റിയാദ്: കേളി കലാ സാംസ്കാരിക വേദി സുലൈ ഏരിയ ഒമ്പതാമത് സമ്മേളനത്തോടനുബന്ധിച്ച് നടക്കുന്ന ക്രിക്കറ്റ് നോക്കൗട്ട് ടൂർണമെൻറ് ആഗസ്റ്റ് ആദ്യവാരം സുലൈ എം.സി.എ ഗ്രൗണ്ടിൽ ആരംഭിക്കും. പരിപാടിയുടെ നടത്തിപ്പിനായി സംഘാടക സമിതി രൂപവത്കരിച്ചു. സമിതി കൺവീനറായി ഷറഫ് ബാബ്‌തൈൻ, ജോയിന്‍റ് കൺവീനറായി നവാസ് സുലൈ, ചെയർമാനായി ഫൈസൽ മാറത്ത്, വൈസ് ചെയർമാനായി ഷമീർ പറമ്പടി എന്നിവരെ തെരഞ്ഞെടുത്തു. സാമ്പത്തിക കൺവീനറായി ജോർജ് മാറാത്ത്, ടെക്നിക്കൽ കൺവീനറായി റീജേഷ് രയരോത്ത്, ജോയിൻറ് കൺവീനറായി ജുനൈദ് എന്നിവരെയും ചുമതലപ്പെടുത്തി.എരിയ പ്രസിഡന്‍റ് ജോർജ് അധ്യക്ഷത വഹിച്ചു. ഏരിയ ആക്ടിങ് സെക്രട്ടറി ഗോപിനാഥൻ സംഘാടക സമിതി പാനൽ അവതരിപ്പിച്ചു. കേന്ദ്ര സെക്രട്ടറിയേറ്റ് അംഗം കാഹിം ചേളാരി, കേന്ദ്ര കമ്മിറ്റി അംഗം മധു പട്ടാമ്പി എന്നിവർ യോഗത്തിൽ പങ്കെടുത്തു. ഏരിയ ആക്ടിങ് സെക്രട്ടറി സ്വാഗതവും സംഘാടക സമിതി കൺവീനർ ഷറഫ് ബാബ്‌തൈൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.