വ​രും ദി​വ​സ​ങ്ങ​ളി​ൽ ബം​ഗ​ളൂ​രു​വി​ല്‍ തു​ട​ര്‍ച്ച​യാ​യ മ​ഴ​ക്ക് സാ​ധ്യ​ത

ബം​ഗ​ളൂ​രു: ബം​ഗ​ളൂ​രു​വി​ലും ക​ർ​ണാ​ട​ക​യു​ടെ തെ​ക്ക​ൻ ഉ​ൾ​പ്ര​ദേ​ശ​ങ്ങ​ളി​ലും തു​ട​ര്‍ച്ച​യാ​യ മ​ഴ​ക്ക് സാ​ധ്യ​ത​യെ​ന്ന് ഇ​ന്ത്യ​ൻ കാ​ലാ​വ​സ്ഥ നി​രീ​ക്ഷ​ണ വ​കു​പ്പി​ന്‍റെ​യും (ഐ.​എം.​ഡി) ക​ർ​ണാ​ട​ക സം​സ്ഥാ​ന പ്ര​കൃ​തി ദു​ര​ന്ത നി​രീ​ക്ഷ​ണ കേ​ന്ദ്ര​ത്തി​ന്‍റെ​യും (കെ.​എ​സ്.​എ​ന്‍.​ഡി.​എം.​സി) പ്ര​വ​ച​നം. ബം​ഗ​ളൂ​രു​വി​ൽ ശ​ക്ത​മാ​യ മ​ഴ, കാ​റ്റ്, മൂ​ട​ൽ മ​ഞ്ഞ് എ​ന്നി​വ​യും പ്ര​തീ​ക്ഷി​ക്കാം. കാ​ലാ​വ​സ്ഥാ നി​രീ​ക്ഷ​ണ വ​കു​പ്പി​ന്‍റെ ക​ണ​ക്ക​നു​സ​രി​ച്ച് വെ​ള്ളി​യാ​ഴ്ച​വ​രെ ബം​ഗ​ളൂ​രു​വി​ലും പ​രി​സ​ര പ്ര​ദേ​ശ​ങ്ങ​ളി​ലും മി​ത​മാ​യ മ​ഴ​ക്കും മ​ണി​ക്കൂ​റി​ല്‍ 30-50 കി​ലോ​മീ​റ്റ​ർ വേ​ഗ​ത​യി​ൽ ശ​ക്ത​മാ​യ കാ​റ്റി​നും സാ​ധ്യ​ത​യു​ണ്ട്. പ​ക​ല്‍ സ​മ​യം താ​പ​നി​ല 29-30 ഡി​ഗ്രി സെ​ല്‍ഷ്യ​സും രാ​ത്രി കാ​ല​ങ്ങ​ളി​ല്‍ 20-21 ഡി​ഗ്രി സെ​ല്‍ഷ്യ​സും രേ​ഖ​പ്പെ​ടു​ത്തി.

ബം​ഗ​ളൂ​രു​വി​ൽ തീ​വ്ര​മ​ഴ ഉ​ണ്ടാ​വി​ല്ലെ​ന്നും ആ​കാ​ശം മേ​ഘാ​വൃ​ത​മാ​യി​രി​ക്കു​മെ​ന്നും കാ​ലാ​വ​സ്ഥാ നി​രീ​ക്ഷ​ണ കേ​ന്ദ്ര​മി​റ​ക്കി​യ ബു​ള്ള​റ്റി​നി​ൽ പ​റ​യു​ന്നു. ജൂ​ലൈ 16 മു​ത​ല്‍ ഒ​റ്റ​പ്പെ​ട്ട​തോ ക​ന​ത്ത​തോ ആ​യ മ​ഴ​ക്കു​സാ​ധ്യ​ത​യു​ണ്ടെ​ന്നും മ​ല​നാ​ട്, തീ​ര ദേ​ശ ജി​ല്ല​ക​ളി​ലെ വി​വി​ധ ഭാ​ഗ​ങ്ങ​ളി​ല്‍ മി​ത​മാ​യ​തോ വ്യാ​പ​ക​മാ​യ​തോ ആ​യ മ​ഴ പ്ര​തീ​ക്ഷി​ക്കു​ന്ന​താ​യും ക​ർ​ണാ​ട​ക സം​സ്ഥാ​ന പ്ര​കൃ​തി ദു​ര​ന്ത നി​രീ​ക്ഷ​ണ കേ​ന്ദ്രം അ​റി​യി​ച്ചു. ബം​ഗ​ളൂ​രു​വി​ലെ ഉ​ള്‍പ്ര​ദേ​ശ​ങ്ങ​ളി​ല്‍ നേ​രി​യ​തോ മി​ത​മാ​യ​തോ ആ​യ മ​ഴ​യും ശ​ക്ത​മാ​യ കാ​റ്റും ല​ഭി​ക്കും. ക​ര്‍ണാ​ട​ക​യു​ടെ തീ​ര​പ്ര​ദേ​ശ​ങ്ങ​ളി​ലും തെ​ക്ക​ന്‍ പ്ര​വി​ശ്യ​ക​ളി​ലും യെ​ല്ലോ അ​ല​ര്‍ട്ട് പ്ര​ഖ്യാ​പി​ച്ചു.