ഉ​ൾ​ക്ക​ണ്ണി​ന്റെ കാ​ഴ്ച​യി​ൽ ബ്ലൈ​ൻ​ഡ് ടേ​ബി​ൾ ടെ​ന്നി​സ്

ദോ​ഹ: 'ടേ​ബി​ൾ ടെ​ന്നി​സ് വ​ള​രെ ര​സ​ക​ര​മാ​ണ്. കാ​ണാ​ൻ ക​ഴി​യാ​ത്ത​തു​കൊ​ണ്ട് ഞ​ങ്ങ​ൾ കേ​ൾ​ക്കു​ന്നു, -അ​തി​നാ​ൽ ശ​ബ്ദ​ത്തി​ൽ ശ്ര​ദ്ധ കേ​ന്ദ്രീ​ക​രി​ച്ചാ​ണ് ക​ളി​ക്കു​ന്ന​ത്' - എ​ജു​ക്കേ​ഷ​ൻ സി​റ്റി സ്റ്റേ​ഡി​യ​ത്തി​ൽ സം​ഘ​ടി​പ്പി​ച്ച ബ്ലൈ​ൻ​ഡ് ടേ​ബി​ൾ ടെ​ന്നി​സി​ൽ പ​ങ്കെ​ടു​ത്ത അ​മ​ൽ ആ​ദം പ​റ​ഞ്ഞു. ഖ​ത്ത​ർ ഫൗ​ണ്ടേ​ഷ​ന്റെ ലേ​ഡീ​സ് നൈ​റ്റി​നോ​ട​നു​ബ​ന്ധി​ച്ചാ​ണ് കാ​ഴ്ച​യി​ല്ലാ​ത്ത​വ​ർ​ക്കാ​യി ഖ​ത്ത​ർ ക​ൾ​ച​റ​ൽ സെ​ന്റ​ർ ബ്ലൈ​ൻ​ഡ് ടേ​ബി​ൾ ടെ​ന്നി​സ് ന​ട​ത്തി​യ​ത്.

​ഖ​ത്ത​ർ ഫൗ​ണ്ടേ​ഷ​ന്റെ ലേ​ഡീ​സ് നൈ​റ്റി​ൽ സ്ത്രീ​ക​ൾ​ക്കും ആ​റു വ​യ​സ്സി​നു മു​ക​ളി​ലു​ള്ള പെ​ൺ​കു​ട്ടി​ക​ൾ​ക്കും കാ​യി​ക വി​നോ​ദ​ങ്ങ​ളി​ൽ ഏ​ർ​പ്പെ​ടു​ന്ന​തി​നും വി​വി​ധ സൗ​ജ​ന്യ ഫി​റ്റ്ന​സ് ക്ലാ​സു​ക​ളി​ലൂ​ടെ​യും ആ​ക്ടി​വി​റ്റി​ക​ളി​ലൂ​ടെ​യും മ​റ്റു​ള്ള​വ​രു​മാ​യി ബ​ന്ധ​പ്പെ​ടു​ന്ന​തി​നും അ​വ​സ​രം ഒ​രു​ക്കു​ന്നു​ണ്ട്. കാ​യി​ക​രം​ഗ​ത്ത് വ​നി​ത​ക​ളെ പി​ന്തു​ണ​ക്കു​ന്ന​തി​ൽ ഖ​ത്ത​ർ ഫൗ​ണ്ടേ​ഷ​ൻ ഒ​രു വ​ഴി​കാ​ട്ടി​യാ​ണെ​ന്ന് ​കാ​ഴ്ച​യി​ല്ലാ​ത്ത​വ​ർ​ക്കാ​യി പ്ര​വ​ർ​ത്തി​ക്കു​ന്ന ഖ​ത്ത​ർ ക​ൾ​ച​റ​ൽ സെ​ന്റ​റി​ലെ ഇ​വ​ന്റ്സ് ആ​ൻ​ഡ് ആ​ക്ടി​വി​റ്റീ​സ് സൂ​പ്പ​ർ​വൈ​സ​ർ മ​റി​യം അ​ൽ​കു​വാ​രി പ​റ​ഞ്ഞു.

ഈ ​സ​ഹ​ക​ര​ണ​ത്തി​ലൂ​ടെ കാ​ഴ്ച​യി​ല്ലാ​ത്ത സ്ത്രീ​ക​ളു​ടെ കാ​യി​ക വി​നോ​ദ​ങ്ങ​ളെ പ്രോ​ത്സാ​ഹി​പ്പി​ക്കാ​ൻ ക​ഴി​യു​ന്നു. അ​തോ​ടൊ​പ്പം കാ​യി​ക​രം​ഗ​ത്ത് എ​ല്ലാ​വ​ർ​ക്കും അ​വ​സ​രം ന​ൽ​കാ​നും, എ​ല്ലാ​വ​രെ​യും ഉ​ൾ​ക്കൊ​ള്ളു​ന്ന ഒ​രു അ​വ​ബോ​ധ​വും വ​ള​ർ​ത്തി​യെ​ടു​ക്കാ​നും സാ​ധി​ക്കു​ന്നു. കാ​യി​ക പ്ര​വ​ർ​ത്ത​ന​ങ്ങ​ളി​ൽ കാ​ഴ്ച​യി​ല്ലാ​ത്ത പെ​ൺ​കു​ട്ടി​ക​ൾ ഏ​ർ​പ്പെ​ടു​ന്ന​തു​വ​ഴി സാ​മൂ​ഹി​ക​മാ​യി അ​വ​രെ ഉ​ൾ​ക്കൊ​ള്ളു​ന്ന​തി​ന് ഒ​രി​ടം ന​ൽ​കു​ക​യും സു​ര​ക്ഷി​ത​മാ​യ കാ​യി​ക ചു​റ്റു​പാ​ടു​ക​ളി​ൽ അ​വ​രെ ശാ​ക്തീ​ക​രി​ക്കു​ക​യും ചെ​യ്യു​ന്നു.

നീ​ള​മു​ള്ള മേ​ശ​യു​ടെ നാ​ലു വ​ശ​ങ്ങ​ളും ഉ​യ​ർ​ത്തി​ഘ​ടി​പ്പി​ച്ച്, ബാ​ളി​ന്റെ ട്രാ​ക്കി​ങ്ങി​നാ​യി ശ​ബ്ദ​മു​ണ്ടാ​ക്കു​ന്ന ബെ​ൽ ഉ​പ​യോ​ഗി​ച്ചു​മാ​ണ് ബ്ലൈ​ൻ​ഡ് ടേ​ബി​ൾ ടെ​ന്നി​സ് ക​ളി​ക്കു​ന്ന​ത്. പ്ലെ​യേ​ഴ്സ് ദീ​ർ​ഘ​ച​തു​രാ​കൃ​തി​യി​ലു​ള്ള ബാ​റ്റു​ക​ൾ ഉ​പ​യോ​ഗി​ക്കു​ക​യും പ​ര​മ്പ​രാ​ഗ​ത വ​ല​ക്കു പ​ക​രം ഒ​രു മ​ര​ത്ത​ട​യു​ടെ താ​ഴെ​ക്കൂ​ടി പ​ന്ത് ഉ​രു​ട്ടു​ക​യും ചെ​യ്യു​ന്നു. ബ്ലൈ​ൻ​ഡ് ടേ​ബി​ൾ ടെ​ന്നി​സ് പൂ​ർ​ണ​മാ​യും ശ്ര​വ​ണ സൂ​ച​ന​ക​ളെ ആ​ശ്ര​യി​ച്ചാ​ണ് ക​ളി​ക്കു​ന്ന​ത്.

'ഞാ​ൻ ഒ​രു വ​ർ​ഷ​മാ​യി ടേ​ബി​ൾ ടെ​ന്നി​സ് ക​ളി​ക്കു​ന്നു. എ​ന്റെ സു​ഹൃ​ത്തു​ക്ക​ളാ​ണ് എ​ന്നെ പ​ഠി​പ്പി​ച്ച​ത്, ഇ​ത് വ​ള​രെ ര​സ​ക​ര​മാ​ണ്. കാ​ണാ​ൻ ക​ഴി​യാ​ത്ത​തു​കൊ​ണ്ട് ഞ​ങ്ങ​ൾ കേ​ൾ​ക്കു​ന്നു, - അ​തി​നാ​ൽ ശ​ബ്ദ​ത്തി​ൽ ശ്ര​ദ്ധ കേ​ന്ദ്രീ​ക​രി​ക്ക​ണം. ഞാ​ൻ ധാ​രാ​ളം സു​ഹൃ​ത്തു​ക്ക​ളോ​ടൊ​പ്പം ക​ളി​ക്കാ​റു​ണ്ട്' -​പ​രി​പാ​ടി​യി​ൽ പ​ങ്കെ​ടു​ത്ത അ​മ​ൽ ആ​ദം പ​റ​ഞ്ഞു. ​

എ​ജു​ക്കേ​ഷ​ൻ സി​റ്റി സ്റ്റേ​ഡി​യ​ത്തി​ൽ എ​ത്താ​നാ​യ​തി​ൽ ഞാ​ൻ സ​ന്തോ​ഷ​വ​തി​യാ​ണ്. ഖ​ത്ത​ർ ഫൗ​ണ്ടേ​ഷ​ന്റെ ലേ​ഡീ​സ് നൈ​റ്റി​ൽ ഞാ​ൻ ആ​ദ്യ​മാ​യാ​ണ് പ​ങ്കെ​ടു​ക്കു​ന്ന​ത്, ഇ​ത് എ​നി​ക്ക് മി​ക​ച്ച അ​നു​ഭ​വ​മാ​ണ്. തീ​ർ​ച്ച​യാ​യും ഞാ​ൻ വീ​ണ്ടും വ​രും -അ​വ​ർ പ​റ​യു​ന്നു.​കാ​ഴ്ച വൈ​ക​ല്യ​മു​ള്ള​വ​ർ​ക്ക് ഉ​പ​ദേ​ശം ന​ൽ​കി​ക്കൊ​ണ്ട് അ​വ​ർ കൂ​ട്ടി​ച്ചേ​ർ​ത്തു' അ​വ​സ​രം ല​ഭി​ക്കു​ക​യാ​ണെ​ങ്കി​ൽ ഈ ​കാ​യി​ക വി​നോ​ദം പ​രീ​ക്ഷി​ക്കാ​ൻ ഞാ​ൻ മ​റ്റു​ള്ള​വ​രെ ക്ഷ​ണി​ക്കു​ന്നു. ഇ​നി​യും മു​ന്നോ​ട്ട് പോ​കു​ക. വെ​റു​തെ ഒ​ന്നു ശ്ര​മി​ച്ചു​നോ​ക്കു​ക, ഉ​പേ​ക്ഷി​ക്ക​രു​ത്. എ​ല്ലാ യാ​ത്ര​യും വെ​ല്ലു​വി​ളി​ക​ളോ​ടെ​യാ​ണ് ആ​രം​ഭി​ക്കു​ന്ന​ത്, പ​ക്ഷേ അ​ത് എ​ളു​പ്പ​മാ​കും.