ബെംഗളൂരു: വർഗീയ സംഘർഷം പൊട്ടിപ്പുറപ്പെട്ടതിന് പിന്നാലെ, കർണാടകത്തിലെ മദ്ദൂരിൽ നിരോധനാജ്ഞ പുറപ്പെടുവിച്ച് പൊലീസ്. ​ഞായറാഴ്ച വൈകീട്ട് മദ്ദൂർ നഗരത്തിലെ റാം റഹിം നഗറിൽ ഗണേശ വിഗ്രഹ നിമജ്ജന ഘോഷയാത്രക്ക് നേരെയുണ്ടായ കല്ലേറുമായി ബന്ധപ്പെട്ടാണ് സംഘർഷമുണ്ടായതെന്ന് മാണ്ഡ്യ ​പൊലീസ് പറഞ്ഞു. പ്രതിഷേധക്കാരെ പിരിച്ചുവിടാൻ പൊലീസ് ലാത്തി വീശി.

പ്രകോപിതരായ ജനക്കൂട്ടം ചില ആരാധനാലയങ്ങൾക്കു നേരെ ആക്രമണമഴിച്ചുവിട്ടു. പ്രദേശത്ത് വൻ പോലീസ് സന്നാഹത്തെ വിന്യസിച്ചിട്ടുണ്ട്. സംഘർഷം ഒഴിവാക്കാൻ പൊലീസ് റൂട്ട് മാർച്ച് നടത്തി.

ഞായറാഴ്ച വൈകീട്ട് എട്ടോടെയായിരുന്നു സംഭവം. ഗണേശ വിഗ്രഹ നിമജ്ജന ഘോഷയാത്രക്ക് നേരെ കല്ലെറിഞ്ഞ സംഭവത്തിൽ 21 പേരെ പൊലീസ് കസ്റ്റഡിയിൽ എടുത്തിരുന്നു. കനത്ത സുരക്ഷയിലാണ് പോലീസ് ഗണേശ നിമജ്ജനം നടത്തിയത്.

ഇതിനിടെ ഒരുവിഭാഗം ആളുകൾ സമീപത്തെ ആരാധനാലയത്തിന് മുന്നിൽ പ്രതിഷേധത്തിന് ശ്രമിച്ചതോടെയാണ് സംഘർഷമുണ്ടായത്. പിന്നാലെ പ്രദേശത്ത് നിരോധനാജ്ഞയും പ്രഖ്യാപിച്ചു. തുടർന്ന് എസ്.പി മല്ലികാർജുൻ ബാലദന്ദി ഉൾപ്പെടെയുള്ള ഉന്നത പൊലീസ് ഉദ്യോഗസ്ഥർ സ്ഥലത്തെത്തി.

സാമുദായിക സാഹോദര്യത്തെ തകർക്കുന്ന ഊഹാപോഹങ്ങൾ പ്രചരിപ്പിക്കരുതെന്ന് പൊലീസ് കർശന നിർദേശം നൽകി. സമാധാനാന്തരീക്ഷം തകർക്കുന്ന ഒരു നീക്കവും നടത്തരുതെന്ന് പൊലീസ് പ്രദേശവാസികളോട് ആവശ്യപ്പെട്ടു. സാധാരണ നില പുനഃസ്ഥാപിക്കുന്നതിന് നിയമപാലകരുമായി സഹകരിക്കണമെന്ന് ജില്ല ഭരണകൂടം ഇരു സമുദായങ്ങളോടും അഭ്യർത്ഥിച്ചു.

സ്ഥി​തി​ഗ​തി​ക​ൾ നി​യ​ന്ത്ര​ണാ​ധീ​നം - ആ​ഭ്യ​ന്ത​ര മ​ന്ത്രി

മാ​ണ്ഡ്യ​യി​ലെ മ​ദ്ദൂ​രി​ല്‍ സ്ഥി​തി​ഗ​തി​ക​ള്‍ ഇ​പ്പോ​ള്‍ ശാ​ന്ത​മാ​ണെ​ന്നും സം​ഭ​വ​സ്ഥ​ല​ത്ത് നി​രോ​ധ​നാ​ജ്ഞ പ്ര​ഖ്യാ​പി​ച്ച​താ​യും ക​ർ​ണാ​ട​ക ആ​ഭ്യ​ന്ത​ര മ​ന്ത്രി ജി.​പ​ര​മേ​ശ്വ​ര പ​റ​ഞ്ഞു. സം​ഘ​ർ​ഷം സൃ​ഷ്ടി​ച്ച​വ​രെ അ​റ​സ്റ്റ് ചെ​യ്തി​ട്ടു​ണ്ട്. സ്ഥി​തി​ഗ​തി​ക​ൾ നി​യ​ന്ത്ര​ണ വി​ധേ​യ​മാ​ണ്. സം​ഭ​വ​ത്തി​നു​ശേ​ഷം നി​മ​ജ്ജ​ന ച​ട​ങ്ങ് പൂ​ർ​ത്തി​യാ​ക്കി​യി​രു​ന്നു. സം​സ്ഥാ​ന​ത്ത് ഒ​ന്നു ര​ണ്ടു ചെ​റി​യ സം​ഭ​വ​ങ്ങ​ൾ റി​പ്പോ​ർ​ട്ട് ചെ​യ്തി​ട്ടു​ണ്ട്. ആ​വ​ശ്യ​മാ​യ പൊ​ലീ​സി​നെ സം​ഘ​ർ​ഷ മേ​ഖ​ല​യി​ൽ വി​ന്യ​സി​ക്കും. ജ​ന​ങ്ങ​ളും ഇ​തി​നോ​ട് സ​ഹ​ക​രി​ക്ക​ണ​മെ​ന്ന് ആ​ഭ്യ​ന്ത​ര മ​ന്ത്രി അ​ഭ്യ​ർ​ഥി​ച്ചു. 

മ​ദ്ദൂ​രി​ല്‍ ഇ​ന്നും ബ​ന്ദ്

സം​ഭ​വ​ത്തി​ല്‍ പ്ര​തി​ഷേ​ധി​ച്ച് വി​വി​ധ ഹി​ന്ദു സം​ഘ​ട​ന​ക​ള്‍ പ്ര​ദേ​ശ​ത്തെ​ത്തി കാ​വി​ക്കൊ​ടി ഉ​യ​ര്‍ത്തി പ്ര​തി​ഷേ​ധ പ്ര​ക​ട​നം ന​ട​ത്തി. സ്ഥി​തി നി​യ​ന്ത്ര​ണ വി​ധേ​യ​മാ​ക്കാ​ന്‍ പൊ​ലീ​സ് ചെ​റി​യ തോ​തി​ല്‍ ബ​ല​പ്ര​യോ​ഗം ന​ട​ത്തി. പ്ര​ദേ​ശ​വാ​സി​ക​ള്‍ ട​യ​ര്‍ ക​ത്തി​ച്ച് പ്ര​തി​ഷേ​ധി​ച്ച​തോ​ടെ പൊ​ലീ​സ് സു​ര​ക്ഷ ശ​ക്ത​മാ​ക്കി. വി​വി​ധ സം​ഘ​ട​ന​ക​ള്‍ ആ​ഹ്വാ​നം ചെ​യ്ത ബ​ന്ദി​നോ​ട​നു​ബ​ന്ധി​ച്ച് ക​ട​ക​ളും വ്യാ​പാ​ര സ്ഥാ​പ​ന​ങ്ങ​ളും അ​ട​ഞ്ഞു കി​ട​ന്നു.

മ​ദ്ദൂ​രി​ല്‍ ഇ​ന്നും ബ​ന്ദ് ആ​ച​രി​ക്കു​മെ​ന്ന് വി​വി​ധ സം​ഘ​ട​ന​ക​ള്‍ പ​റ​ഞ്ഞു. മു​ന്‍ക​രു​ത​ല്‍ എ​ന്ന നി​ല​യി​ൽ എ​ല്ലാ ക​ട​ക​ളും വ്യാ​പാ​ര സ്ഥാ​പ​ന​ങ്ങ​ളും അ​ട​ച്ചി​ടും. ക്ര​മ​സ​മാ​ധാ​നം ത​ക​ര്‍ക്കു​ന്ന രീ​തി​യി​ലു​ള്ള അ​പ​വാ​ദ പ്ര​ചാ​ര​ണം ന​ട​ത്തു​ന്ന​വ​ര്‍ക്കെ​തി​രെ ക​ര്‍ശ​ന ന​ട​പ​ടി സ്വീ​ക​രി​ക്കു​മെ​ന്ന് പൊ​ലീ​സ് വ്യ​ക്ത​മാ​ക്കി. സ്ഥ​ല​ത്ത് സം​ഘ​ര്‍ഷാ​വ​സ്ഥ നി​ല​നി​ല്‍ക്കു​ന്ന​തി​നാ​ല്‍ പൊ​ലീ​സ് നി​രോ​ധ​നാ​ജ്ഞ പ്ര​ഖ്യാ​പി​ച്ചു. മാ​ണ്ഡ്യ ജി​ല്ല ഡെ​പ്യൂ​ട്ടി ക​മീ​ഷ​ണ​ര്‍ കു​മാ​ര, പൊ​ലീ​സ് സൂ​പ്ര​ണ്ട് മ​ല്ലി​കാ​ർ​ജു​ൻ ബാ​ല​ദ​ണ്ഡി എ​ന്നി​വ​ര്‍ ന​ഗ​ര​ത്തി​ല്‍ ക്യാ​മ്പ് ചെ​യ്യു​ന്നു​ണ്ട്.