അറസ്റ്റ് കണ്ട് ക്രിസ്ത്യാനികൾ സുവിശേഷം മ​ട​ക്കി​വെ​ക്കു​മെ​ന്ന് ആ​രും ക​രു​ത​രു​ത് -ക്ലീമീസ് കത്തോലിക്കാ ബാവ

തി​രു​വ​ന​ന്ത​പു​രം: മ​നു​ഷ്യ​ക്ക​ട​ത്തും നി​ർ​ബ​ന്ധി​ത മ​ത​പ​രി​വ​ർ​ത്ത​ന​വും ആ​രോ​പി​ച്ച് ഛത്തി​സ്​​ഗ​ഢി​ൽ മ​ല​യാ​ളി ക​ന്യാ​സ്ത്രീ​ക​ളെ അ​റ​സ്റ്റ് ചെ​യ്ത​തി​നെ​തി​രെ കാ​ത്ത​ലി​ക് ഫോ​റ​ത്തി​ന്‍റെ ആ​ഭി​മു​ഖ്യ​ത്തി​ൽ പാ​ള​യം ര​ക്ത​സാ​ക്ഷി മ​ണ്ഡ​പ​ത്തി​ൽ​നി​ന്ന് രാ​ജ്ഭ​വ​നി​ലേ​ക്ക് ന​ട​ത്തി​യ പ്ര​തി​ഷേ​ധ മാ​ർ​ച്ചി​ൽ സ​ഭാ​ധ്യ​ക്ഷ​രും വൈ​ദി​ക​രു​മ​ട​ക്കം ആ​യി​ര​ങ്ങ​ൾ അ​ണി​ചേ​ർ​ന്നു.

കെ.​സി.​ബി.​സി അ​ധ്യ​ക്ഷ​ൻ ക​ർ​ദി​നാ​ൾ ബാ​ർ ബ​സേ​ലി​യോ​സ് ക്ലീ​മീ​സ് ക​ത്തോ​ലി​ക്കാ ബാ​വ​യു​ടെ നേ​തൃ​ത്വ​ത്തി​ൽ ക​റു​ത്ത തു​ണി​കൊ​ണ്ട് വാ ​മൂ​ടി​ക്കെ​ട്ടി​യാ​യി​രു​ന്നു പ്ര​തി​ഷേ​ധം. ജാ​ഥ ര​ക്ത​സാ​ക്ഷി മ​ണ്ഡ​പ​ത്തി​ൽ തി​രു​വ​ന​ന്ത​പു​രം സ​ഹാ​യ മെ​ത്രാ​ൻ ക്രി​സ്തു​ദാ​സ് ഫ്ലാ​ഗ് ഓ​ഫ് ചെ​യ്തു. മാ​ർ​ച്ച് രാ​ജ്ഭ​വ​നി​ൽ മു​ന്നി​ൽ പൊ​ലീ​സ് ബാ​രി​ക്കേ​ഡ് കെ​ട്ടി ത​ട​ഞ്ഞു. തു​ട​ർ​ന്ന് ന​ട​ന്ന പ്ര​തി​ഷേ​ധ യോ​ഗം ക്ലീ​മീ​സ് ക​ത്തോ​ലി​ക്കാ ബാ​വ ഉ​ദ്ഘാ​ട​നം ചെ​യ്തു.

ക​ന്യാ​സ്ത്രീ​ക​ളെ അ​റ​സ്റ്റ് ചെ​യ്ത​ത് ക​ണ്ട് രാ​ജ്യ​ത്തെ ക്രി​സ്ത്യാ​നി​ക​ൾ സു​വി​ശേ​ഷം മ​ട​ക്കി​വെ​ക്കു​മെ​ന്ന് ആ​രും ക​രു​ത​രു​തെ​ന്ന് അ​ദ്ദേ​ഹം പ​റ​ഞ്ഞു. സ​ന്യാ​സി​മാ​ർ​ക്ക് ജാ​മ്യം കി​ട്ടി​യി​ല്ലെ​ന്ന​തി​നേ​ക്കാ​ൾ സ​ങ്ക​ടം ജാ​മ്യം നി​ഷേ​ധി​ച്ച​പ്പോ​ൾ അ​തി​ൽ ആ​ഹ്ലാ​ദി​ച്ച ആ​ൾ​ക്കൂ​ട്ട​ത്തി​ന്‍റെ ആ​ര​വ​വും ആ​ക്രോ​ശ​വും കേ​ട്ട​പ്പോ​ഴാ​ണ്. ഇ​താ​ണോ മ​തേ​ത​ര ജ​നാ​ധി​പ​ത്യം? ക്രൈ​സ്ത​വ സ​ന്യാ​സി​മാ​ർ തു​റ​ങ്കി​ല​ട​ക്ക​പ്പെ​ടാ​നി​ട​യാ​യ സാ​ഹ​ച​ര്യം സ​മൂ​ഹ​ത്തെ ബോ​ധ്യ​പ്പെ​ടു​ത്താ​ൻ ഭ​ര​ണ​കൂ​ടം ത​യ്യാ​റാ​വ​ണം. ആ​രോ​പി​ക്ക​പ്പെ​ടു​ന്ന​ത് കൊ​ണ്ട് ആ​രും കു​റ്റ​ക്കാ​രാ​കു​ന്നി​ല്ല. ക​ന്യാ​സ്ത്രീ​ക​ളു​ടെ മേ​ൽ ആ​രോ​പി​ക്ക​പ്പെ​ട്ട​ത് ശ​രി​യ​ല്ലെ​ന്നും സ​ത്യ​മ​ല്ലെ​ന്നും പ​റ​ഞ്ഞ​ത് കേ​ര​ള​ത്തി​ലെ ബി.​ജെ.​പി അ​ധ്യ​ക്ഷ​നാ​ണെ​ന്നും അ​ദ്ദേ​ഹം പ​റ​ഞ്ഞു.

ആ​ദ്യം നീ​തി കി​ട്ട​​ട്ടെ, അ​തി​നു​ശേ​ഷം ചാ​യ​കു​ടി​ക്കാം. ക​ന്യാ​സ്ത്രീ​മാ​ർ ഇ​​പ്പോ​ഴും ജ​യി​ലി​ലാ​ണ്. അ​വ​ർ​ക്ക്​ ജാ​മ്യം കി​ട്ടി​യി​ട്ടി​ല്ല. അ​വ​ർ​ക്ക് ല​ഭി​ക്കേ​ണ്ട നീ​തി നി​ഷേ​ധി​ക്കു​​മ്പോ​ൾ പി​ന്നെ എ​ന്ത് ച​ങ്ങാ​ത്തം. എ​ങ്ങ​നെ​യാ​ണ് സാ​ഹോ​ദ​ര്യ​ത്തി​ന്റെ പൂ​ർ​ണ​ത പ​റ​യാ​ൻ ക​ഴി​യു​ക. ക്രി​സ്​​മ​സ്​-​ഈ​സ്റ്റ​ർ അ​വ​സ​ര​ങ്ങ​ളി​ലെ സൗ​ഹൃ​ദ സ​ന്ദ​ർ​ശ​ന​ങ്ങ​ളെ പ​രോ​ക്ഷ​മാ​യി സൂ​ചി​പ്പി​ച്ചാ​ണ്ണ്​ ക്ലീ​മി​സ് ബാ​വ​യു​ടെ പ​രാ​മ​ർ​ശം.

ഭാ​വി​യി​ലെ കേ​ക്കു​മാ​യു​ള്ള സൗ​ഹൃ​ദ ന​യ​ത​ന്ത്ര​ത്തി​ൽ എ​ന്ത്​ നി​ല​പാ​ടാ​യി​രി​ക്കു​മെ​ന്ന മാ​ധ്യ​മ​പ്ര​വ​ർ​ത്ത​ക​രു​ടെ ചോ​ദ്യ​ത്തി​ന്​ ക​ന്യാ​സ്​​​ത്രീ​മാ​രു​ടെ അ​റ​സ്റ്റും ജാ​മ്യ​നി​ഷേ​ധ​വും മാ​ന​ദ​ണ്ഡ​മാ​കു​മെ​ന്നും ഇ​തി​നെ അ​ടി​സ്ഥാ​ന​പ്പെ​ടു​ത്തി​യാ​വും മു​ന്നോ​ട്ടു​പോ​വു​ക​യെ​ന്നും അ​ദ്ദേ​ഹം വ്യ​ക്​​ത​മാ​ക്കി. 

‘ഭാ​ര​ത​ത്തി​ലെ ര​ണ്ട് സ​ന്യാ​സി​നി​മാ​ർ സ്വ​ന്തം ദേ​ശ​ത്ത് അ​പ​മാ​നി​ക്ക​പ്പെ​ടു​ന്ന സാ​ഹ​ച​ര്യ​മാ​ണു​ണ്ടാ​യ​ത്. അ​താ​ക​​ട്ടെ കൃ​ത്രി​മ​മാ​യു​ണ്ടാ​ക്കി​യ ആ​രോ​പ​ണ​ത്തി​ന്റെ അ​ടി​സ്ഥാ​ന​ത്തി​ലും. ത​ങ്ങ​ളു​ടെ ഏ​റ്റ​വും വ​ലി​യ പ​രി​ഗ​ണ​ന ക​ന്യാ​സ്ത്രീ​മാ​ർ​ക്ക് നീ​തി ല​ഭി​ക്കു​ക എ​ന്ന​താ​ണ്. മ​ത​പ​രി​വ​ർ​ത്ത​ന​മെ​ന്ന​ത്​ ആ​രോ​പ​ണ​മാ​ണെ​ന്ന് ബി.​ജെ.​പി സം​സ്ഥാ​ന പ്ര​സി​ഡ​ന്റ് വ​രെ പ​റ​ഞ്ഞു. ഏ​തു മ​ത​ത്തി​ൽ വി​ശ്വ​സി​ക്കാ​നും അ​ത് പ്ര​ച​രി​പ്പി​ക്കാ​നും ഇ​വി​ടെ ജീ​വി​ക്കാ​നും ഭ​ര​ണ​ഘ​ട​ന ഉ​റ​പ്പു​ത​രു​ന്ന സ്വാ​ത​ന്ത്ര്യം നി​ല​നി​ർ​ത്താ​ൻ എ​ല്ലാ​വ​രും ഒ​രു​മി​ച്ചു പ്ര​വ​ർ​ത്തി​ക്ക​ണം - ആ​ർ​ച്ച്​ ബി​ഷ​പ്പ്​ കൂ​ട്ടി​ച്ചേ​ർത്തു.

തി​രു​വ​ന​ന്ത​പു​രം അ​തി​രൂ​പ​ത മെ​ത്രാ​പ്പോ​ലീ​ത്ത തോ​മ​സ് ജെ. ​നെ​റ്റോ, മാ​ർ​ത്തോ​മ സ​ഭ മെ​ത്രാ​പ്പോ​ലീ​ത്ത ഐ​സ​ക് മാ​ർ ഫീ​ലി​ക്സി​നോ​സ്, തി​രു​വ​ന​ന്ത​പു​രം സ​ഹാ​യ മെ​ത്രാ​ൻ ക്രി​സ്തു​ദാ​സ്, ച​ങ്ങ​നാ​ശേ​രി അ​തി​രൂ​പ​ത വി​കാ​രി ജ​ന​റ​ൽ ജോ​ൺ തെ​ക്കേ​ക്ക​ര, തി​രു​വ​ന​ന്ത​പു​രം മേ​ജ​ർ അ​തി​രൂ​പ​ത വി​കാ​രി ജ​ന​റ​ൽ വ​ർ​ക്കി ആ​റ്റു​പു​റം, ല​ത്തീ​ൻ അ​തി​രൂ​പ​ത വി​കാ​രി ജ​ന​റ​ൽ യൂ​ജി​ൻ പെ​രേ​ര എ​ന്നി​വ​ർ സം​സാ​രി​ച്ചു.

ബജ്റങ്ദൾ തീവ്രവാദ സംഘടന​; നിരോധിക്കണം -ഇരിങ്ങാലക്കുട രൂപത

ഇ​രി​ങ്ങാ​ല​ക്കു​ട: ക​ന്യാ​സ്ത്രീ​ക​ളെ ആ​ക്ര​മി​ച്ച ബ​ജ്റ​ങ്ദ​ൾ എ​ന്ന വ​ർ​ഗീ​യ-​തീ​വ്ര​വാ​ദ സം​ഘ​ട​ന​യെ നി​രോ​ധി​ക്ക​ണ​മെ​ന്ന് ഇ​രി​ങ്ങാ​ല​ക്കു​ട രൂ​പ​ത. ആ​ൾ​ക്കൂ​ട്ട വി​ചാ​ര​ണ​യും സ​ർ​ക്കാ​ർ സം​വി​ധാ​ന​ങ്ങ​ൾ ഉ​പ​യോ​ഗി​ച്ച് അ​ന്യാ​യ​മാ​യ അ​റ​സ്റ്റും ന​ട​പ്പാ​ക്കി​യ വി​ഷ​യ​ത്തി​ൽ കേ​ന്ദ്ര സ​ർ​ക്കാ​റും ഛത്തി​സ്‌​ഗ​ഢ് സ​ർ​ക്കാ​റും തു​ട​രു​ന്ന സം​ശ​യ​ക​ര​മാ​യ നി​ഷ്ക്രി​യ​ത്വം ഉ​പേ​ക്ഷി​ക്ക​ണ​മെ​ന്ന് ഇ​രി​ങ്ങാ​ല​ക്കു​ട രൂ​പ​ത ആ​വ​ശ്യ​പ്പെ​ട്ടു.

ന്യൂ​ന​പ​ക്ഷ ക്രൈ​സ്‌​ത​വ വി​ശ്വാ​സി​ക​ളെ ക​ൽ​ത്തു​റു​ങ്കി​ന്റെ ഇ​രു​ട്ടി​ലേ​ക്ക് ത​ള്ളു​ന്ന കി​രാ​ത​മാ​യ മ​ത​തീ​വ്ര​വാ​ദം അ​വ​സാ​നി​പ്പി​ക്ക​ണ​മെ​ന്നും രൂ​പ​ത വ്യ​ക്ത​മാ​ക്കി. വ​ർ​ഗീ​യ​ത​യെ ആ​യു​ധ​മാ​ക്കി ഭ​ര​ണ​ഘ​ട​ന​വി​രു​ദ്ധ പ്ര​വ​ർ​ത്ത​ന​ങ്ങ​ളി​ൽ ഏ​ർ​പ്പെ​ടു​ന്ന ബ​ജ്‌​റ​ങ്ദ​ൾ ഉ​ൾ​പ്പെ​ടെ​യു​ള്ള തീ​വ്ര​വാ​ദ ഗ്രൂ​പ്പു​ക​ളെ ഭാ​ര​ത​ത്തി​ൽ നി​രോ​ധി​ക്ക​ണം.

രാ​ജ്യ​ത്തി​ന്റെ ഭ​ര​ണ​ഘ​ട​ന​യെ​യും പൗ​രാ​വ​കാ​ശ​ങ്ങ​ളെ​യും സം​ര​ക്ഷി​ക്കാ​നു​ള്ള സ​ത്വ​ര ന​ട​പ​ടി​ക​ൾ സ്വീ​ക​രി​ക്കാ​തെ നി​ഷ്ക്രി​യ​രാ​യി തു​ട​രു​ന്ന കേ​ന്ദ്ര-​സം​സ്ഥാ​ന സ​ർ​ക്കാ​ർ സം​വി​ധാ​ന​ങ്ങ​ളെ ഭ​യ​ത്തോ​ടു​കൂ​ടി മാ​ത്ര​മേ പൊ​തു​ജ​ന​ത്തി​ന്, പ്ര​ത്യേ​കി​ച്ച് ന്യൂ​ന​പ​ക്ഷ ജ​ന​വി​ഭാ​ഗ​ത്തി​ന് മ​ന​സ്സി​ലാ​ക്കാ​ൻ ക​ഴി​യൂ​വെ​ന്നും ഇ​രി​ങ്ങാ​ല​ക്കു​ട രൂ​പ​ത പ​റ​ഞ്ഞു.