കേളി മലസ് ഏരിയ സമ്മേളന ലോഗോ സെബിൻ ഇഖ്ബാലും നൗഫൽ ഉള്ളാട്ടുചാലിയും
ചേർന്ന് പ്രകാശനം ചെയ്യുന്നു
റിയാദ്: 12ാം കേളി കേന്ദ്ര സമ്മേളനത്തിന്‍റെ മുന്നോടിയായി മലസ് ഏരിയായുടെ ആറാമത് സമ്മേളനം സെപ്തംബർ 18, 19 തീയതികളിൽ കോടിയേരി ബാലകൃഷ്ണൻ നഗറിൽ നടക്കും. സമ്മേളനത്തിന്‍റെ ലോഗോ പ്രകാശനം ചെയ്തു. ഏരിയ സമ്മേളന സംഘാടകസമിതി ചെയർമാൻ നിയാസ് ഷാജഹാൻ ചടങ്ങിൽ അധ്യക്ഷത വഹിച്ചു.
കേന്ദ്ര പ്രസിഡന്‍റ് സെബിൻ ഇഖ്ബാലും കേന്ദ്ര കമ്മിറ്റി അംഗവും ഏരിയാ കമ്മിറ്റി സെക്രട്ടറിയുമായ നൗഫൽ ഉള്ളാട്ടുചാലിയും ചേർന്ന് ലോഗോ പ്രകാശനം നിർവഹിച്ചു. ആറാമത് ഏരിയ സമ്മേളനത്തിന്‍റെ ലോഗോ റിയാദിലെ പൊതുസമൂഹത്തിൽനിന്ന് ക്ഷണിക്കുകയും അതിൽ നിന്ന് മികച്ച ലോഗോ തെരെഞ്ഞെടുക്കുകയുമാണ് ചെയ്തത്.
മികച്ച ലോഗോ തയാറാക്കിയത് മലസ് യൂനിറ്റംഗം സുബിൻ കക്കുഴിയാണ്. ഏരിയ രക്ഷാധികാരി കൺവീനർമാരായ സുനിൽ കുമാർ, ജവാദ് പരിയാട്ട്, കേന്ദ്രകമ്മിറ്റി അംഗങ്ങളായ കാഹിം ചേളാരി, നസീർ മുള്ളൂർക്കര എന്നിവർ സംസാരിച്ചു. സംഘാടകസമിതി കൺവീനർ വി.എം. സുജിത് സ്വാഗതവും സംഘാടക സമിതി സാമ്പത്തിക കൺവീനർ സമീർ അബ്ദുൽ അസീസ് നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.