ഉള്ളൊഴുക്കം

ഒ​രു രാ​ത്രി, ഒ​രു നാ​ടെ​ഴു​തി​യ ക​ണ്ണീ​രി​ന്റെ ആ ​തോ​രാ​ക്ക​ഥ​യി​ൽ ച​ളി​മ​ണ്ണി​ന്റെ, നെ​ഞ്ചു​ല​ക്കു​ന്ന ഗ​ന്ധ​മു​ണ്ടാ​യി​രു​ന്നു. ആ​ർ​ത്ത​ല​ച്ചെ​ത്തി​യ പാ​റ​ക്കൂ​ട്ട​ങ്ങ​ൾ​ക്കു​താ​ഴെ അ​മ​ർ​ന്നു​പോ​യ നി​ല​വി​ളി​ക​ളു​ണ്ടാ​യി​രു​ന്നു. കു​ത്തി​യൊ​ലി​ച്ചു​വ​ന്ന ഉ​രു​ൾ​ത്തി​ര​മാ​ല​ക​ൾ ഒ​രു​നി​മി​ഷം​കൊ​ണ്ട് ഒ​രു നാ​ടി​ന്റെ മേ​ൽ​വി​ലാ​സ​ത്തെ​ത്ത​ന്നെ തു​ട​ച്ചു​മാ​റ്റു​ക​യാ​യി​രു​ന്നു...ഒ​രു മ​യ​ക്ക​ത്തി​ന​പ്പു​റം, ഉ​റ്റ​വ​രെ ചേ​ർ​ത്തു​പി​ടി​ച്ച്, കു​ഞ്ഞു​കൈ​ക​ളി​ൽ താ​രാ​ട്ടി​ന്റെ താ​ള​മി​ട്ട് വീ​ണ്ടും പ്രാ​ണ​നി​ലേ​ക്ക് ചേ​ർ​ക്കു​ന്ന നേ​രം... ആ ​തോ​രാ​മ​ഴ​യി​ൽ അ​വ​രൊ​ന്ന് ന​ന​ഞ്ഞ​തേ​യു​ള്ളൂ, ഉ​രു​ൾ​ധൂ​മ​ത്തി​ന്റെ ആ ​ക്ഷാ​ര​ഗ​ന്ധം അ​വ​രൊ​ന്ന് ഉ​ള്ളി​ലേ​ക്കെ​ടു​ത്ത​തേ​യു​ള്ളൂ. പി​റ​ന്നു​വീ​ണ മ​ണ്ണി​ന്റെ പു​ത​പ്പു​പു​ത​ച്ച് അ​വ​ർ നി​മി​ഷ​ങ്ങ​ൾ​​കൊ​ണ്ട് ക​ണ്ണീ​രി​ന്റെ ഒ​രു പ്ര​ള​യ​ക്ക​ട​ലു​ണ്ടാ​ക്കി. ആ ​ക​ട​ലി​ന്റെ​യോ​ര​ത്ത് ക​ണ്ണീ​രു​വ​റ്റി ഓ​ർ​മ​ക​ളു​മാ​യി ഇ​​പ്പോ​ഴും ചി​ല​ർ കാ​ത്തി​രി​ക്കു​ക​യാ​ണ്... 

മേ​പ്പാ​ടി ഗ​വ. ഹ​യ​ർ സെ​ക്ക​ൻ​ഡ​റി സ്കൂ​ളി​ലെ പ്ല​സ് ടു ​ക്ലാ​സി​ൽ മ​ല​യാ​ളം പ​ഠി​പ്പി​ച്ചു​കൊ​ണ്ടി​രി​ക്കു​ക​യാ​ണ് മ​ൻ​സൂ​ർ മാ​ഷ്. ക്ലാ​സി​നി​ടെ വി​ദ്യാ​ർ​ഥി​ക​ൾ​ക്ക് മാ​ഷ് ഒ​രു ജോ​ലി ന​ൽ​കി, മ​ന​സ്സി​നെ ഏ​റെ സ്പ​ർ​ശി​ച്ച ഓ​ർ​മ​ക​ൾ ഡ​യ​റി​ക്കു​റി​പ്പാ​യി പ​ക​ർ​ത്തി​വെ​ക്ക​ണം. പേ​ന​യും പു​സ്ത​ക​വു​മെ​ടു​ത്ത് അ​വ​രെ​ഴു​തി​ത്തു​ട​ങ്ങി. അ​ൽ​പ​സ​മ​യം ക​ഴി​ഞ്ഞ് ഡ​യ​റി​ക്കു​റി​പ്പു​ക​ൾ അ​വ​ർ മാ​ഷെ​യേ​ൽ​പി​ച്ചു. എ​ന്നാ​ൽ, ഒ​രാ​ൾ മാ​ത്രം എ​ഴു​തി​ത്തീ​ർ​ന്നി​രു​ന്നി​ല്ല. ക്ലാ​സ്മു​റി​യി​ലെ മൂ​ന്നാം ബെ​ഞ്ചി​ൽ വി​തു​മ്പ​ലോ​ടെ​യി​രു​ന്ന ന​ഹ്‍ല ന​സ്റി​ൻ. ഏ​റെ​യെ​ഴു​താ​നു​ണ്ടെന്ന് മ​ന​സ്സി​ലാ​ക്കി​യ മാ​ഷ് ആ ​കു​റി​പ്പ് പൂ​ർ​ത്തി​യാ​ക്കാ​ൻ അ​ന്നു മു​ഴു​വ​ൻ ന​ഹ്‍ല​ക്ക് ന​ൽ​കി. പി​റ്റേ​ന്ന് ക്ലാ​സ് മു​റി​യി​ലെ​ത്തി​യ ന​ഹ്‍ല ആ ​കു​റി​പ്പ് മാ​ഷി​നെ​യേ​ൽ​പി​ച്ചു. തി​രി​കെ സ്റ്റാ​ഫ് മു​റി​യി​ലെ​ത്തി​യ മ​ൻ​സൂ​ർ മാ​ഷ് ആ ​ഡ​യ​റി​യു​ടെ പേ​ജു​ക​ൾ ഓ​രോ​ന്നാ​യി മ​റി​ച്ചു​തു​ട​ങ്ങി...

മു​ണ്ട​ക്കൈ ജു​മാ​മ​സ്ജി​ദി​ന​ടു​ത്ത് ആ ​പാ​റ​ക്കെ​ട്ടു​ക​ൾ ഇ​പ്പോ​ഴു​മു​ണ്ട്. ഇ​വി​ടെ​യാ​യി​രു​ന്നു ന​ഹ്‍ല​യു​ടെ ത​റ​വാ​ട്. ഇ​വി​ടെ​യാ​ണ് നൗ​ഫ​ൽ എ​ന്ന മ​നു​ഷ്യ​ൻ ത​ല​കു​നി​ച്ചി​രു​ന്ന​ത്. ത​ന്റെ കു​ടും​ബ​ത്തി​നൊ​പ്പം ചെ​ല​വി​ടാ​ൻ പ​റ​ന്നു​വ​ന്ന അ​യാ​ൾ ഇ​വി​ടെ​യി​രു​ന്നാ​ണ് ‘‘ഞാ​ൻ എ​ന്റെ വീ​ട്ടി​ൽ ഒ​രു​ത​വ​ണ​കൂ​ടി ഇ​രു​ന്നോ​ട്ടേ’’ എ​ന്ന് ലോ​ക​ത്തോ​ട് ക​ര​ഞ്ഞു പ​റ​ഞ്ഞ​ത്. ആ ​മ​ണ്ണി​നു​താ​ഴെ പൊ​ലി​ഞ്ഞു​പോ​യ​ത് അ​യാ​ളു​ടെ ജീ​വ​ന്റെ ഭാ​ഗ​മാ​യ 11 പേ​രാ​യി​രു​ന്നു. അ​യാ​ൾ നെ​യ്തെ​ടു​ത്ത വീ​ടും സ്വ​പ്ന​ങ്ങ​ളു​മാ​യി​രു​ന്നു. ഈ ​മ​ണ്ണി​ൽ അ​മ​ർ​ന്നു​നി​ൽ​ക്കു​മ്പോ​ൾ താ​ഴെ ഇ​നി​യും ക​ണ്ടെ​ത്താ​നാ​കാ​ത്ത എ​ത്ര​യോ പേ​രു​ടെ ജീ​വ​ന്റെ ഞെ​ക്കി​ഞെ​ര​ക്ക​ങ്ങ​ൾ നെ​ഞ്ചി​ൽ വി​ങ്ങ​ലു​ണ്ടാ​ക്കി​ക്കൊ​ണ്ടി​രി​ക്കു​ന്നു.

 ‘‘പ്ര​കൃ​തി​യു​ടെ​യും ഹൃ​ദ​യ​ങ്ങ​ളു​ടെ​യും മ​നോ​ഹാ​രി​ത​കൊ​ണ്ട് സ​മ്പ​ന്ന​മാ​യ കൊ​ച്ചു ഗ്രാ​മ​മാ​യി​രു​ന്നു എ​ന്റേ​ത്, മു​ണ്ട​ക്കൈ. ഉ​പ്പ​യും ഉ​മ്മ​യും ര​ണ്ട് ഇ​ക്കാ​ക്ക​മാ​രും അ​ട​ങ്ങു​ന്ന ഒ​രു കൊ​ച്ചു കു​ടും​ബം. മു​ണ്ട​ക്കൈ എ​ന്ന ചെ​റി​യ അ​ങ്ങാ​ടി. ഉ​മ്മ​യു​ടെ​യും ഉ​പ്പ​യു​ടെ​യും വീ​ട് മു​ണ്ട​ക്കൈ ത​ന്നെ​യാ​ണ്. സ​ന്തോ​ഷ​ത്തോ​ടെ​യാ​യി​രു​ന്നു ഞ​ങ്ങ​ൾ ക​ഴി​ഞ്ഞി​രു​ന്ന​ത്. എ​ന്റെ അ​മ്മാ​വ​ന്റെ മ​ക​ളും ഞാ​നും ത​മ്മി​ൽ 40 ദി​വ​സം മാ​ത്ര​മാ​യി​രു​ന്നു വ്യ​ത്യാ​സം. അ​തി​നാ​ൽ എ​നി​ക്കും അ​വ​ൾ​ക്കും ഒ​രു​പോ​ലെ പേ​രി​ട്ടു, ന​ഹ്‍ല ന​സ്റി​ൻ, ന​ഫ്‍ല ന​സ്റി​ൻ. ഒ​രു​മി​ച്ച് ഒ​രേ സ്കൂ​ളി​ലാ​യി​രു​ന്നു ഞ​ങ്ങ​ൾ. ഒ​രേ ബെ​ഞ്ചി​ൽ​ത​ന്നെ ഇ​രി​ക്കാ​ൻ അ​വ​ളെ​പ്പോ​ഴും വാ​ശി​പി​ടി​ച്ചി​രു​ന്നു. അ​വ​ളാ​യി​രു​ന്നു എ​ന്റെ എ​ല്ലാം. ഞാ​ൻ എ​ന്തും തു​റ​ന്നു​പ​റ​യു​ന്ന​ത് അ​വ​ളോ​ടാ​യി​രു​ന്നു. 10ാം ക്ലാ​സ് ക​ഴി​ഞ്ഞ് ഒ​രേ സ്കൂ​ളി​ൽ പോ​ക​ണം എ​ന്നാ​യി​രു​ന്നു ഞ​ങ്ങ​ളു​ടെ ആ​ഗ്ര​ഹം. എ​ന്നാ​ൽ, ഞ​ങ്ങ​ൾ​ക്ക് ഒ​രേ സ്കൂ​ളി​ൽ അ​ഡ്മി​ഷ​ൻ കി​ട്ടി​യി​ല്ല. അ​തി​നു​ശേ​ഷം അ​വ​ളെ​ന്നും ക​ര​ച്ചി​ലാ​യി​രു​ന്നു. എ​ന്റെ സ്കൂ​ളി​ലേ​ക്ക് ട്രാ​ൻ​സ്ഫ​ർ കൊ​ടു​ക്കാ​മെ​ന്ന് പ​റ​ഞ്ഞ് ഞാ​ന​വ​ളെ സ​മാ​ധാ​നി​പ്പി​ച്ചു​കൊ​ണ്ടി​രു​ന്നു. എ​ന്റെ വ​ല്യു​പ്പ​ക്ക് 11 പേ​ര​മ​ക്ക​ളാ​ണ്. അ​തി​ൽ ഏ​ഴും പെ​ൺ​മ​ക്ക​ൾ. എ​ല്ലാ​വ​ർ​ക്കും ഒ​ന്നോ ര​ണ്ടോ വ​യ​സ്സു മാ​ത്രം വ്യ​ത്യാ​സം.

ക​ഴി​ഞ്ഞ കൊ​ല്ലം സ്കൂ​ൾ തു​റ​ന്ന​തു​മു​ത​ൽ ക​ന​ത്ത മ​ഴ​യാ​യി​രു​ന്നു. മ​ഴ​ക്കാ​ല​ത്ത് ഞ​ങ്ങ​ളെ​ല്ലാ​വ​രും ത​റ​വാ​ട്ടി​ലാ​ണ് കി​ട​ക്കു​ക. എ​ന്നാ​ൽ എ​ന്റെ ബാ​പ്പ വി​ദേ​ശ​ത്തു​നി​ന്ന് വ​ന്ന​തി​നാ​ൽ ഞ​ങ്ങ​ൾ കു​ടും​ബ വീ​ട്ടി​ലേ​ക്ക് പോ​യി​ല്ല. അ​വ​ർ ഇ​ങ്ങോ​ട്ടും വ​ന്നി​ല്ല. ജൂ​ലൈ 29ന്​ ​അ​മ്മാ​വ​ന്റെ മ​ക​ൻ രാ​വി​ലെ വ​ന്ന് അ​ങ്ങോ​ട്ട് ചെ​ല്ലാ​ൻ ഒ​രു​പാ​ട് നി​ർ​ബ​ന്ധി​ച്ചു. പോ​യി​ല്ല. അ​വ​ൻ എ​ന്നെ അ​ത്ര​യും വി​ളി​ച്ച​ത​ല്ലേ, ഒ​ന്ന് പോ​യി നോ​ക്കാം എ​ന്നു​തോ​ന്നി രാ​ത്രി​യാ​യ​പ്പോ​ൾ ത​റ​വാ​ട്ടി​ലെ​ത്തി. എ​ല്ലാ​വ​രും ന​മ​സ്ക​രി​ക്കു​ക​യാ​യി​രു​ന്നു. ചെ​റി​യ സ​ഹോ​ദ​രി​മാ​ർ പ്രാ​ർ​ഥ​ന​യി​ലാ​ണ്. ഖു​ർ​ആ​ൻ ഓ​താ​ൻ അ​റി​യാ​ത്ത അ​വ​ർ അ​ത് ഓ​തു​മ്പോ​ൾ ഞാ​ൻ ചോ​ദി​ച്ചു, എ​ന്തി​നാ ഇ​ത് എ​ന്ന്. ന​ല്ല മ​ഴ​യ​ല്ലേ, പേ​ടി​യാ​വു​ന്നു, ഉ​രു​ൾ പൊ​ട്ടാ​തി​രി​ക്കാ​ൻ പ​ട​ച്ചോ​നോ​ട് പ​റ​യാ​ണ്​ എ​ന്ന​വ​ർ പ​റ​ഞ്ഞു. ഞാ​ന​വ​രെ വാ​രി​പ്പു​ണ​ർ​ന്ന് ചും​ബി​ച്ചു. സ്കൂ​ൾ മാ​റ്റ​ത്തി​നു​ള്ള അ​പേ​ക്ഷ കൊ​ടു​ക്കാ​ൻ നാ​ളെ പോ​ക​ണ​മെ​ന്ന് ന​ഫ്‍ല പ​റ​ഞ്ഞു. സ​ലാം പ​റ​ഞ്ഞ് ഞാ​ൻ തി​രി​ച്ച് വീ​ട്ടി​ലേ​ക്കു വ​ന്നു.

മ​ഴ ക​ന​ത്തു​പെ​യ്യു​ന്നു​ണ്ടാ​യി​രു​ന്നു. പു​റ​ത്തു​നി​ന്ന് വ​ലി​യ ശ​ബ്ദം കേ​ട്ടു. ആ ​ശ​ബ്ദം അ​ടു​ത്തേ​ക്ക് വ​രു​ന്നു​ണ്ടെ​ന്ന് മ​ന​സ്സി​ലാ​യ​പ്പോ​ൾ വാ​തി​ൽ തു​റ​ന്നു. വീ​ട് കു​ലു​ങ്ങു​ന്നു​ണ്ടാ​യി​രു​ന്നു. പാ​ത്ര​ങ്ങ​ളും കു​പ്പി​ക​ളും താ​ഴെ​വീ​ണ് പൊ​ട്ടു​ന്നു. ച​ളി​യു​ടെ മ​ണം അ​ക​ത്തേ​ക്ക് ക​യ​റി. വീ​ട്ടി​ൽ​നി​ന്ന് ഞ​ങ്ങ​ൾ ഇ​റ​ങ്ങി ഓ​ടി. ഓ​ട്ട​ത്തി​നി​ടെ ത​റ​വാ​ട്ടി​ലേ​ക്ക് വി​ളി​ച്ചു​കൊ​ണ്ടേ​യി​രു​ന്നു. ആ​രും കേ​ട്ടി​ല്ല. അ​ടു​ത്തു​ള്ള ഒ​രു വീ​ട്ടി​ലേ​ക്ക് ഞ​ങ്ങ​ൾ ഓ​ടി​ക്ക​യ​റി. മ​ഴ കു​റ​ഞ്ഞ​പ്പോ​ൾ അ​വ​രെ നോ​ക്കാ​ൻ ഉ​പ്പ​ച്ചി​യും ഇ​ക്കാ​ക്ക​മാ​രും പോ​യി. എ​ന്നാ​ൽ, റോ​ഡ് മു​ഴു​വ​ൻ ച​ളി വ​ന്ന് അ​ട​ഞ്ഞി​രു​ന്നു. അ​വി​ടെ​യു​ള്ള ഒ​രു ക്രി​സ്ത്യ​ൻ പ​ള്ളി​യു​ടെ മു​ക​ളി​ൽ​നി​ന്നും നോ​ക്കി​യ​പ്പോ​ൾ തൊ​ട്ട​പ്പു​റ​ത്തെ പ​ള്ളി​യു​ടെ മു​ക​ളി​ൽ​വ​രെ മ​ണ്ണ് നി​ൽ​ക്കു​ന്ന​ത് ക​ണ്ടു. ആ ​പ​ള്ളി​യു​ടെ മു​ന്നി​ലാ​ണ് എ​ന്റെ ത​റ​വാ​ട്. അ​വ​രെ​ല്ലാ​വ​രും പോ​യി​ക്കാ​ണും എ​ന്നു​തോ​ന്നി. എ​ന്നാ​ൽ, ആ​രോ​ടും ഒ​ന്നും പ​റ​ഞ്ഞി​ല്ല.

പ​ള്ളി​യി​ൽ സു​ബ്​​ഹി ബാ​ങ്ക് ഇ​ല്ലാ​ത്ത, സു​ബ്​​ഹി ന​മ​സ്കാ​രം ഇ​ല്ലാ​ത്ത ഒ​രു പ​ക​ൽ പു​ല​ർ​ന്നു. അ​ന്ത​രീ​ക്ഷം ക​റു​ത്ത പു​ക​കൊ​ണ്ട് മൂ​ടി​യി​രി​ക്കു​ന്നു. കാ​ണു​ന്ന ക​ണ്ണു​ക​ളി​ലെ​ല്ലാം ഭ​യം നി​റ​ഞ്ഞി​രി​ക്കു​ന്നു. ത​റ​വാ​ട് നി​ന്നി​രു​ന്ന ഭാ​ഗ​ത്ത് ഇ​പ്പോ​ൾ ഒ​ന്നു​മി​ല്ലെ​ന്ന് മ​ന​സ്സി​ലാ​യ​ത് നേ​രം വെ​ളു​ത്ത​പ്പോ​​ഴാ​ണ്. അ​വ​ർ എ​ല്ലാ​വ​രും എ​വി​ടെ​യോ ക​യ​റി​നി​ൽ​ക്കു​ന്നു​ണ്ടെ​ന്ന് ആ​രോ ഞ​ങ്ങ​ളോ​ട് പ​റ​ഞ്ഞു. ഞ​ങ്ങ​ളെ ആ ​കു​ന്നി​ൽ​നി​ന്ന് ഇ​റ​ക്കാ​ൻ ഹെ​ലി​കോ​പ്ട​ർ വ​രു​ന്നു​ണ്ടെ​ന്ന​റി​ഞ്ഞു. കു​ന്നി​ൽ നി​ർ​ത്താ​ൻ ക​ഴി​യാ​ത്ത​തി​നാ​ൽ അ​ത് തി​രി​ച്ചു​പോ​യി. വൈ​കു​ന്നേ​രം നാ​ലു മ​ണി​യാ​യ​പ്പോ​ൾ ര​ക്ഷി​ക്കാ​ൻ ഇ​നി ആ​രും വ​രി​ല്ലെ​ന്നും അ​വി​ടെ ഇ​നി ഒ​രു​ദി​വ​സം കൂ​ടി നി​ൽ​ക്ക​ൽ അ​സാ​ധ്യ​മാ​ണെ​ന്നും മ​ന​സ്സി​ലാ​ക്കി, പ​തു​ക്കെ എ​ല്ലാ​വ​രും ര​ണ്ടു കി​ലോ​മീ​റ്റ​ർ ന​ട​ന്ന് ചൂ​ര​ൽ​മ​ല​യി​ലെ​ത്തി. ന​ട​ന്നു​വ​രു​മ്പോ​ൾ ഒ​രു​പാ​ട് മൃ​ത​ദേ​ഹ​ങ്ങ​ൾ ക​ണ്ടു. അ​തി​നി​ടെ ഉ​പ്പ​ച്ചി പ​റ​ഞ്ഞു, ഉ​മ്മ​ച്ചി​യു​ടെ വീ​ട്ടു​കാ​രും പോ​യി എ​ന്ന്. അ​തു​കൂ​ടി അ​റി​ഞ്ഞ​പ്പോ​ൾ എ​ല്ലാ​വ​രും ആ​ർ​ത്ത് ക​ര​യാ​ൻ തു​ട​ങ്ങി.

ഞ​ങ്ങ​ളെ ആ​രൊ​ക്കെ​യോ ആം​ബു​ല​ൻ​സി​ൽ ക​യ​റ്റി. എ​ന്തെ​ന്ന​റി​യാ​തെ നി​ൽ​ക്കു​ക​യാ​യി​രു​ന്നു ഞാ​നും ഉ​മ്മ​യും. ആം​ബു​ല​ൻ​സ് നേ​രെ പോ​യ​ത് മേ​പ്പാ​ടി പ​ള്ളി​യി​ലേ​ക്കാ​യി​രു​ന്നു. അ​വി​ടെ ഒ​രു​പാ​ട് ആ​ളു​ക​ൾ ത​ടി​ച്ചു കൂ​ടി​യി​രു​ന്നു. അ​തി​നി​ട​യി​ൽ വെ​ള്ള വ​സ്ത്രം ധ​രി​ച്ച മാ​ലാ​ഖ​യെ​പ്പോ​ലെ ര​ണ്ടു മ​യ്യി​ത്ത് കി​ട​ക്കു​ന്നു. എ​ല്ലാ​രും ഞ​ങ്ങ​ളെ നോ​ക്കു​ന്നു​ണ്ട്. അ​ടു​ത്തെ​ത്തി​യ​പ്പോ​ൾ മ​ന​സ്സി​ലാ​യി, അ​ത് ഉ​പ്പാ​പ്പ​യും ഉ​മ്മാ​മ്മ​യും ആ​യി​രു​ന്നു. അ​തു​വ​രെ അ​വ​ർ എ​വി​ടെ​യോ മാ​റി​നി​ൽ​ക്കു​ന്നു​ണ്ടെ​ന്ന് ക​രു​തി​യ ഞ​ങ്ങ​ൾ​ക്ക് അ​തൊ​രു അ​ടി കി​ട്ടി​യ​പോ​ലെ​യാ​യി​രു​ന്നു. അ​തി​നി​ടെ ഉ​മ്മ കു​ഴ​ഞ്ഞു​വീ​ണു.

അ​പ്പോ​ഴാ​ണ് പ​ഞ്ചാ​യ​ത്തി​ലേ​ക്ക് വ​രാ​ൻ പ​റ​ഞ്ഞ് ഫോ​ൺ വ​ന്ന​ത്. അ​വി​ടെ എ​ളാ​പ്പ​യു​ടെ മ​ക​ന്റെ ശ​രീ​രം കി​ട​ത്തി​യ​ത് ക​ണ്ടു. ആ ​വീ​ടും വീ​ട്ടി​ലു​ള്ള​വ​രും ഇ​ല്ലാ​താ​യെ​ന്ന് മ​ന​സ്സി​ലാ​യി. അ​പ്പു​റ​ത്ത് അ​വ​ന്റെ ഉ​മ്മ​യു​മു​ണ്ടാ​യി​രു​ന്നു. വി​ദേ​ശ​ത്തു​നി​ന്ന് അ​മ്മാ​വ​ൻ വി​ളി​ച്ചു​കൊ​ണ്ടേ​യി​രി​ക്കു​ന്നു. എ​ന്തു​പ​റ​യ​ണം എ​ന്ന​റി​യാ​തെ ഫോ​ണെ​ടു​ത്തു. ഞ​ങ്ങ​ൾ സേ​ഫ് ആ​ണെ​ന്ന് പ​റ​ഞ്ഞു. അ​മ്മാ​വ​ന്റെ വീ​ട്ടു​കാ​രെ തി​ര​ക്കി​യ​പ്പോ​ൾ അ​വ​രെ​ല്ലാം മ​രി​ച്ചു എ​ന്ന് പ​റ​യാ​നു​ള്ള ധൈ​ര്യ​മി​ല്ലാ​ത്ത​തി​നാ​ൽ അ​വ​രും ഇ​വി​ടെ​യു​ണ്ട് എ​ന്ന് പ​റ​ഞ്ഞു. എ​ന്നാ​ൽ, എ​ല്ലാ​മ​റി​ഞ്ഞ് അ​മ്മാ​വ​ൻ നാ​ട്ടി​ലേ​ക്ക് വ​ന്നു. മൂ​ന്ന് മ​ക്ക​ളും ഭാ​ര്യ​യും ഉ​മ്മ​യും ഉ​പ്പ​യും ​ജ്യേ​ഷ്ഠ​നും ജ്യേ​ഷ്ഠ​ന്റെ ഭാ​ര്യ​യും മ​ക്ക​ളു​മ​ട​ക്കം കു​ടും​ബ​ത്തി​ലെ ആ​രെ​യും ദു​ര​ന്തം ബാ​ക്കി​യാ​ക്കി​യി​ട്ടി​ല്ല. അ​മ്മാ​വ​നെ ക​ണ്ട​തും എ​ല്ലാ​വ​രും ക​ര​യാ​ൻ തു​ട​ങ്ങി. ഓ​രോ ശ​രീ​രം വ​രു​മ്പോ​ഴും ഉ​റ്റ​വ​രു​ടേ​താ​ണോ എ​ന്ന് നോ​ക്കും. അ​പ്പോ​ഴാ​ണ് ഒ​രു മ​യ്യി​ത്ത് കൊ​ണ്ടു​വ​ന്ന​ത്. 40 വ​യ​സ്സു​ള്ള ഒ​രാ​ളാ​ണെ​ന്ന് വി​ളി​ച്ചു​പ​റ​യു​ന്നു​ണ്ട്. എ​ന്നാ​ൽ, അ​ത് ക​ണ്ട ഉ​ട​നെ അ​തെ​ന്റെ ന​ഫ്‍ല ആ​ണെ​ന്ന് തി​രി​ച്ച​റി​ഞ്ഞു. 40 വ​യ​സ്സി​ല്ല, 16 വ​യ​സ്സ് മാ​ത്ര​മാ​ണെ​ന്ന് പ​റ​ഞ്ഞു. ആ ​മ​യ്യി​ത്തി​ന്റെ ക​മ്മ​ൽ ക​ണ്ട​പ്പോ​ൾ ഞാ​നു​റ​പ്പി​ച്ചു, ന​ഫ്‍ല ത​ന്നെ. തേ​ങ്ങ​ലോ​ടെ ആ ​ശ​രീ​രം സ്വീ​ക​രി​ച്ച് മ​റ​വ് ചെ​യ്തു.

എ​ന്റെ ക്ലാ​സ് മു​റി​യാ​ണ് എ​ന്റെ അ​ന്ന​ത്തെ വീ​ട്. ആ ​ദി​വ​സ​ങ്ങ​ൾ മു​ഴു​വ​ൻ മ​ര​വി​ച്ച​തു​പോ​ലെ​യാ​യി​രു​ന്നു. കൈ​ക​ളും കാ​ലു​ക​ളും ത​ല​ക​ളും ഇ​ല്ലാ​ത്ത ശ​രീ​ര​ങ്ങ​ൾ ക​ണ്ടി​ട്ടും പേ​ടി​യി​ല്ലാ​യി​രു​ന്നു. കാ​ണാ​താ​യ 16 ഉ​റ്റ​വ​രെ തി​ര​യാ​ൻ ഇ​നി ഞ​ങ്ങ​ൾ ആ​റു പേ​ർ മാ​ത്ര​മാ​ണു​ള്ള​ത്. അ​തി​നി​ടെ മു​ണ്ട​ക്കൈ കാ​ണ​ണം എ​ന്നു​പ​റ​ഞ്ഞ് ഞ​ങ്ങ​ൾ അ​വി​ടെ​നി​ന്നി​റ​ങ്ങി. ത​റ​വാ​ടി​ന്റെ മു​ന്നി​ൽ ഒ​രു​പാ​ട് ര​ക്ഷാ​പ്ര​വ​ർ​ത്ത​ക​ർ നി​ൽ​ക്കു​ന്നു. അ​വ​രി​ൽ​നി​ന്നും കു​റ​ച്ച​ക​ന്ന് ഒ​രാ​ൾ ഇ​രി​ക്കു​ന്നു. അ​ത് അ​മ്മാ​വ​ൻ, നൗ​ഫ​ൽ ആ​യി​രു​ന്നു. ഞ​ങ്ങ​ളെ ക​ണ്ട​തും ക​ര​യാ​ൻ തു​ട​ങ്ങി. കു​റ​ച്ചു​നേ​രം ഞാ​ൻ എ​ന്റെ വീ​ട്ടി​ൽ ഇ​രി​ക്ക​ട്ടെ എ​ന്ന് പ​റ​ഞ്ഞാ​യി​രു​ന്നു ആ ​പാ​റ​ക​ൾ​ക്ക് മു​ക​ളി​ൽ ഇ​രി​ക്കു​ന്ന​ത്. സ​ഹോ​ദ​രി​മാ​രു​ടെ ക​ളി​പ്പാ​ട്ട​ങ്ങ​ൾ, മ​റ്റൊ​രു സ​ഹോ​ദ​രി​ക്ക് ലഭിച്ച ഉ​പ​ഹാ​ര​ങ്ങ​ൾ, ഞ​ങ്ങ​ളു​ടെ ഫോ​ട്ടോ​ക​ൾ, ബാ​ഗു​ക​ൾ, പു​സ്ത​ക​ങ്ങ​ൾ എ​ല്ലാം ച​ളി​യി​ൽ മൂ​ടി​ക്കി​ട​ക്കു​ന്നു. 11 പേ​ർ ഒ​രു​മി​ച്ചു​ള്ള ഫോ​ട്ടോ കി​ട്ടി​യ​പ്പോ​ഴാ​ണ് 11 പേ​ര​മ​ക്ക​ൾ നാ​ലാ​യി കു​റ​ഞ്ഞി​രു​ന്നു എ​ന്ന് തി​രി​ച്ച​റി​യു​ന്ന​ത്. ഏ​ഴ് പെ​ൺ​മ​ക്ക​ളി​ൽ ഇ​നി ഞാ​ൻ മാ​ത്രം...’’

പു​ത്തു​മ​ല​യു​ടെ നെ​ഞ്ചി​ൽ അ​വ​രു​റ​ങ്ങു​ന്നു

പു​ത്തു​മ​ല​യു​ടെ താ​ഴ്വാ​ര​ത്തെ ച​രു​വി​ൽ ഒ​രു​മി​ച്ച് ഒ​രി​ട​ത്ത് ഉ​റ​ങ്ങു​ന്നു​ണ്ട് ന​ഹ്‍ല​യു​ടെ​യും നൗ​ഫ​ലി​ന്റെ​യും പ്രി​യ​പ്പെ​ട്ട​വ​ർ. ന​ഹ്‍ല അ​വി​ടെ വ​ന്നി​രു​ന്നു. ത​ന്റെ പ്രി​യ​പ്പെ​ട്ട​വ​ർ​ക്കൊ​പ്പം പ്രാ​ർ​ഥ​ന​ക​ളോ​ടെ ചേ​ർ​ന്നി​രു​ന്നു. കു​റേ വി​തു​മ്പി​ക്ക​ര​ഞ്ഞു. പ​ഴ​യ വി​ശേ​ഷ​ങ്ങ​ൾ പ​റ​ഞ്ഞു. ഏ​റെ​നേ​രം ആ ​ചാ​റ്റ​ൽ​മ​ഴ​യി​ൽ ക​ണ്ണീ​രി​നൊ​പ്പം ന​ന​ഞ്ഞു​കു​തി​ർ​ന്നു. ഒ​രു​മി​ച്ച് ഒ​രേ സ്കൂ​ളി​ൽ പ​ഠി​ക്കാ​മെ​ന്ന് അ​വ​ൾ മു​മ്പു​കൊ​ടു​ത്ത വാ​ക്കു​പാ​ലി​ക്കാ​ൻ ക​ഴി​യാ​ത്ത​തി​ന്റെ പ​രി​ഭ​വ​ങ്ങ​ൾ പ​ങ്കു​വെ​ച്ചു. എ​പ്പോ​ഴും ഉ​റ്റ സു​ഹൃ​ത്താ​യി നീ ​മാ​ത്ര​മാ​യി​രി​ക്കു​മെ​ന്ന് അ​വ​ൾ ന​ഫ്‍ല​ക്ക് ഉ​റ​പ്പു​കൊ​ടു​ത്തു. ഇ​നി​യും വ​രാ​മെ​ന്നു​പ​റ​ഞ്ഞ് പു​ത്തു​മ​ല​യു​ടെ താ​ഴ്വാ​ര​ത്തു​നി​ന്നും മ​ട​ങ്ങി. പോ​കു​ന്ന​തി​നു​മു​മ്പ് അ​വ​ൾ​ക്കേ​റെ ഇ​ഷ്ട​മു​ള്ള പൂ​ക്ക​ൾ അ​വ​ളു​ടെ മ​ടി​യി​ൽ വെ​ച്ച് ഒ​ന്നു പു​ഞ്ചി​രി​ച്ചു.

അ​തി​ജീ​വ​ന​ത്തി​ന്റെ ജൂ​ലൈ 30

ജൂ​ലൈ 30 വ​യ​നാ​ടി​ന് നെ​ഞ്ചു​ല​ച്ച ദി​ന​മാ​യി​രു​ന്നു. എ​ല്ലാ​വ​രും ന​ഷ്ട​പ്പെ​ട്ട നൗ​ഫ​ലി​ന് ആ ​ദി​നം പ​ക്ഷേ അ​ങ്ങ​നെ മാ​യ്ച്ചു​ക​ള​യാ​നാ​വി​ല്ല. ആ ​ദി​ന​ത്തി​ന്റെ പേ​രി​ൽ​ത​ന്നെ അ​തി​ജീ​വ​ന​ത്തി​ന്റെ അ​ധ്യാ​യം കു​റി​ക്കു​ക​യാ​യി​രു​ന്നു നൗ​ഫ​ൽ. ആ​രു​മി​ല്ലാ​തി​രു​ന്ന നൗ​ഫ​ലി​നൊ​പ്പം ഒ​രു നാ​ടു​ത​ന്നെ ചേ​ർ​ന്നു​നി​ന്നു. അ​ങ്ങ​നെ മേ​പ്പാ​ടി-​തൊ​ള്ളാ​യി​രം​ക​ണ്ടി റോ​ഡി​ൽ നൗ​ഫ​ൽ ഒ​രു പു​തി​യ സ്ഥാ​പ​നം തു​റ​ന്നു. അ​തി​ന് ഒ​രു പേ​രു​മി​ട്ടു ‘ജൂ​ലൈ 30 റ​സ്റ്റാ​റ​ന്റ് ആ​ൻ​ഡ് ബേ​ക്സ്’. ക​ട​ക്കു​ള്ളി​ൽ ഓ​ർ​മ​ക​ളു​ടെ മി​ടി​പ്പു​മാ​യി മാ​ഞ്ഞു​പോ​കാ​ത്തൊ​രു മു​ണ്ട​ക്കൈ അ​ങ്ങാ​ടി​യു​മു​ണ്ട്. പ​ച്ച​വി​രി​ച്ച ആ ​പ​ഴ​യ മു​ണ്ട​ക്കൈ. എ​ന്റെ ക​ട​ക്ക് ഇ​ത​ല്ലാ​തെ മ​റ്റൊ​രു പേ​രും ചേ​രി​ല്ല എ​ന്ന് നൗ​ഫ​ൽ പ​റ​യു​മ്പോ​ൾ ആ ​ശ​ബ്ദ​ത്തി​ൽ ന​ഷ്ട​പ്പെ​ട​ലി​ന്റെ നോ​വും അ​തി​ജീ​വ​ന​ത്തി​ന്റെ പ്ര​തീ​ക്ഷ​ക​ളു​മു​ണ്ടാ​യി​രു​ന്നു. ഗ​ൾ​ഫി​ലെ ജോ​ലി നി​ർ​ത്തി നാ​ട്ടി​ൽ ബേ​ക്ക​റി തു​ട​ങ്ങി ഇ​വി​ടെ ജീ​വി​ക്കാ​മെ​ന്ന് എ​പ്പോ​ഴും പ​റ​ഞ്ഞി​രു​ന്ന ഭാ​ര്യ സ​ജ്ന​ക്ക് ഇ​തി​ന​പ്പു​റം ഒ​ന്നും ഇ​നി നൗ​ഫ​ലി​ന് ന​ൽ​കാ​നി​ല്ല. സം​സാ​ര​ത്തി​നി​ടെ ക​ട​യു​ടെ മു​ന്നി​ൽ നി​ൽ​ക്കു​ന്ന നൗ​ഫ​ലി​നെ നോ​ക്കു​മ്പോ​ൾ കൂ​ടു​ത​ൽ തെ​ളി​ഞ്ഞു ക​ണ്ട​ ‘ജൂ​ലൈ 30’ എ​ന്നെ​ഴു​തി​യ ബോ​ർ​ഡി​ൽ ഒ​ളി​ഞ്ഞി​രി​ക്കു​ന്ന പ്ര​തീ​ക്ഷ​യു​ടെ സൂ​ര്യ​നെക്കാണാം. ആ​വി​പ​റ​ക്കു​ന്ന ചാ​യ​ക്ക​പ്പി​ൽ അ​റി​യാ​തെ​യെ​ഴു​തി​യ ‘ആ​ഫ്റ്റ​ർ’ എ​ന്ന വാ​ക്കും. അ​തി​ജീ​വ​ന​ത്തി​ന്റെ ആ ​വാ​ക്കു​ക​ൾ ഇ​ങ്ങ​നെ ചേ​ർ​ത്തു​വാ​യി​ക്കാം, ‘ആ​ഫ്റ്റ​ർ ജൂ​ലൈ 30, വെ​യ്റ്റി​ങ് ഫോ​ർ സ​ൺ​റൈ​സ്’.

ന​മ്പ​റു​ക​ൾ മാ​ത്ര​മാ​യ​വ​ർ

മു​ണ്ട​​ക്കൈ ദു​ര​ന്ത​ത്തി​ൽ ഓ​ർ​മ​യാ​യ​വ​ർ അ​ന്ത്യ​വി​ശ്ര​മം​കൊ​ള്ളു​ന്ന പു​ത്തു​മ​ല​യു​ടെ താ​ഴ്വാ​ര​ച്ചെ​രി​വി​ലെ​ത്തു​മ്പോ​ൾ ദൂ​രെ​നി​ന്നു​ത​ന്നെ കു​റേ ന​മ്പ​റു​ക​ൾ പ​തി​പ്പി​ച്ച ചെ​റു​തൂ​ണു​ക​ൾ തെ​ളി​ഞ്ഞു​കാ​ണാം. N23, C20, C198, N34... ഇ​ങ്ങ​നെ നൂ​റു​ക​ണ​ക്കി​ന് തൂ​ണു​ക​ൾ. അ​തി​നു​കീ​ഴെ​യു​ള്ള മ​ൺ​കൂ​ന​ക​ളി​ൽ തെ​രു​വ​പ്പു​ല്ലു​ക​ൾ മു​ള​ച്ചു​പൊ​ന്തി​യി​രി​ക്കു​ന്നു. ദു​ര​ന്ത​ത്തി​ൽ മ​രി​ച്ച, തി​രി​ച്ച​റി​യാ​നാ​വാ​ത്ത മൃ​ത​ശ​രീ​ര​ങ്ങ​ളു​ടെ ഭാ​ഗ​ങ്ങ​ൾ അ​ട​ക്കം ചെ​യ്തി​രി​ക്കു​ക​യാ​ണ് ഈ ​ന​മ്പ​റു​ക​ൾ​ക്കു കീ​ഴി​ൽ. അ​ത് ഇ​ങ്ങ​നെ വാ​യി​ക്കാം; N23 -നി​ല​മ്പൂ​രി​ൽ​നി​ന്നു ല​ഭി​ച്ച 23ാമ​ത്തെ മൃ​ത​ദേ​ഹ ഭാ​ഗം, C20 -ചൂ​ര​ൽ​മ​ല​യി​ൽ​നി​ന്നു ല​ഭി​ച്ച 20ാമ​ത്തെ മൃ​ത​ദേ​ഹ ഭാ​ഗം. തി​രി​ച്ച​റി​ഞ്ഞ​വ​രി​ൽ പ​ല​രും അ​വ​രു​ടെ പേ​രെ​ഴു​തി​യ ഫ​ല​ക​ങ്ങ​ൾ കു​ഴി​മാ​ട​ത്തി​ൽ സ്ഥാ​പി​ച്ചി​രി​ക്കു​ന്നു. ഒ​രേ പേ​രി​ൽ​ത​ന്നെ കാ​ണാം ഒ​ന്നി​ല​ധി​കം കു​ഴി​മാ​ട​ങ്ങ​ൾ. ക​ണ്ടെ​ടു​ത്ത ശ​രീ​ര​ഭാ​ഗ​ങ്ങ​ൾ മ​റ​വു​ചെ​യ്ത​ശേ​ഷം ന​ട​ത്തി​യ ഡി.​എ​ൻ.​എ പ​രി​ശോ​ധ​ന​യി​ൽ ഫ​ലം വ​ന്ന​പ്പോ​ൾ ഒ​രാ​ളു​ടെ ശ​രീ​ര​ത്തി​ന്റെ പ​ല ഭാ​ഗ​ങ്ങ​ൾ പ​ല കു​ഴി​മാ​ട​ങ്ങ​ളി​ലാ​യ​തു​കൊ​ണ്ടാ​ണി​ത്. പ​ല കു​ഴി​മാ​ട​ങ്ങ​ളി​ലും പ്രാ​ർ​ഥ​ന​ക​ളു​മാ​യി പ​ല​രും വ​ന്നു​പോ​കു​ന്നു.

വെ​ള്ളാ​ർ​മ​ല​യു​ടെ സ്വ​ന്തം

ചൂ​ര​ൽ​മ​ല​ക്കാ​ർ​ക്കും മു​ണ്ട​ക്കൈ​യി​ലു​ള്ള​വ​ർ​ക്കും വെ​ള്ളാ​ർ​മ​ല സ്കൂ​ൾ നാ​ടി​നെ ആ​ദ്യ​ക്ഷ​രം പ​ഠി​പ്പി​ച്ച വി​ദ്യാ​ല​യം മാ​ത്ര​മാ​യി​രു​ന്നി​ല്ല. സ്നേ​ഹ സൗ​ഹൃ​ദ​ങ്ങ​ളു​ടെ ഒ​ത്തു​ചേ​ര​ലി​ടം​കൂ​ടി​യാ​യി​രു​ന്നു ഇ​വി​ടം. നാ​ടി​ന്റെ ഉ​ത്സ​വ​ങ്ങ​ൾ​ക്ക് തി​രി​തെ​ളി​യു​ന്ന​ത് ഇ​വി​ടെ​നി​ന്നാ​യി​രു​ന്നു. പ്ര​ള​യ​കാ​ല​ത്തു മു​ഴു​വ​ൻ ഈ ​വെ​ള്ളാ​ർ​മ​ല സ്കൂ​ളാ​ണ് അ​ന്നാ​ട്ടു​കാ​രു​ടെ സം​ര​ക്ഷി​ത കേ​ന്ദ്ര​മാ​യി മാ​റി​യ​ത്. ഏ​ത് പ്ര​തി​സ​ന്ധി​യെ​യും ചെ​റു​ത്തു​തോ​ൽ​പി​ക്കാ​മെ​ന്ന ഉ​റ​പ്പി​ന്റെ ഇ​ടം​കൂ​ടി​യാ​യി​രു​ന്നു അ​ത്. 2024 ജൂ​ലൈ 28നും 29​നും ആ​ർ​ത്ത​ല​ച്ച് ചൂ​ര​ൽ​മ​ല​യി​ലും മു​ണ്ട​ക്കൈ​യി​ലും പു​ഞ്ചി​രി​മ​ട്ട​ത്തും പെ​യ്തി​റ​ങ്ങി​യ മ​ഴ​യി​ലും അ​ധി​ക​മൊ​ന്നും അ​ന്നാ​ട്ടു​കാ​ർ പേ​ടി​ച്ചി​രു​ന്നി​ല്ല. പു​ന്ന​പ്പു​ഴ ച​തി​ക്കാ​റി​ല്ലെ​ന്നും എ​ന്തെ​ങ്കി​ലു​മു​ണ്ടെ​ങ്കി​ൽ ക​യ​റി​നി​ൽ​ക്കാ​ൻ വെ​ള്ളാ​ർ​മ​ല സ്കൂ​ളു​ണ്ടെ​ന്നു​മു​ള്ള ധൈ​ര്യ​മു​ണ്ടാ​യി​രു​ന്നു അ​വ​ർ​ക്ക്. എ​ന്നാ​ൽ, അ​ന്ന് പെ​യ്തി​റ​ങ്ങി​യ മ​ഴ അ​വ​ർ ക​രു​തി​യ​തി​ലും കൂ​ടു​ത​ലാ​യി​രു​ന്നു. പു​ഞ്ചി​രി​മ​ട്ട​ത്തു​നി​ന്നു തു​ട​ങ്ങി പ​ല​ത​വ​ണ​യാ​യി പൊ​ട്ടി​യി​റ​ങ്ങി​യ ഉ​രു​ളി​ൽ ഒ​രു നാ​ടൊ​ന്നാ​കെ കു​ത്തി​യൊ​ലി​ച്ച് താ​ഴെ വെ​ള്ളാ​ർ​മ​ല​യി​ലേ​ക്കൊ​ഴു​കി. ഉ​രു​ൾ ഇ​ര​മ്പി​യാ​ർ​ത്തു​വ​ന്ന് വെ​ള്ളാ​ർ​മ​ല സ്കൂ​ളി​ന്റെ ഒ​രു​ഭാ​ഗം ക​വ​ർ​ന്നു. എ​ന്നാ​ൽ, അ​തി​ന്റെ വ​ലി​യൊ​രു​ഭാ​ഗം ഉ​രു​ളു​ക​ളെ ഓ​രോ​ന്നി​നെ​യും പ്ര​തി​രോ​ധി​ച്ച് നി​ല​കൊ​ണ്ടു. ആ ​ഉ​രു​ൾ പ്ര​ള​യം ചൂ​ര​ൽ​മ​ല അ​ങ്ങാ​ടി​യെ മു​ഴു​വ​ൻ വി​ഴു​ങ്ങാ​​തെ പോ​യ​ത് വെ​ള്ളാ​ർ​മ​ല സ്കൂ​ളി​ന്റെ ചെ​റു​ത്തു​നി​ൽ​പു​കൊ​ണ്ട് മാ​ത്ര​മാ​യി​രു​ന്നെ​ന്ന് നാ​ട്ടു​കാ​ർ സാ​ക്ഷ്യ​പ്പെ​ടു​ത്തു​ന്നു. ചെ​റു​ത്തു​നി​ൽ​പി​ന്റെ, അ​തി​ജീ​വ​ന​ത്തി​ന്റെ നേ​ർ​സാ​ക്ഷ്യ​മാ​യി വെ​ള്ളാ​ർ​മ​ല സ്കൂ​ൾ ഇ​പ്പോ​ഴും നി​ല​കൊ​ള്ളു​ന്നു.

പു​ന്ന​പ്പു​ഴ ഇ​പ്പോ​ഴും കു​ത്തി​യൊ​ലി​ച്ചൊ​ഴു​കു​ക​യാ​ണ്. ഒ​രു​നാ​ടി​നെ തു​ട​ച്ചെ​ടു​ത്ത ഉ​രു​ളി​ന്റെ ച​ളി​മ​ണം ഇ​ന്നും അ​തി​ന്റെ ക​ര​യി​ൽ പ​ര​ക്കു​ന്നു​ണ്ട്. ഒ​രു ചാ​ൽ​മാ​ത്ര​മാ​യി​രു​ന്ന പു​ഴ ഒ​രു രാ​ത്രി ഇ​ര​മ്പി​യാ​ർ​ക്കു​ന്ന പ്ര​ള​യ​ക്ക​ട​ലാ​യി മാ​റി പു​ഞ്ചി​രി​മ​ട്ട​ത്തെ​യും മു​ണ്ട​ക്കൈ​യെ​യും ചൂ​ര​ൽ​മ​ല​യെ​യും തു​ട​ച്ചു​നീ​ക്കു​മ്പോ​ൾ നി​ല​വി​ളി​ക​ൾ ഉ​രു​ളി​ന്റെ ആ​ർ​ത്ത​നാ​ദ​ത്തി​ൽ അ​മ​ർ​ന്നു​പോ​യി​രു​ന്നു. ചൂ​ര​ൽ​മ​ല അ​ങ്ങാ​ടി​ക്ക​രി​കെ പ്ര​തീ​ക്ഷ​യു​ടെ ബെ​യ്‍ലി പാ​ലം ഇ​പ്പോ​ഴും നാ​ടി​ന്റെ ജീ​വി​ത​പ്പ​ല​ക​യാ​യി നി​ൽ​പു​ണ്ട്. അ​തി​ന​രി​കെ ഒ​രു നാ​ടി​ന്റെ സൗ​ഹാ​ർ​ദ​ത്തി​ന്റെ ചി​ഹ്ന​മാ​യ ചൂ​ര​ൽ​മ​ല ശി​വ​ക്ഷേ​ത്ര​ത്തി​​ന്റെ അ​വ​ശേ​ഷി​പ്പു​ക​ളും. എ​ല്ലാ​ത്തി​നും മൂ​ക​സാ​ക്ഷി​യാ​യി ഒ​രാ​ൽ​മ​ര​വും.