ജിസാൻ: പൊള്ളലേറ്റു ചികിത്സയിലായിരുന്ന കൊല്ലം സ്വദേശി ജിസാനിൽ മരിച്ചു. കൊല്ലം പുത്തൂർ സ്വദേശി ബിജിൻലാൽ ബൈജു (29) ആണ് മരിച്ചത്. വെള്ളിയാഴ്ച ജിസാൻ സബിയയിൽ സാസ്‌കോ ഗ്യാസ് സ്‌റ്റേഷനിൽ വെച്ചുണ്ടായ തീപിടിത്തത്തിൽ ഇദ്ദേഹത്തിന് മാരകമായി പൊള്ളലേറ്റിരുന്നു.
അബു അരീഷ് കിങ് ഫഹദ് ആശുപത്രി അത്യാഹിത വിഭാഗത്തിൽ ചികിത്സയിലായിരിക്കെ ഇന്ന് ഞായർ പുലർച്ചെയാണ് ഇദ്ദേഹത്തിന്റെ മരണം. കമ്പനി സ്പോൺസർ റിയാദിൽ നിന്നെത്തിയതിന് ശേഷം കുടുംബത്തിന്റെ ആവശ്യപ്രകാരം മറ്റു നടപടികൾ പൂർത്തിയാക്കുമെന്ന് ബന്ധപ്പെട്ടവർ അറിയിച്ചു.
ജല ജിസാൻ കരുണ്യ വിഭാഗത്തിന്റെ നേതൃത്വത്തിൽ ജല വാസലീഹ് യൂനിറ്റ് സെക്രട്ടറി സഞ്ജീവൻ, ട്രഷറർ വിപിൻ എന്നിവർ ആശുപത്രിയിൽ സന്ദർശനം നടത്തി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.