സുരക്ഷാ ക്രമീകരണങ്ങൾ കടലാസിലോ? കുറയാതെ വൈദ്യുതി അപകടങ്ങൾ

കോ​ഴി​ക്കോ​ട്: സ​രു​ക്ഷാ ക്ര​മീ​ക​ര​ണ​ങ്ങ​ൾ പ്ര​ഖ്യാ​പ​ന​ത്തി​ലും ഫ​യ​ലി​ലും ഒ​തു​ങ്ങു​മ്പോ​ൾ സം​സ്ഥാ​ന​ത്ത് വൈ​ദ്യു​തി അ​പ​ക​ട​ങ്ങ​ളും മ​ര​ണ​ങ്ങ​ളും നി​യ​ന്ത്രി​ക്കാ​ൻ ക​ഴി​യാ​തെ കെ.​എ​സ്.​ഇ.​ബി. ഇ​ല​ക്ട്രി​ക്ക​ൽ ഇ​ൻ​സ്പ​ക്ട​റേ​റ്റി​ന്‍റെ മു​ൻ വ​ർ​ഷ​ങ്ങ​ളി​ലെ ക​ണ​ക്കു​ക​ൾ പ​രി​ശോ​ധി​ച്ചാ​ൽ വൈ​ദ്യു​തി അ​പ​ക​ട നി​ര​ക്ക് കു​റ​ക്കാ​ൻ ക​ഴി​ഞ്ഞി​ട്ടി​ല്ലെ​ന്ന് വ്യ​ക്ത​മാ​വും. 2024-25ൽ 241 ​മ​നു​ഷ്യ​ജീ​വ​നു​ക​ളാ​ണ് വൈ​ദ്യു​താ​ഘാ​ത​മേ​റ്റ് പൊ​ലി​ഞ്ഞ​ത്. 2017-18ൽ ​ഇ​ത് 242 ആ​യി​രു​ന്നു. 2023-24ൽ ​ഇ​ത് 209 ആ​യി കു​റ​ഞ്ഞി​രു​ന്നെ​ങ്കി​ലും ക​ഴി​ഞ്ഞ വ​ർ​ഷം അ​തു വീ​ണ്ടും വ​ർ​ധി​ച്ചു.

കെ.​എ​സ്.​ഇ.​വി ജീ​വ​ന​ക്കാ​രു​ടെ സു​ര​ക്ഷ​യി​ൽ​പോ​ലും മാ​റ്റ​മു​ണ്ടാ​ക്കാ​ൻ വ​കു​പ്പി​ന് ക​ഴി​ഞ്ഞി​ട്ടി​ല്ലെ​ന്ന് ഇ​ല​ക്ട്രി​ക്ക​ൽ ഇ​ൻ​സ്​​പെ​ക്ട​റേ​റ്റി​ന്‍റെ ക​ണ​ക്കു​ക​ളി​ൽ​നി​ന്ന് വ്യ​ക്ത​മാ​വും. 2024-25ൽ 10 ​ക​രാ​ർ ജീ​വ​ന​ക്കാ​രും ഒ​മ്പ​ത് സ്ഥി​രം ജീ​വ​ന​ക്കാ​രും വൈ​ദ്യു​താ​ഘാ​ത​മേ​റ്റ് മ​രി​ച്ചു. ഇ​ത് 2023-24ൽ ​യ​ഥാ​ക്ര​മം മൂ​ന്നും ഏ​ഴും ആ​യി​രു​ന്നു. 2022-23ൽ 11 ​ഉം ഏ​ഴും മ​ര​ണ​ങ്ങ​ളു​ണ്ടാ​യി. വീ​ടു​ക​ളി​ലു​ണ്ടാ​വു​ന്ന വൈ​ദ്യു​തി അ​പ​ക​ട​മ​ര​ണ​ങ്ങ​ളു​ടെ നി​ര​ക്കി​ലും ക​ഴി​ഞ്ഞ അ​ഞ്ചു വ​ർ​ഷ​ത്തി​നി​ടെ കാ​ര്യ​മാ​യ മാ​റ്റ​മു​ണ്ടാ​യി​ട്ടി​ല്ല. 2020-21 മു​ത​ൽ തു​ട​ർ​ച്ച​യാ​യ അ​ഞ്ചു വ​ർ​ഷ​ങ്ങ​ളി​ൽ 136, 133, 110, 135, 126 എ​ന്നി​ങ്ങ​നെ​യാ​ണ് വീ​ടു​ക​ളി​ലെ അ​പ​ക​ട മ​ര​ണ​ങ്ങ​ളു​ടെ ക​ണ​ക്ക്.

സു​ര​ക്ഷാ കാ​ര്യ​ങ്ങ​ൾ കാ​ര്യ​ക്ഷ​മ​മാ​യി ന​ട​ക്കു​ന്നു​ണ്ടെ​ന്ന് ഉ​റ​പ്പു​വ​രു​ത്താ​ൻ വൈ​ദ്യു​തി​വ​കു​പ്പി​ൽ ചീ​ഫ് സേ​ഫ്റ്റി ക​മീ​ഷ​ണ​റു​ടെ കീ​ഴി​ൽ സു​ര​ക്ഷാ വി​ഭാ​ഗം ത​ന്നെ പ്ര​വ​ർ​ത്തി​ക്കു​ന്നു​ണ്ട്. ഇ​വ​രു​ടെ മേ​ൽ​നോ​ട്ട​ത്തി​ൽ കൃ​ത്യ​മാ​യ പ​രി​ശോ​ധ​ന ന​ട​ത്തു​ന്നു​ണ്ടെ​ന്നാ​ണ് വൈ​ദ്യു​തി അ​പ​ക​ട​ങ്ങ​ൾ കു​റ​ക്കു​ന്ന​തി​ന് വേ​ണ്ടി സ്വീ​ക​രി​ച്ച ന​ട​പ​ടി​ക​ൾ സം​ബ​ന്ധി​ച്ച ചോ​ദ്യ​ത്തി​ന് സ​ർ​ക്കാ​ർ നി​യ​മ​സ​ഭ​യി​ൽ ന​ൽ​കി​യ മ​റു​പ​ടി. സ്കൂ​ളു​ക​ൾ, ആ​ശു​പ​ത്രി​ക​ൾ, ആ​രാ​ധ​നാ​ല​യ​ങ്ങ​ൾ തു​ട​ങ്ങി​യ​വ​രു​ടെ സ​മീ​പ​ത്ത് സു​ര​ക്ഷ​ക്ക് സ്പേ​സ​റും ഗാ​ർ​ഡി​ങും സ്ഥാ​പി​ച്ചി​ട്ടു​ണ്ടെ​ന്നും ബാ​ക്കി​യു​ള്ള സ്ഥ​ല​ങ്ങ​ളി​ൽ ഘ​ട്ടം​ഘ​ട്ട​മാ​യി ന​ട​പ്പാ​ക്കാ​നു​ള്ള പ​ദ്ധ​തി ആ​വി​ഷ്ക​രി​ച്ചി​ട്ടു​ണ്ടെ​ന്നും സ​ർ​ക്കാ​ർ നി​യ​മ​സ​ഭ​യി​ൽ വ്യ​ക്ത​മാ​ക്കി​യി​രു​ന്നു.

പു​തു​താ​യി നി​ർ​മി​ക്കു​ന്ന ഇ​ല​ക്ട്രി​ക് ലോ ​ടെ​ൻ​ഷ​ൻ ലൈ​നു​ക​ൾ ഏ​രി​യ​ൽ ബ​ഞ്ച്ഡ് ക​ണ്ട​ക്ട​ർ (എ.​ബി.​സി) ഉ​പ​യോ​ഗി​ച്ച് നി​ർ​മി​ക്കാ​ൻ തീ​രു​മാ​നി​ച്ച​താ​യും 2023 സെ​പ്റ്റം​ബ​റി​ൽ സ​ർ​ക്കാ​ർ നി​യ​മ​സ​ഭ​യി​ൽ അ​റി​യി​ച്ചു. അ​പ​ക​ട തോ​ത് കു​റ​ക്കു​ന്ന​തി​ന് കെ.​എ​സ്.​ഇ.​ബി വൈ​ദ്യു​തി വി​ത​ര​ണ വി​ഭാ​ഗ​ത്തി​ലെ എ​ല്ലാ ഓ​ഫി​സു​ക​ളി​ലേ​ക്കും14 ഇ​നം സു​ര​ക്ഷാ ഉ​പ​ക​ര​ണ​ങ്ങ​ൾ വി​ത​ര​ണം ചെ​യ്തി​ട്ടു​ണ്ടെ​ന്നും നി​യ​മ​സ​ഭ​യി​ൽ അ​റി​യി​ച്ചി​രു​ന്നു. എ​ന്നി​ട്ടും ജോ​ലി​ക്കി​ടെ ജീ​വ​ൻ അ​പ​ക​ട​ത്തി​ൽ​പ്പെ​ടു​ന്ന കെ.​എ​സ്.​ഇ.​ബി ജീ​വ​ന​ക്കാ​രു​ടെ എ​ണ്ണം പോ​ലും കു​റ​ഞ്ഞി​ട്ടി​ല്ല.