പുനലൂർ റെയിൽവേ സബ് സ്റ്റേഷനിൽ വൈദ്യുതി എത്തുന്നു

പു​ന​ലൂ​ർ: വ​ർ​ഷ​ങ്ങ​ളു​ടെ കാ​ത്തി​രി​പ്പി​നും വി​വാ​ദ​ങ്ങ​ൾ​ക്കും ശേ​ഷം പു​ന​ലൂ​ർ റെ​യി​ൽ​വേ സ്റ്റേ​ഷ​ൻ 110 കെ.​വി ട്രാ​ക്ഷ​ൻ സ​ബ്സ്റ്റേ​ഷ​നി​ൽ വൈ​ദ്യു​തി എ​ത്തു​ന്നു. ബു​ധ​നാ​ഴ്ച ട്ര​യ​ൽ റ​ൺ ന​ട​ക്കും.​അ​ടു​ത്തു​ത​ന്നെ സ​ബ്​ സ്​​റ്റേ​ഷ​ൻ ഉ​ദ്ഘാ​ട​നം ന​ട​ക്കു​ന്ന​തോ​ടെ കൊ​ല്ലം- ചെ​ങ്കോ​ട്ട ബ്രോ​ഡ്ഗേ​ജ് ലൈ​ൻ പൂ​ർ​ണ​മാ​യും വൈ​ദ്യു​തി സം​വി​ധാ​ന​ത്തി​ലാ​കും. പു​ന​ലൂ​ർ സ്റ്റേ​ഷ​നി​ൽ റെ​യി​ൽ​വേ സ​ബ് സ്റ്റേ​ഷ​ൻ നി​ർ​മി​ച്ച​ശേ​ഷം വൈ​ദ്യു​തി ല​ഭ്യ​മാ​ക്കാ​ൻ കെ.​എ​സ്.​ഇ ബി​ക്ക് 28 കോ​ടി രൂ​പ ഏ​റെ​ക്കാ​ലം മു​മ്പ്​ റെ​യി​ൽ​വേ കൈ​മാ​റി​യി​രു​ന്നു.

എ​ന്നാ​ൽ, 23 മാ​സം ക​ഴി​ഞ്ഞാ​ണ് വൈ​ദ്യു​തി എ​ത്തി​ക്കു​ന്ന​തി​നു​ള്ള നി​ർ​മാ​ണ പ്ര​വ​ർ​ത്ത​ന​ങ്ങ​ൾ പൂ​ർ​ത്തി​യാ​ക്കി​യ​ത്. വൈ​ദ്യു​തി ലൈ​ൻ സ്ഥാ​പി​ച്ച​ത് ഇ​ല​ക്ട്രി​ക്ക​ൽ ഇ​ൻ​സ്​​പെ​ക്ട​റേ​റ്റി​ന്റെ സു​ര​ക്ഷാ പ​രി​ശോ​ധ​ന​യും അ​ടു​ത്തി​ടെ ന​ട​ത്തി. പു​ന​ലൂ​ർ കെ.​എ​സ്.​ഇ.​ബി 110 കെ.​വി സ​ബ്സ്റ്റേ​ഷ​നി​ൽ നി​ന്ന്​ ര​ണ്ടേ​കാ​ൽ കി​ലോ​മീ​റ്റ​ർ അ​ക​ലെ റെ​യി​ൽ​വേ സ്റ്റേ​ഷ​ൻ യാ​ർ​ഡി​ന്​ സ​മീ​പം സ്ഥാ​പി​ച്ചി​രി​ക്കു​ന്ന റെ​യി​ൽ​വേ സ​ബ്സ്റ്റേ​ഷ​നി​ലേ​ക്കാ​ണ് വൈ​ദ്യു​തി എ​ത്തു​ന്ന​ത്.

കെ.​എ​സ്.​ഇ.​ബി​യു​ടെ സ​ബ്സ്റ്റേ​ഷ​നി​ൽ നി​ന്ന്​ ഫൈ​ബ​ർ വ​ഴി ഭൂ​മി​ക്ക​ടി​യി​ലൂ​ടെ (യു.​ജി) വൈ​ദ്യു​തി കേ​ബി​ളും ഒ​പ്റ്റി​ക്ക​ൽ കേ​ബി​ളും (ഒ.​എ.​സി) സ്ഥാ​പി​ക്കു​ന്ന പ്ര​വൃ​ത്തി​യും സ​ബ്സ്റ്റേ​ഷ​നു​ക​ളി​ൽ പാ​ന​ലു​ക​ളും ക​ണ്ട​ക്ട​റു​ക​ളും സ്ഥാ​പി​ക്കു​ന്ന ജോ​ലി​ക​ളും ഇ​തി​ന​കം പൂ​ർ​ത്തി​യാ​യി. ഇ​തി​നാ​യി പ​ട്ട​ണ​ത്തി​ലെ തി​ര​ക്കേ​റി​യ പ​ല​ഭാ​ഗ​ത്തും വ​ലി​യ കു​ഴി​ക​ൾ എ​ടു​ത്താ​ണ് കേ​ബി​ളു​ക​ൾ സ്ഥാ​പി​ച്ച​ത്. 2023 ആ​ഗ​സ്റ്റി​ൽ റെ​യി​ൽ​വേ സ​ബ് സ്റ്റേ​ഷ​ൻ നി​ർ​മാ​ണം പൂ​ർ​ത്തി​യാ​ക്കി ക​മീ​ഷ​ൻ ചെ​യ്തി​രു​ന്നു. റെ​യി​ൽ​വേ ത​ങ്ങ​ളു​ടെ പ​ണി പൂ​ർ​ത്തീ​ക​രി​ച്ചി​ട്ടും കെ.​എ​സ്.​ഇ.​ബി​യു​ടെ ഭാ​ഗ​ത്തു​നി​ന്ന് കാ​ര്യ​മാ​യ ന​ട​പ​ടി​ക​ൾ ഉ​ണ്ടാ​യി​ല്ല. അ​വ​സാ​നം മ​ന്ത്രി​ത​ല​ത്തി​ൽ ച​ർ​ച്ച​ന​ട​ത്തി​യാ​ണ് കെ.​എ​സ്.​ഇ.​ബി ന​ട​പ​ടി വേ​ഗ​ത്തി​ലാ​ക്കി​യ​ത്.

മ​ല​യോ​ര ഹൈ​വേ​യും ദേ​ശീ​യ​പാ​ത​യും ന​ഗ​ര​സ​ഭ​യി​ലെ ഒ​ട്ടേ​റെ ഇ​ട​റോ​ഡു​ക​ളും ക​ട​ന്നാ​ണ് ഭൂ​ഗ​ർ​ഭ കേ​ബി​ൾ വ​ഴി വൈ​ദ്യു​തി എ​ത്തി​ക്കു​ന്ന​ത്. ക​ഴി​ഞ്ഞ സെ​പ്റ്റം​ബ​റി​ലാ​ണ്​ പ്ര​വൃ​ത്തി തു​ട​ങ്ങി​യ​ത്. പു​ന​ലൂ​ർ ട്രാ​ക്ഷ​ൻ സ​ബ് സ്റ്റേ​ഷ​നി​ൽ വൈ​ദ്യു​തി എ​ത്താ​ൻ വൈ​കി​യ​തു​കാ​ര​ണം പു​ന​ലൂ​ർ- ചെ​ങ്കോ​ട്ട പാ​ത വൈ​ദ്യു​തി ലൈ​ൻ ക​മീ​ഷ​ൻ ചെ​യ്യു​ന്ന​തി​നും തു​ട​ർ​ന്ന് ട്രെ​യി​നു​ക​ൾ ഓ​ടി​ക്കു​ന്ന​തി​നും പെ​രി​നാ​ട്, ചെ​ങ്കോ​ട്ട ട്രാ​ക്ഷ​ൻ സ​ബ് സ്റ്റേ​ഷ​നു​ക​ളെ​യാ​ണ്​ ആ​ശ്ര​യി​ക്കു​ന്ന​ത്. പു​ന​ലൂ​ർ ട്രാ​ക്ഷ​ൻ സ​ബ്സ്റ്റേ​ഷ​ൻ ഉ​ദ്‌​ഘാ​ട​നം ആ​കു​ന്ന​തോ​ടെ കൊ​ല്ല- ചെ​ങ്കോ​ട്ട പാ​ത​യി​ലെ ട്രെ​യി​ൻ യാത്ര കൂ​ടു​ത​ൽ സു​ഗ​മ​മാ​കും.