക്കണ​ക്കി​ന് കാ​ഴ്ച​ക്കാ​രെ​യാ​ണ് നേ​ടി​യ​ത്. ഒ​പ്പം പ​ല മീ​മു​ക​ളാ​യും സ​മൂ​ഹമാ​ധ്യ​മ​ങ്ങ​ളി​ൽ ത​രം​ഗ​മാ​ണ്. വ​ള്ള​ത്തി​ന്റെ മു​ക​ളി​ൽ വ​ള​രെ കൂ​ളാ​യാ​ണ് റ​യ്യാ​ന്റെ നി​ൽ​പും നൃ​ത്ത​വും.

റ​യ്യാ​ന്റെ നൃ​ത്തം അ​മേ​രി​ക്ക​ൻ ഫു​ട്ബാ​ൾ താ​രം ട്രാ​വി​സ് കെ​ൽ​സ്, എ​ഫ് 1 ഡ്രൈ​വ​ർ അ​ല​ക്സ് ആ​ൽ​ബ​ൺ, പാ​രി​സ് സെന്റ് ജ​ർ​മ​ൻ ഫു​ട്ബാ​ൾ ടീം ​ഉ​ൾ​പ്പെ​ടെ ഏ​റ്റെ​ടു​ത്തി​രു​ന്നു. റ​യ്യാ​ന്റെ ചു​വ​ടു​ക​ളെ അ​നു​ക​രി​ച്ചാ​ണ് ഇ​വ​രെ​ല്ലാം രം​ഗ​ത്തെ​ത്തി​യ​ത്. നൃ​ത്തം ഞാ​ൻ ത​നി​യെ ക​ണ്ടു​പ​ഠി​ച്ച​താ​ണെ​ന്നാ​യി​രു​ന്നു വൈ​റ​ലാ​യ​തി​ന് പി​ന്നാ​ലെ റ​യ്യാ​ന്റെ ​പ്ര​തി​ക​ര​ണം. അ​ഞ്ചാം​ക്ലാ​സ് വി​ദ്യാ​ർ​ഥി​യാ​ണ് റ​യ്യാ​ന്റെ അ​ര​ങ്ങേ​റ്റംകൂ​ടി​യാ​യി​രു​ന്നു പാ​ക്കു ജ​ലൂ​ർ വ​ള്ളം​ക​ളി​യിലെ നൃ​ത്തം.

Tags:    
News Summary - aura farming kid on boat

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.