അ​നി​ല്‍ അം​ബാ​നി​യെ​ ‘ത​ട്ടി​പ്പ്’ വി​ഭാ​ഗ​ത്തി​ല്‍നി​ന്ന് മാ​റ്റി ക​ന​റാ ബാ​ങ്ക്

മും​ബൈ: അ​നി​ല്‍ അം​ബാ​നി​യു​ടെ ഉ​ട​മ​സ്ഥ​ത​യി​ലു​ള്ള റി​ല​യ​ന്‍സ് ക​മ്യൂ​ണി​ക്കേ​ഷ​ന്റെ (ആ​ർ​കോം) വാ​യ്പ​ക​ളെ ‘ത​ട്ടി​പ്പ്’ വി​ഭാ​ഗ​ത്തി​ല്‍നി​ന്ന് ഒ​ഴി​വാ​ക്കി​യ​താ​യി ക​ന​റാ ബാ​ങ്ക് ബോം​ബെ ഹൈ​കോ​ട​തി​യെ അ​റി​യി​ച്ചു.

2017ല്‍ ​ക​ന​റ ബാ​ങ്കി​ല്‍ നി​ന്നെ​ടു​ത്ത 1,050 കോ​ടി രൂ​പ​യു​ടെ വാ​യ്പ മ​റ്റ് ക​മ്പ​നി​ക​ളു​ടെ ബാ​ധ്യ​ത​ക​ള്‍ തീ​ര്‍പ്പാ​ക്കാ​നാ​യി റി​ല​യ​ന്‍സ് ക​മ്യൂ​ണി​ക്കേ​ഷ​ന്‍ വ​ക​മാ​റ്റി എ​ന്നു കാ​ണി​ച്ചാ​ണ് വാ​യ്പ​ക​ളെ ത​ട്ടി​പ്പ് വി​ഭാ​ഗ​ത്തി​ലേ​ക്ക് ബാ​ങ്ക് മാ​റ്റി​യ​ത്. ഇ​തി​നെ ചോ​ദ്യം ചെ​യ്ത് അ​നി​ല്‍ അം​ബാ​നി സ​മ​ര്‍പ്പി​ച്ച പ​രാ​തി​യാ​ണ് ജ​സ്റ്റി​സ് രേ​വ​തി മ​ല്‍ഹോ​ത്ര, നീ​ല ഗോ​ഖ​ലെ എ​ന്നി​വ​രു​ടെ ബെ​ഞ്ച് പ​രി​ഗ​ണി​ച്ച​ത്. തീ​രു​മാ​നം പി​ൻ​വ​ലി​ക്കു​ന്ന​താ​യി ബാ​ങ്ക് അ​റി​യി​ച്ച​തി​നാ​ൽ ഹ​ര​ജി ഹൈ​കോ​ട​തി തീ​ർ​പ്പാ​ക്കി.

സാ​മ്പ​ത്തി​ക പ്ര​തി​സ​ന്ധി​യെ​തു​ട​ർ​ന്ന് 2018ൽ ​പ്ര​വ​ർ​ത്ത​നം നി​ർ​ത്തി​യ ആ​ർ​കോം നി​ല​വി​ല്‍ പാ​പ്പ​ര​ത്ത ന​ട​പ​ടി​ക​ളി​ലൂ​ടെ ക​ട​ന്നു​പോ​കു​ക​യാ​ണ്. ത​ട്ടി​പ്പ് മു​ദ്ര ചാ​ർ​ത്തും മു​മ്പ് ബാ​ങ്ക് ത​ന്റെ വാ​ദം കേ​ട്ടി​ല്ലെ​ന്നും അ​നി​ൽ അം​ബാ​നി വ്യ​ക്ത​മാ​ക്കി​യി​രു​ന്നു.