സലാല: ഇന്ത്യൻ സോഷ്യൽ ക്ലബ് സലാല വിപുലമായ പരിപാടികളോടെ ഇന്ത്യൻ സ്വാതന്ത്ര്യ ദിനം ആഘോഷിക്കും. ക്ലബ് ഹാളിൽ രാവിലെ വെള്ളിയാഴ്ച 8.30 മുതൽ രക്തദാന ക്യാമ്പ് നടക്കും.മിനിസ്ട്രി ഓഫ് ഹെൽത്തുമായി സഹകരിച്ചാണ് രക്തദാനം ഒരുക്കുന്നത്. വൈകീട്ട് നാലര മുതൽ ലൈഫ് ലൈൻ ആശുപത്രിയുമായി ചേർന്ന് ഒരുക്കുന്ന മെഡിക്കൽ ക്യാമ്പിൽ ആറിലധികം ഡോക്ടർമാരുടെ സേവനം ലഭ്യമാണ്.
പ്രാഥമിക പരിശോധനകളും ഉണ്ടായിരിക്കും. രാത്രി എട്ടിന് നടക്കുന്ന കൾചറൽ നൈറ്റിൽ കലാപരിപാടികളും അരങ്ങേറുമെന്ന് ഐ.എസ്.സി പ്രസിഡന്റ് രാകേഷ് കുമാർ ഝ അറിയിച്ചു. വൈസ് പ്രസി. സണ്ണി ജേക്കബും മറ്റ് എക്സിക്യൂട്ടിവ് കമ്മിറ്റിയംഗങ്ങളും നേത്യത്വം നൽകും. മിനിസ് ട്രി ഓഫ് സോഷ്യൽ ഡെവലപ്മെന്റ് ഡി.ജി. ഹാക്കിം മുഹമ്മദ് സാലെ അൽ മക്സൂം മുഖ്യാതിഥിയായി സംബന്ധിക്കും.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.