മിഥുന്‍റെ അമ്മയെത്തി, കണ്ണീർ കയത്തിലേക്ക്...

കൊല്ലം: തേ​വ​ല​ക്ക​ര ബോ​യ്​​സ്​ ഹൈ​സ്കൂ​ളി​ൽ ഷോക്കേറ്റ് മരിച്ച മിഥുനെ അവസാനമായി കാണാൻ ഹൃദയം തകർന്ന് അമ്മ എത്തി. കു​വൈ​റ്റി​ൽ​നി​ന്ന്​ രാവിലെ 9.08നാണ് അമ്മ സുജ കൊച്ചി വിമാനത്താവളത്തിലിറങ്ങിയത്. ഇളയ മകനും ബന്ധുക്കളും വിമാനത്താവളത്തിലെത്തിയിരുന്നു. പൊലീസ് അകമ്പടിയിൽ കുടുംബം കൊല്ലത്തെ വീട്ടിലേക്ക് പോയി.

മൂ​ന്നു​മാ​സം​ മു​മ്പ്​ വീ​ട്ടു​​ജോ​ലി​ക്കാ​യി കു​വൈ​ത്തി​ൽ പോ​യ സു​ജ, മ​ക​ന്​ ദു​ര​ന്ത​മു​ണ്ടാ​കു​ന്ന സ​മ​യ​ത്ത്​ തു​ർ​ക്കി​യി​ലാ​യി​രു​ന്നു. ജോ​ലി​ചെ​യ്യു​ന്ന വീ​ട്ടി​ലു​ള്ള​വ​രു​മൊ​ത്ത്​ ഒ​രു​മാ​സം മു​മ്പ്​ പോ​യ​താ​യി​രു​ന്നു. എല്ലാ ദിവസവും വീഡിയോ കോളിലൂടെ മക്കളോട് സുജ സംസാരിക്കാറുണ്ടായിരുന്നു. വ്യാ​ഴാ​ഴ്ച രാ​വി​ലെ 9.40നായിരുന്നു എ​ട്ടാം ക്ലാ​സ്​ വി​ദ്യാ​ർ​ഥി​യായ മിഥുന്‍റെ ദാരുണ മരണം. വിവരം സുജയെ അ​റി​യി​ക്കാ​ൻ കു​ടും​ബാം​ഗ​ങ്ങ​ൾ ശ്ര​മം ന​ട​ത്തി​യി​ട്ടും മ​ണി​ക്കൂ​റു​ക​ളോ​ളം സാധിച്ചിരുന്നില്ല. ഒ​ടു​വി​ൽ വ്യാ​ഴാ​ഴ്ച രാ​ത്രി​യാ​ണ്​ സു​ജ ദുഃഖവാർത്ത വി​വ​ര​മ​റി​ഞ്ഞ​ത്. തു​ട​ർ​ന്ന്, വെ​ള്ളി​യാ​ഴ്ച കു​വൈ​ത്തി​ലേ​ക്ക്​ തി​രി​ച്ചു.

ശാ​സ്താം​കോ​ട്ട തേ​വ​ല​ക്ക​ര കോ​വൂ​ര്‍ ബോ​യ്സ് സ്കൂ​ൾ കെ​ട്ടി​ട​ത്തോ​ട്​ ചേ​ർ​ന്ന സൈ​ക്കി​ള്‍ ഷെ​ഡി​ന് മു​ക​ളി​ൽ വീ​ണ ചെ​രി​പ്പ് എ​ടു​ക്കാ​ൻ ക​യ​റി​യപ്പോഴാണ് വ​ലി​യ​പാ​ടം മി​ഥു​ന്‍ഭ​വ​നി​ല്‍ മ​നു​വി​ന്‍റെ മ​ക​നു​മാ​യ മി​ഥു​ൻ (13) വൈ​ദ്യു​തി ലൈ​നി​ൽ​നി​ന്ന് ഷോ​ക്കേ​റ്റ് മ​രി​ച്ച​ത്. ശാ​സ്താം​കോ​ട്ട താ​ലൂ​ക്ക്​ ആ​ശു​പ​ത്രി​യി​ൽ സൂ​ക്ഷി​ച്ചി​രുന്ന മി​ഥു​ന്‍റെ മൃ​ത​ദേ​ഹം ശ​നി​യാ​ഴ്ച രാ​വി​ലെ 10ന്​ ​​തേ​വ​ല​ക്ക​ര ബോ​യ്​​സ്​ ഹൈ​സ്കൂ​ളി​ൽ പൊ​തു​ദ​ർ​ശ​ന​ത്തി​ന്​​വെ​ച്ചു. തു​ട​ർ​ന്ന്​ വി​ള​ന്ത​റ​യി​ലെ വീ​ട്ടി​ലേ​ക്ക്​ കൊ​ണ്ടു​പോ​യി. വൈ​കീ​ട്ട് ​അഞ്ചിന്​ വീ​ട്ടു​വ​ള​പ്പി​ൽ സം​സ്​​ക​രി​ക്കും.

ഇതിനിടെ, സ്വന്തം ജില്ലയില്‍ ഒരു വിദ്യാര്‍ഥി ഷോക്കേറ്റ് മരിച്ചത് അറിഞ്ഞ് മന്ത്രി ജെ. ചിഞ്ചുറാണി മരണത്തെ ലഘൂകരിച്ച് സംസാരിച്ചതും തൃപ്പൂണിത്തുറയില്‍ സി.പി.ഐ വനിതാ സമ്മേളനത്തില്‍ പങ്കെടുത്ത് സൂംബാ ഡാന്‍സ് കളിച്ചതും വിവാദമായിരുന്നു. മന്ത്രിയുടെ പ്രസ്താവനക്കെതിരെ ഭരണ പ്രതിപക്ഷ വ്യത്യാസമില്ലാതെ നേതാക്കള്‍ വിമര്‍ശനമുയര്‍ത്തി. പ്രതിഷേധം ശക്തമായതോടെ മന്ത്രി മിഥുന്റെ കുടുംബത്തെ ഇന്നലെ കാണാനെത്തിയിരുന്നു. കൂടാതെ, കടുത്ത പ്രതിഷേധങ്ങൾക്കിടെ വിദ്യാഭ്യാസ മന്ത്രി ശിവൻ കുട്ടിയും മന്ത്രി കെ.എൻ. ബാലഗോപാലും ഇന്നലെ മിഥുന്റെ വീട്ടിലെത്തി.