യുവാവിന്റെ പരാക്രമത്തില്‍ പകച്ച് ഒരു ഗ്രാമം

വെ​ള്ള​റ​ട: ല​ഹ​രി​ക്ക​ടി​പ്പെ​ട്ട യു​വാ​വി​ന്റെ പ​രാ​ക്ര​മ​ത്തി​ല്‍ പ​ക​ച്ച് ഒ​രു ഗ്രാ​മം. പൊ​ലീ​സ്​ ന​ട​പ​ടി​യി​ല്ലെ​ന്ന്​ ആ​ക്ഷേ​പം. ഇ​യാ​ളു​ടെ പ​രാ​ക്ര​മ​ത്തി​ൽ കു​ട്ടി​ക​ളും സ്ത്രീ​ക​ളും പു​റ​ത്തി​റ​ങ്ങാ​ന്‍ ഭ​യ​ക്കു​ന്നു. മ​ദ്യ​പി​ച്ചെ​ത്തി മ​ര്‍ദി​ക്കു​ന്ന​ത് പ​തി​വാ​യ​തോ​ടെ ഭാ​ര്യ ര​ണ്ട് പ്രാ​വ​ശ്യം ആ​ത്മ​ഹ​ത്യ​ക്ക് ശ്ര​മി​ച്ചു.

പൊ​ലീ​സ് ഇ​ട​പെ​ട​ലി​ലെ വീ​ഴ്ച​യെ തു​ട​ര്‍ന്ന് മ​ക്ക​ളെ​യും​കൊ​ണ്ട് ഇ​വ​ർ പാ​റ​ശ്ശാ​ല​യി​ലെ കു​ടും​ബ​വീ​ട്ടി​ലേ​ക്ക് മാ​റി. നാ​ട്ടു​കാ​രെ ഭീ​ഷ​ണി​പ്പെ​ടു​ത്തു​ക​യും ബൈ​ക്ക് ക​ത്തി​ക്കു​ക​യും ചെ​യ്ത സം​ഭ​വ​ങ്ങ​ളി​ല്‍ പൊ​ലീ​സ് ന​ട​പ​ടി സീ​ക​രി​ച്ചി​ട്ടി​ല്ല.

മ​ദ്യ​പി​ക്കാ​ന്‍ കാ​ശി​നു​വേ​ണ്ടി യു​വാ​വ്​ പി​താ​വി​നെ ക്രൂ​ര​മാ​യി മ​ര്‍ദി​ക്കാ​റു​ണ്ട​ത്രെ. സ്ത്രീ​ക​ളെ​യും വ​ഴി​യാ​ത്ര​ക്കാ​തെ​യും അ​സ​ഭ്യം പ​റ​യു​ക​യും ചോ​ദ്യം ചെ​യ്യു​ന്ന​വ​രെ ആ​ക്ര​മി​ക്കു​ക​യു​മാ​ണി​യാ​ൾ. ഭാ​ര്യ മാ​റി താ​മ​സി​ക്കു​ന്ന​ത് അ​യ​ല്‍വാ​സി​ക​ൾ കാ​ര​ണ​മാ​ണെ​ന്ന് പ​റ​ഞ്ഞാ​ണ്​ പ​രാ​ക്ര​മം.

നി​ര​വ​ധി സ്ത്രീ​ക​ളെ ത​ട​ഞ്ഞ് നി​ർ​ത്തി ഉ​പ​ദ്ര​വി​ക്കാ​ന്‍ ശ്ര​മി​ച്ചി​ട്ടു​ള്ള​താ​യാ​ണ്​ പ​രാ​തി. സ​ഹി​കെ​ട്ട നാ​ട്ടു​കാ​ര്‍ അ​മ്പ​തോ​ളം പേ​ര്‍ ഒ​പ്പി​ട്ട പ​രാ​തി മാ​രാ​യ​മു​ട്ടം പൊ​ലീ​സി​ന്​ ന​ൽ​കി​യി​ട്ടും ന​ട​പ​ടി ഉ​ണ്ടാ​യി​ട്ടി​ല്ല. ക​ഴി​ഞ്ഞ തി​ങ്ക​ളാ​ഴ്ച പാ​ല്‍ക്കു​ള​ങ്ങ​ര മേ​ലെ ത​ട്ട് പു​ത്ത​ന്‍വീ​ട്ടി​ല്‍ വ​ത്സ​ല​യെ(66) പ്ര​കോ​പ​ന​മി​ല്ലാ​തെ ക​രി​ങ്ക​ല്‍ചീ​ള്​ കൊ​ണ്ട് ത​ല​ക്കി​ടി​ച്ച് പ​രി​ക്കേ​ല്‍പ്പി​ച്ചു. ഗു​രു​ത​ര പ​രി​ക്കേ​റ്റ ഇ​വ​ർ കാ​ര​ക്കോ​ണം മെ​ഡി​ക്ക​ല്‍ കോ​ള​ജ് ആ​ശു​പ​ത്രി​യി​ല്‍ ചി​കി​ത്സ​യി​ലാ​ണ്.

പ​ഞ്ചാ​യ​ത്ത് ജാ​ഗ്ര​ത​സ​മി​തി​യി​ല്‍ പ്ര​ശ്‌​നം പ​രി​ഹ​രി​ക്കാ​ന്‍ പ​ഞ്ചാ​യ​ത്ത് പ്ര​സി​ഡ​ന്റ് എ​സ്. സു​രേ​ന്ദ്ര​ന്‍, വി​ക​സ​ന സ്റ്റാ​ൻ​ഡി​ങ്​ ക​മ്മി​റ്റി ചെ​യ​ര്‍മാ​ന്‍ കാ​ന​ക്കോ​ട് ബാ​ല​രാ​ജ് എ​ന്നി​വ​രു​ടെ നേ​തൃ​ത്വ​ത്തി​ല്‍ ശ്ര​മം ന​ട​ത്തി​യി​രു​ന്നു. എ​ന്നാ​ൽ മ​ദ്യ​പി​ച്ചു​ള്ള പ​രാ​ക്ര​മ​ത്തി​നെ​തി​രെ കേ​സെ​ടു​ക്കാ​ന്‍ ക​ഴി​യി​ല്ലെ​ന്നാ​ണ് പൊ​ലീ​സ് ഭാ​ഷ്യം. ഒ​ളി​വി​ല്‍ ക​ഴി​യു​ന്ന പ്ര​തി​യെ അ​റ​സ്റ്റ് ചെ​യ്യ​ണ​മെ​ന്ന് നാ​ട്ടു​കാ​ര്‍ ആ​വ​ശ്യ​പ്പെ​ട്ടു.