കരിയറിൽ തിളങ്ങാൻ സിംഗ്ൾ ലൈഫ് വേണമെന്നില്ല

വി​വാ​ഹം സ്ത്രീ​യു​ടെ പ്ര​ഫ​ഷ​ന​ൽ വ​ള​ർ​ച്ച​ക്ക് ത​ട​സ്സ​മാ​ണെ​ന്ന സ്റ്റീ​രി​യോ​ടൈ​പ്പി​നെ വെ​ല്ലു​വി​ളി​ച്ചു​കൊ​ണ്ട് മു​ന്നോ​ട്ടു​വ​ന്ന ന​ടി​യാ​ണ് മു​ൻ ലോ​ക സു​ന്ദ​രി കൂ​ടി​യാ​യ ഐ​ശ്വ​ര്യ റാ​യ്. ക​രി​യ​റി​ന്റെ ഉ​ന്ന​തി​യി​ലാ​ണ് ഐ​ശ്വ​ര്യ അ​ഭി​ഷേ​ക് ബ​ച്ച​നെ വി​വാ​ഹം ക​ഴി​ച്ച​ത്. പ്ര​ഫ​ഷ​ന​ൽ വി​ജ​യം നേ​ടാ​ൻ ഒ​രാ​ൾ അ​വി​വാ​ഹി​ത​യാ​യി തു​ട​രേ​ണ്ട​തി​ല്ലെ​ന്ന് ക​രി​യ​റി​ലൂ​ടെ​യും ഒ​പ്പം വാ​ക്കു​ക​ളി​ലൂ​ടെ​യും അ​വ​ർ പ്ര​ഖ്യാ​പി​ച്ചു​ക​ഴി​ഞ്ഞ​താ​ണ്.

ഏ​തൊ​രാ​ൾ​ക്കും വി​വാ​ഹ ജീ​വി​ത​വും ക​രി​യ​റും വി​ജ​യ​ക​ര​മാ​യി സ​ന്തു​ലി​ത​മാ​ക്കാ​ൻ ക​ഴി​യു​മെ​ന്ന് ‘കോ​ഫി വി​ത്ത് ക​ര​ൺ’ ഷോ​യി​ൽ ഐ​ശ്വ​ര്യ അ​ഭി​പ്രാ​യ​പ്പെ​ട്ടു. ക​ല്യാ​ണം ക​ഴി​ഞ്ഞാ​ൽ വീ​ട്ടി​ലെ കാ​ര്യ​ങ്ങ​ൾ മാ​ത്രം നോ​ക്കി ഒ​തു​ങ്ങി​ക്കൂ​ട​ണ​മെ​ന്ന കാ​ല​ഹ​ര​ണ​പ്പെ​ട്ട ചി​ന്താ​ഗ​തി ഇ​ന്നും നി​ല​നി​ൽ​ക്കു​ന്ന​താ​ണ് വ്യ​ക്തി​ക​ളെ പ്ര​ധാ​ന​മാ​യും ത​ള​ർ​ത്തു​ന്ന​തെ​ന്നും അ​വ​ർ പ​റ​യു​ന്നു.

ക​രി​യ​റി​ൽ മു​ന്നേ​റി​യാ​ൽ പ​ങ്കാ​ളി​യു​മാ​യി പ്ര​ശ്ന​മോ?

ക​രി​യ​ർ മി​ക​ച്ച​താ​ക്കാ​ൻ ശ്ര​ദ്ധി​ക്കു​ന്ന​തി​നി​ട​യി​ൽ, പ​ങ്കാ​ളി​യു​മാ​യു​ള്ള അ​ടു​പ്പം ന​ഷ്ട​പ്പെ​ടു​മോ എ​ന്ന ഭ​യ​മാ​ണ് പ​ല സ്ത്രീ​ക​ൾ​ക്കും. സം​തൃ​പ്ത​മാ​യ ദാ​മ്പ​ത്യ​ജീ​വി​ത​ത്തോ​ടൊ​പ്പം വെ​ല്ലു​വി​ളി നി​റ​ഞ്ഞ ക​രി​യ​റും ഒ​രു​മി​ച്ച് മു​ന്നോ​ട്ട് കൊ​ണ്ടു​പോ​വു​ക അ​ൽ​പം ശ്ര​മ​ക​രം ത​ന്നെ​യാ​ണ്.

പ്ര​ത്യേ​കി​ച്ചും ഉ​യ​ർ​ന്ന പ​ദ​വി​ക​ളി​ലു​ള്ള​വ​ർ​ക്ക് ഇ​ത് പ​ല​പ്പോ​ഴും വൈ​കാ​രി​ക ബു​ദ്ധി​മു​ട്ടു​ക​ളു​ണ്ടാ​ക്കാ​മെ​ന്ന് സൈ​ക്കോ​തെ​റ​പ്പി​സ്റ്റാ​യ സോ​ണാ​ൽ ഖാ​ൻ​ഗ​രോ​ട്ട് പ​റ​യു​ന്നു. ഇ​ത്ത​രം അ​വ​സ്ഥ​യി​ലൂ​ടെ ക​ട​ന്നു​പോ​കു​ന്ന​വ​ർ​ക്ക് വൈ​കാ​രി​ക-​ശാ​രീ​രി​ക സ​മ്മ​ർ​ദം, വ്യ​ക്ത​മാ​യ കാ​ര​ണ​മി​ല്ലാ​തെ ത​ന്നെ അ​ടു​പ്പ​മി​ല്ലാ​യ്മ തോ​ന്ന​ൽ തു​ട​ങ്ങി​യ​വ അ​നു​ഭ​വ​പ്പെ​ടാ​മെ​ന്നും അ​വ​ർ മു​ന്ന​റി​യി​പ്പ് ന​ൽ​കു​ന്നു.

‘‘പ​ങ്കാ​ളി​ക​ൾ​ക്ക് ഒ​ന്നി​ച്ചി​രി​ക്കാ​ൻ സ​മ​യം കു​റ​വാ​ണെ​ങ്കി​ലും ചെ​റി​യ കാ​ര്യ​ങ്ങ​ളി​ലൂ​ടെ ത​ന്നെ വൈ​കാ​രി​ക അ​ടു​പ്പം നി​ല​നി​ർ​ത്താ​ൻ ക​ഴി​യും. നി​ങ്ങ​ളെ ഇ​ന്ന് പ്ര​ചോ​ദി​പ്പി​ച്ച​ത്, വെ​ല്ലു​വി​ളി​യാ​യ​ത്, അ​ല്ലെ​ങ്കി​ൽ ആ​ഹ്ലാ​ദി​പ്പി​ച്ച​ത് എ​ന്നി​ങ്ങ​നെ വ്യ​ക്തി​പ​ര​മാ​യ വി​ശേ​ഷ​ങ്ങ​ൾ പ​ര​സ്പ​രം പ​ങ്കു​വെ​ക്കാ​വു​ന്ന​താ​ണ്. വ്യ​ത്യ​സ്ത സ്ഥ​ല​ങ്ങ​ളി​ൽ താ​മ​സി​ക്കു​ന്ന​വ​രാ​ണെ​ങ്കി​ൽ സാ​ങ്കേ​തി​ക​വി​ദ്യ ഈ ​വി​ട​വ് നി​ക​ത്താ​ൻ സ​ഹാ​യി​ക്കും.

ഒ​രു​മി​ച്ച് ഓ​ൺ​ലൈ​ൻ ഗെ​യി​മു​ക​ൾ ക​ളി​ക്കു​ക, അ​ല്ലെ​ങ്കി​ൽ ഒ​രേ സി​നി​മ കാ​ണു​ക, ശേ​ഷം അ​തി​നെ​ക്കു​റി​ച്ച് സം​സാ​രി​ക്കു​ക എ​ന്നി​വ ശ്ര​മി​ച്ച് നോ​ക്കാം. ഒ​രു​മി​ച്ച് ല​ഭി​ക്കു​ന്ന പ​രി​മി​ത​മാ​യ സ​മ​യ​ത്ത് പൊ​തു​കാ​ര്യ​ങ്ങ​ൾ​ക്കോ ലോ​ക​കാ​ര്യ​ങ്ങ​ൾ​ക്കോ ന​ൽ​കാ​തെ, വ്യ​ക്തി​ഗ​ത​മാ​യ അ​നു​ഭ​വ​ങ്ങ​ൾ, ഇ​ഷ്ടാ​നി​ഷ്ട​ങ്ങ​ൾ തു​ട​ങ്ങി​യ​വ സം​സാ​രി​ക്കു​ക.’’ - സോ​ണാ​ൽ ഖാ​ൻ​ഗ​രോ​ട്ട് പ​റ​യു​ന്നു.