മസ്കത്ത്: സ്ത്രീയായി ചമഞ്ഞ് ഓൺലൈനിൽ പുരുഷനെ വശീകരിച്ച് തട്ടിക്കൊണ്ടുപോയി പണം തട്ടിയ കേസിൽ അഞ്ച് പൗരന്മാരെ റോയൽ ഒമാൻ പൊലീസ് അറസ്റ്റ് ചെയ്തു. ബർക്ക വിലായത്തിലാണ് കേസിനാസ്പദമായ സംഭവം. തെക്കൻ ബാത്തിന ഗവർണറേറ്റ് പൊലീസ് കമാൻഡ് ആണ് സംഘത്തെ പിടിക്കൂടുന്നത്. സ്ത്രീയായി വേഷംമാറി സംഘം മെസേജിങ് പ്ലാറ്റ്‌ഫോമുകൾ വഴി ഇരയുമായി ബന്ധപ്പെട്ടു. വിശ്വാസം നേടിയ ശേഷം, ബർക്കയിലേക്ക് വരാൻ ആവശ്യപ്പെടുകയായിരുന്നു.ഇവിടെ എത്തിയ ആളെ ബലപ്രയോഗത്തിലൂടെ സ്വകാര്യ വസതിയിലേക്ക് കൊണ്ടുപോയി തട്ടിപ്പ് നടത്തുകയായിരുന്നുവെന്ന് അധികൃതർ പറഞ്ഞു. നിയമ നടപടികൾ നിലവിൽ നടന്നുവരികയണെന്ന് റോയൽ ഒമാൻ പൊലീസ് പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.