ഇന്ന് ലോക ചക്ക ദിനം; ടെനിസന്റെ ‘ഓപറേഷൻ സിന്ദൂർ’,ചക്ക കൃഷിയിലെ നൂറുമേനി

തൃ​ശൂ​ർ: കേ​ര​ള​ത്തി​ന്റെ ഔ​ദ്യോ​ഗി​ക ഫ​ലം ച​ക്ക​ക്ക് ലോ​കം ഒ​രു ദി​നം നീ​ക്കി​വെ​ക്കു​മ്പോ​ൾ, തൃ​ശൂ​ർ കൊ​ട​ക​ര​യി​ലെ ആ​ന​ന്ദ​പു​രം സ്വ​ദേ​ശി​യാ​യ ദ​ന്ത ഡോ​ക്ട​ർ ടെ​നി​സ​ൺ ചാ​ക്കോ​യ്ക്ക് ഇ​ത് മ​ധു​ര​മു​ള്ള വി​ജ​യ​ത്തി​ന്റെ ദി​ന​മാ​ണ്. പാ​ര​മ്പ​ര്യ​മാ​യി ല​ഭി​ച്ച നാ​ലേ​ക്ക​ർ ഭൂ​മി​യി​ൽ, ശാ​സ്ത്രീ​യ​മാ​യി പ്ലാ​വ് കൃ​ഷി ചെ​യ്ത് ല​ക്ഷ​ങ്ങ​ൾ വ​രു​മാ​നം നേ​ടു​ക​യാ​ണ് ഈ ​ക​ർ​ഷ​ക​ൻ. മാ​ള​യി​ൽ ദ​ന്ത​ൽ ക്ലി​നി​ക്ക് ന​ട​ത്തു​ന്ന ഡോ. ​ടെ​നി​സ​ൺ, കൃ​ഷി​യോ​ടു​ള്ള അ​ട​ങ്ങാ​ത്ത അ​ഭി​നി​വേ​ശം കൊ​ണ്ടാ​ണ് 2016-ൽ ​പ്ലാ​വ് കൃ​ഷി​യി​ലേ​ക്ക് തി​രി​ഞ്ഞ​ത്.

കു​റ​ഞ്ഞ പ​രി​ച​ര​ണം മ​തി​യെ​ന്ന പൊ​തു​ധാ​ര​ണ​യി​ൽ തു​ട​ങ്ങി​യെ​ങ്കി​ലും, പ്ലാ​വ് കൃ​ഷി​ക്ക് അ​തി​ന്റേ​താ​യ ശ്ര​ദ്ധ​യും പ​രി​ച​ര​ണ​വും വേ​ണ​മെ​ന്ന് അ​ദ്ദേ​ഹം അ​നു​ഭ​വ​ത്തി​ലൂ​ടെ തി​രി​ച്ച​റി​ഞ്ഞു. 500 ഓ​ളം പ്ലാ​വു​ക​ളാ​ണ് ഇ​ന്ന് ടെ​ന്നി​സ​ന്റെ തോ​ട്ട​ത്തി​ലു​ള്ള​ത്. ഇ​തി​ൽ പ​ല​യി​ന​ങ്ങ​ളു​ണ്ടെ​ങ്കി​ലും തോ​ട്ട​ത്തി​ലെ താ​രം കൊ​ട്ടാ​ര​ക്ക​ര സ​ദാ​ന​ന്ദ​പു​രം കാ​ർ​ഷി​ക ഗ​വേ​ഷ​ണ കേ​ന്ദ്രം വി​ക​സി​പ്പി​ച്ച ‘സി​ന്ദൂ​ർ’ എ​ന്ന ഇ​ന​മാ​ണ്.

കാ​യ്ക്കാ​ൻ അ​ഞ്ചോ ആ​റോ വ​ർ​ഷ​മെ​ടു​ക്കു​മെ​ങ്കി​ലും, ക​രു​ത്തോ​ടെ വ​ള​ർ​ന്ന് ദീ​ർ​ഘ​കാ​ലം മി​ക​ച്ച വി​ള​വ് ന​ൽ​കാ​ൻ സി​ന്ദൂ​രി​ന് ക​ഴി​യു​ന്നു. ക​ഴി​ഞ്ഞ വ​ർ​ഷം മൂ​ന്ന് ല​ക്ഷം രൂ​പ​യു​ടെ ച​ക്ക വി​റ്റ സ്ഥാ​ന​ത്ത്, ഈ ​വ​ർ​ഷം സീ​സ​ൺ പ​കു​തി​യാ​യ​പ്പോ​ൾ ത​ന്നെ ഏ​ഴ് ല​ക്ഷം രൂ​പ​യു​ടെ ക​ച്ച​വ​ടം ക​ഴി​ഞ്ഞു.

ആ​ഗ​സ്റ്റി​ൽ ആ​രം​ഭി​ക്കു​ന്ന അ​ടു​ത്ത വി​ള​വെ​ടു​പ്പി​ൽ നി​ന്ന് ഇ​ത്ര​യും ത​ന്നെ വ​രു​മാ​നം അ​ദ്ദേ​ഹം പ്ര​തീ​ക്ഷി​ക്കു​ന്നു. ആ​ക​ർ​ഷ​ക​മാ​യ ചു​വ​ന്ന ചു​ള​ക​ളും, മ​ധു​ര​മേ​റി​യ രു​ചി​യും, കു​റ​ഞ്ഞ രോ​ഗ​സാ​ധ്യ​ത​യു​മാ​ണ് സി​ന്ദൂ​റി​നെ വി​പ​ണി​യു​ടെ പ്രി​യ​ങ്ക​ര​നാ​ക്കു​ന്ന​ത്. ക​യ​റ്റു​മ​തി​ക്കാ​രും പ്ര​മു​ഖ സം​രം​ഭ​ക​രും ഇ​ന്ന് ടെ​ന്നി​സ​ന്റെ തോ​ട്ട​ത്തി​ലെ സി​ന്ദൂ​ർ ച​ക്ക തേ​ടി​യെ​ത്തു​ന്നു.

ഈ ​വി​ജ​യ​ത്തി​ന് പി​ന്നി​ൽ ചി​ട്ട​യാ​യ പ​രി​ച​ര​ണ​രീ​തി​ക​ളു​ണ്ട്. മ​ണ്ണി​ന്റെ ഘ​ട​ന​യ​റി​ഞ്ഞ് അ​ടി​വ​ളം ന​ൽ​കു​ന്ന​തി​നൊ​പ്പം, വ​ർ​ഷ​ത്തി​ൽ മൂ​ന്നു​ത​വ​ണ കു​മ്മാ​യം ചേ​ർ​ത്ത് കാ​ത്സ്യ​ത്തി​ന്റെ ല​ഭ്യ​ത ഉ​റ​പ്പാ​ക്കു​ന്നു. ച​ക്ക​യു​ടെ മ​ധു​രം കൂ​ട്ടാ​ൻ പൊ​ട്ടാ​സ്യം അ​ട​ങ്ങി​യ വ​ള​ങ്ങ​ൾ ന​ൽ​കു​ന്നു. പ്ലാ​വി​ന് ന​ന വേ​ണ്ടെ​ന്ന പൊ​തു​ധാ​ര​ണ​യെ തി​രു​ത്തി​ക്കൊ​ണ്ട്, തു​ള്ളി​ന​ന​യി​ലൂ​ടെ ആ​വ​ശ്യ​മാ​യ വെ​ള്ള​വും ഹ്യൂ​മി​ക് ആ​സി​ഡ് പോ​ലു​ള്ള പോ​ഷ​ക​ങ്ങ​ളും കൃ​ത്യ​മാ​യി ന​ൽ​കു​ന്നു.

ച​ക്ക​യു​ടെ വി​ല നി​ശ്ച​യി​ക്കു​ന്ന​തി​ൽ ക​ർ​ഷ​ക​ന് ഇ​ന്നും വ​ലി​യ പ​ങ്കി​ല്ലെ​ന്ന യാ​ഥാ​ർ​ത്ഥ്യം നി​ല​നി​ൽ​ക്കു​മ്പോ​ഴും, സി​ന്ദൂ​ർ പോ​ലു​ള്ള മി​ക​ച്ച ഇ​ന​ങ്ങ​ൾ കൃ​ഷി ചെ​യ്യു​ന്ന​തി​ലൂ​ടെ മി​ക​ച്ച വി​ല നേ​ടാ​നാ​കു​മെ​ന്ന് ഡോ. ​ടെ​നി​സ​ൺ തെ​ളി​യി​ക്കു​ന്നു. കൃ​ഷി​യെ അ​ഭി​നി​വേ​ശ​മാ​യി കാ​ണു​ന്ന ഈ ​ഡോ​ക്ട​റു​ടെ വി​ജ​യം, കേ​ര​ള​ത്തി​ലെ കാ​ർ​ഷി​ക മേ​ഖ​ല​യ്ക്ക് ഒ​രു പു​തി​യ ദി​ശാ​ബോ​ധം ന​ൽ​കു​ക​യാ​ണ്.