ആ​ന​ക​ൾ കാ​ട് കയറു​ന്നി​ല്ല; ച​ള​വ നിവാസികൾ​ക്ക് ഉ​റ​ക്ക​മി​ല്ലാ​ത്ത രാ​വു​ക​ൾ

അ​ല​ന​ല്ലൂ​ർ: നേ​രം ഇ​രു​ട്ടും മു​മ്പ് ആ​ന​ക​ൾ ജ​ന​വാ​സ കേ​ന്ദ്ര​ങ്ങ​ളി​ൽ ഇ​റ​ങ്ങു​ന്ന​തി​നാ​ൽ ഭ​യ​മി​ല്ലാ​തെ ഉ​റ​ങ്ങാ​ൻ ക​ഴി​യാ​ത്ത അ​വ​സ്ഥ​യാ​യി ച​ള​വ​ക്കാ​ർ​ക്ക്. ചൊ​വ്വാ​ഴ്ച രാ​ത്രി ഏ​ഴോ​ടെ മ​ല​യി​ടി​ഞ്ഞി, കു​റ്റി​ക്കാ​ട് ഭാ​ഗ​ത്ത് ആ​ന​ക്കൂ​ട്ട​മി​റ​ങ്ങി. ആ​ന​ക​ളു​ടെ ഉ​ച്ച​ത്തി​ലു​ള്ള ചി​ന്നം​വി​ളി കേ​ട്ട​തോ​ടെ ദ്രു​ത​ക​ർ​മ​സേ​ന​യെ വി​വ​ര​മ​റി​യി​ച്ചു. അ​തി​ന് മു​ന്നോ​ടി​യാ​യി കൃ​ഷി​യി​ട​ങ്ങ​ളി​ലേ​ക്ക് ആ​ന​ക​ൾ ഇ​റ​ങ്ങാ​തി​രി​ക്കാ​ൻ പ​ട​ക്കം പൊ​ട്ടി​ച്ച് ക​ർ​ഷ​ക​ർ ആ​ന​ക​ളെ വി​ര​ട്ടി ഓ​ടി​ക്കാ​ൻ ശ്ര​മി​ച്ചി​രു​ന്നു.

ദ്രു​ത​ക​ർ​മ​സേ​നാം​ഗ​ങ്ങ​ൾ സം​ഭ​വ​സ്ഥ​ല​ത്തെ​ത്തു​ന്ന​തി​ന് മു​മ്പാ​യി ആ​ന​ക​ൾ കാ​ട്ടി​ലേ​ക്ക് കേ​റി​ത്തു​ട​ങ്ങി​യി​രു​ന്നു. ദ്രു​ത​ക​ർ​മ​സേ​ന ജ​ന​വാ​സ മേ​ഖ​ല​ക​ളി​ലേ​ക്ക് ആ​ന​ക​ൾ ഇ​റ​ങ്ങാ​തി​രി​ക്കാ​ൻ കാ​വ​ൽ നി​ന്നു. മ​ല​യി​ടി​ഞ്ഞി, കു​റ്റി​ക്കാ​ട് എ​ന്നി​വി​ട​ങ്ങ​ളി​ലെ സ്വ​കാ​ര്യ വ്യ​ക്തി​ക​ളു​ടെ കൃ​ഷി​ക​ൾ ആ​ന​ക​ൾ ന​ശി​പ്പി​ച്ച​തി​നാ​ൽ വ​ർ​ഷ​ങ്ങ​ളാ​യി കൃ​ഷി ഉ​പേ​ക്ഷി​ച്ചു.

കൃ​ഷി ഇ​ല്ലാ​താ​യ​തോ​ടെ ഇ​വി​ടെ​യെ​ല്ലാം ഇ​ട​തൂ​ർ​ന്ന കാ​ടു​ക​ളാ​യി. സ​ർ​ക്കാ​ർ വ​ക കാ​ടി​ന് പു​റ​മെ സ്വ​കാ​ര്യ വ്യ​ക്തി​ക​ളു​ടെ സ്ഥ​ല​ത്തു​ള്ള കാ​ടു​ക​ളി​ൽ ആ​ന​ക​ൾ സ്ഥി​ര​മാ​യി ത​മ്പ​ടി​ച്ച് നി​ൽ​ക്കാ​ൻ തു​ട​ങ്ങി. സ്വ​കാ​ര്യ വ്യ​ക്തി​ക​ളു​ടെ സ്ഥ​ല​ങ്ങ​ളി​ലെ കാ​ടു​ക​ൾ വെ​ട്ടി തെ​ളി​ക്കാ​ൻ ന​ട​പ​ടി​ക​ൾ എ​ടു​ക്കാ​ൻ ച​ള​വ ക​ർ​ഷ​ക സം​ഘം യൂ​നി​റ്റി​ന്റെ നേ​തൃ​ത്വ​ത്തി​ൽ ഗ്രാ​മ​പ​ഞ്ചാ​യ​ത്ത്, കൃ​ഷി​ഭ​വ​ൻ, വ​നം വ​കു​പ്പ്, റ​വ​ന്യൂ വ​കു​പ്പ് അ​ധി​കാ​രി​ക​ൾ​ക്ക് നി​വേ​ദ​നം ന​ൽ​കാ​ൻ തീ​രു​മാ​നി​ച്ചി​ട്ടു​ണ്ട്.

ചെ​റു​ത​ല ഉ​ദ​യ​കു​മാ​ർ, അ​ഡ്വ. ബെ​ന്നി അ​ഗ​സ്റ്റി​ൻ, എം. ​പ​ര​മേ​ശ്വ​ര​ൻ, സി. ​ശ്രീ​ധ​ര​ൻ, പി. ​ശി​വ​ശ​ങ്ക​ര​ൻ, കെ. ​സേ​തു​മാ​ധ​വ​ൻ, വി​ദ്യാ​ന​ന്ദ​ൻ, സു​ന്ദ​ര​ൻ, അ​ബ്ദു സ​ലീം കൊ​ട​ക്കാ​ട​ൻ, കെ. ​ഫി​റോ​സ് എ​ന്നി​വ​രു​ടെ നേ​തൃ​ത്വ​ത്തി​ലാ​ണ് നി​വേ​ദ​നം ന​ൽ​കു​ന്ന​ത്.