ട്രോ​ളി​ങ്​ നി​രോ​ധ​നം; പ്രതീക്ഷയും ആശങ്കയും

ബോ​ട്ടു​ക​ൾ ക​ര​ക്കു ​ക​യ​റു​ന്ന​തോ​ടെ മ​ത്സ്യ​ത്തി​ന് വി​ല കി​ട്ടു​മെ​ന്ന പ്ര​തീ​ക്ഷ​യിൽ പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ൾ

അ​മ്പ​ല​പ്പു​ഴ: ട്രോ​ളി​ങ്​ നി​രോ​ധ​നം നി​മി​ത്തം ബോ​ട്ടു​ക​ൾ ക​ര​ക്കു​ക​യ​റു​ന്ന​തോ​ടെ ത​ങ്ങ​ൾ പി​ടി​ച്ചു​കൊ​ണ്ടു​വ​രു​ന്ന മ​ത്സ്യ​ത്തി​ന് വി​ല കി​ട്ടു​മെ​ന്ന പ്ര​തീ​ക്ഷ​യി​ലാ​ണ് പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ളും വ​ള്ളം ഉ​ട​മ​ക​ളും. ഈ ​സ​മ​യ​ത്തെ ചാ​ക​ര കൊ​യ്ത്ത് കാത്തിരിക്കുകയാണ് പ​ര​മ്പര​ാഗ​ത മ​ത്സ്യ​ത്തൊ​ഴി​ലാ​ളി​ക​ൾ. കു​റ​ച്ചു​നാ​ളു​ക​ളാ​യി വ​റു​തി​യി​ൽ ന​ട്ടം​തി​രി​യു​ന്ന ഇ​വ​ർ ചാ​ക​ര തെ​ളി​ഞ്ഞാ​ൽ വ​ള്ള​മി​റ​ക്കാ​നു​ള്ള ത​യാ​റെ​ടു​പ്പി​ലാ​ണ്.

ലെ​യ് ല​ൻ​റ്, ബീ​ഞ്ച്, ഡി​സ്ക്കോ വ​ള്ള​ങ്ങ​ൾ​ക്ക് ട്രോ​ളി​ങ്​ ബാ​ധ​ക​മ​ല്ല. പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ൾ​ക്ക് പ്ര​തീ​ക്ഷ​യു​ള്ള​ത് ഈ ​സ​മ​യ​ത്താ​ണ്. പ​ല​രും പു​തി​യ​വ​ള്ളം ക​ട​ലി​ൽ ഇ​റ​ക്കാ​ൻ കാ​ത്തി​രി​ക്കു​ക​യാ​ണ്. ല​ക്ഷ​ങ്ങ​ൾ ക​ടം വാ​ങ്ങി​യാ​ണ് വ​ള്ള​വും വ​ല​യും ത​ര​പ്പെ​ടു​ത്തി​യി​ട്ടു​ള​ള​ത്. ചൂ​ട, താ​ങ്ങ്, നീ​ട്ട്, എ​ച്ച്.​എം, വ​ല​യോ​ട്ട, അ​ടി​വ​ല തു​ട​ങ്ങി​യ വ​ല​ക​ളാ​ണ് പ​ര​മ്പ​രാ​ഗ​ത മ​ത്സ്യ​ത്തൊ​ഴി​ലാ​ളി​ക​ൾ ഉ​പ​യോ​ഗി​ക്കു​ന്ന​ത്. ദി​വ​സ​ങ്ങ​ളോ​ളം കൂ​ട്ട​മാ​യി ഇ​രു​ന്നാ​ണ് വ​ല​ക​ളു​ടെ അ​റ്റ​കു​റ്റ​പ്പ​ണി പൂ​ർ​ത്തി​യാ​ക്കു​ന്ന​ത്. ഇ​ൻ​ബോ​ർ​ഡ് വ​ള​ള​ങ്ങ​ൾ ഉ​ൾ​പ്പെ​ടെ​യു​ള​ള എ​ല്ലാ വ​ള​ള​ങ്ങ​ൾ​ക്കും മ​ത്സ്യ​ബ​ന്ധ​നം ന​ട​ത്താം. എ​ന്നാ​ല്‍ ഒ​രു ക്യാ​രി​യ​ര്‍ വ​ള്ളം മാ​ത്ര​മെ ഉ​പ​യോ​ഗി​ക്കാ​ന്‍ അ​നു​മ​തി​യു​ള്ളു.

ചെ​റി​യ ഒ​രു വ​ള്ളം ക​ട​ലി​ൽ പോ​യി മ​ത്സ്യ​ബ​ന്ധ​നം ക​ഴി​ഞ്ഞു തി​രി​കെ​യെ​ത്തു​മ്പോ​ൾ 6000 രൂ​പ​യോ​ളം ഇ​ന്ധ​ന ചെ​ല​വ് മാ​ത്രം വ​രും. ലെ​യ്​​ല​ന്‍റ്​ ഇ​ന​ത്തി​ൽ പെ​ട്ട വ​ള്ള​മാ​കു​മ്പോ​ൾ തു​ക ഇ​ര​ട്ടി​യി​ല​ധി​ക​മാ​കും. മീ​ന്‍ കി​ട്ടി​യി​ല്ലെ​ങ്കി​ലും തൊ​ഴി​ലാ​ളി​ക​ള്‍ക്ക് ബാ​റ്റ ന​ല്‍കു​ക​യും വേ​ണം. ഇ​ങ്ങ​നെ വ​ൻ​ക​ട​ക്കെ​ണി​യി​ലാ​ണ് പ​ല വ​ള്ളം ഉ​ട​മ​ക​ളും. ഇ​ത്ത​വ​ണ ട്രോ​ളി​ങ് നി​രോ​ധ​ന കാ​ല​ത്ത്​ പ്ര​തീ​ക്ഷ​ക​ൾ ഫ​ലം കാ​ണു​മെ​ന്ന വി​ശ്വാ​സ​ത്തി​ലാ​ണ് പ​ര​മ്പ​രാ​ഗ​ത മ​ത്സ്യ​ത്തൊഴി​ലാ​ളി​ക​ൾ.

ആശങ്കയിൽ അരൂരിലെ മത്സ്യത്തൊഴിലാളികൾ

അ​രൂ​ർ: സം​സ്ഥാ​ന​ത്ത് തി​ങ്ക​ളാ​ഴ്ച ട്രോ​ളി​ങ്​ നി​രോ​ധ​നം ആ​രം​ഭി​ക്കു​ന്ന​തോ​ടെ മ​ത്സ്യ​ത്തൊ​ഴി​ലാ​ളി​ക​ളും അ​നു​ബ​ന്ധ തൊ​ഴി​ലാ​ളി​ക​ളു​മ​ട​ക്കം അ​രൂ​ർ മേ​ഖ​ല​യി​ലെ ആ​യി​ര​ക്ക​ണ​ക്കി​ന്​ മ​ത്സ്യ​ത്തൊ​ഴി​ലാ​ളി​ക​ൾ ആ​ശ​ങ്ക​യി​ൽ. സം​സ്ഥാ​ന​ത്ത് ഏ​റ്റ​വു​മ​ധി​കം സ​മു​ദ്രോ​ല്പ​ന്ന സം​സ്ക​ര​ണ ക​യ​റ്റു​മ​തി വ്യ​വ​സാ​യം കേ​ന്ദ്രീ​ക​രി​ച്ചി​രി​ക്കു​ന്ന​ത് അ​രൂ​ർ മേ​ഖ​ല​യി​ലാ​ണ്. മ​ത്സ്യോ​ല്പ​ന്ന ക​യ​റ്റു​മ​തി​യി​ൽ മി​ക​വി​ന്റെ പ​ട്ട​ണ​മാ​യി അ​രൂ​ർ മേ​ഖ​ല​യെ കേ​ന്ദ്ര​സ​ർ​ക്കാ​ർ അം​ഗീ​ക​രി​ച്ചി​ട്ടു​മു​ണ്ട്. ക​പ്പ​ൽ മു​ങ്ങി ക​ണ്ടെ​യ്ന​ർ ക​ട​ലി​ൽ വീ​ണ​തോ​ടെ ക​ട​ൽ മ​ത്സ്യ​ക്ക​ച്ച​വ​ടം ഇ​ടി​ഞ്ഞി​രു​ന്നു. അ​തി​ന്​ പി​ന്നാ​ലെ​യാ​ണ്​ ട്രോ​ളി​ങ്​ നി​രോ​ധ​ന​വു​മെ​ത്തു​ന്ന​ത്.

നി​രോ​ധ​ന കാ​ല​ത്ത്​ മ​ത്സ്യ സം​സ്ക​ര​ണ തൊ​ഴി​ലാ​ളി​ക​ളും ക​ഷ്ട​ത്തി​ലാ​കും. കു​റെ നാ​ളു​ക​ളാ​യി കേ​ര​ള​ത്തി​ന്‍റെ ക​ട​ലോ​ര​ങ്ങ​ളി​ൽ നി​ന്ന് ക​യ​റ്റു​മ​തി​ക്ക് ആ​വ​ശ്യ​മാ​യ മ​ത്സ്യ വി​ഭ​വ​ങ്ങ​ൾ ല​ഭി​ക്കാ​റി​ല്ലെ​ന്നാ​ണ് വ്യ​വ​സാ​യി​ക​ളു​ടെ പ​രാ​തി. അ​യ​ൽ സം​സ്ഥാ​ന​ങ്ങ​ളി​ൽ നി​ന്ന് മ​ത്സ്യ​ങ്ങ​ൾ ഇ​റ​ക്കു​മ​തി ചെ​യ്ത്​ സാം​സ്ക​രി​ച്ചാ​ണ്​ ക​യ​റ്റു​മ​തി ചെ​യ്യു​ന്ന​ത്. ഇ​തൊ​രു ന​ഷ്ട​ക്ക​ച്ച​വ​ട​മാ​ണെ​ന്ന് മ​ന​സ്സി​ലാ​ക്കി, ഇ​ത​ര സം​സ്ഥാ​ന​ങ്ങ​ളി​ൽ ത​ന്നെ വ്യ​വ​സാ​യ സ്ഥാ​പ​ന​ങ്ങ​ൾ ആ​രം​ഭി​ക്കാ​നും ഒ​രു​ക്ക​ങ്ങ​ൾ ആ​രം​ഭി​ച്ചി​ട്ടു​ണ്ട്. ചി​ല വ്യ​വ​സാ​യി​ക​ൾ മ​റ്റു സം​സ്ഥാ​ന​ങ്ങ​ളി​ൽ വ്യ​വ​സാ​യ സ്ഥാ​പ​ന​ങ്ങ​ൾ ആ​രം​ഭി​ച്ചു ക​ഴി​ഞ്ഞു.

വ​നാ​മി ചെ​മ്മീ​ൻ വ​ള​ർ​ത്തു​ന്ന​തി​ന് അ​രൂ​ർ മേ​ഖ​ല​യി​ലെ ത​രി​ശു കി​ട​ക്കു​ന്ന പാ​ട​ങ്ങ​ൾ, മ​ത്സ്യ കൃ​ഷി​യോ​ഗ്യ​മാ​ക്ക​ണ​മെ​ന്ന് ആ​വ​ശ്യ​പ്പെ​ട്ട് വ്യ​വ​സാ​യി​ക​ൾ സ​ർ​ക്കാ​രി​നെ സ​മീ​പി​ച്ചി​ട്ടു​ണ്ട്.​അ​നു​കൂ​ല​മാ​യ ചി​ല ന​ട​പ​ടി​ക​ൾ സ​ർ​ക്കാ​റി​ന്‍റെ ഭാ​ഗ​ത്തു​നി​ന്ന് ഉ​ണ്ടാ​യി​ട്ടു​ണ്ട്.

കേ​ര​ള​ത്തി​ന്‍റെ ഹാ​ർ​ബ​റു​ക​ളി​ൽ നി​ന്നു വ്യാ​പ​ക​മാ​യി ല​ഭി​ക്കു​ന്ന ചെ​മ്മീ​നു​ക​ൾ സം​സ്ക​രി​ച്ചു ക​യ​റ്റു​മ​തി ചെ​യ്യു​ന്ന​ത് ട്രോ​ളി​ങ്​ നി​രോ​ധ​ന കാ​ല​ത്ത്​ നി​ല​ക്കും. ഇ​തു​മൂ​ലം അ​രൂ​ർ മേ​ഖ​ല​യി​ലെ ചെ​മ്മീ​ൻ സം​സ്ക​ര​ണ - ക​യ​റ്റു​മ​തി സ്ഥാ​പ​ന​ങ്ങ​ളു​ടെ പ്ര​വ​ർ​ത്ത​ന​വും മ​ന്ദ​ഗ​തി​യി​ലാ​കും. പ​ട്ടി​ണി​യി​ലാകു​ന്ന ചെ​മ്മീ​ൻ തൊ​ഴി​ലാ​ളി​ക​ൾ​ക്ക് ആ​ശ്വാ​സം പ​ക​രാ​ൻ ആ​നു​കൂ​ല്യ​ങ്ങ​ൾ ന​ൽ​ക​ണ​മെ​ന്ന് തൊ​ഴി​ലാ​ളി സം​ഘ​ട​ന​ക​ൾ ആ​വ​ശ്യ​പ്പെ​ടു​ന്നു​ണ്ട്.