പൂ​ക്ക​ളം ഒരുക്കാൻ ചി​ത്ര​കാ​ര​ന്മാ​രും

ഒ​റ്റ​പ്പാ​ലം: ഓ​ണ​പ്പൂ​ക്ക​ള​ങ്ങ​ൾ ആ​ചാ​ര​ത്ത​നി​മ​ക്ക​പ്പു​റം അ​ല​ങ്കാ​ര കാ​ഴ്ച​ക​ളും മ​ത്സ​ര ഇ​ന​ങ്ങ​ളു​മാ​യി മാ​റി​യ​തോ​ടെ വി​ദ​ഗ്ധരാ​യ ചി​ത്ര​കാ​ര​ന്മാ​ർ​ക്കും അ​വ​സ​ര​മാ​യി. വ​ലി​പ്പ​ത്തി​ലും ആ​ക​ർ​ഷ​ണീ​യ​ത​യി​ലും പ​ര​സ്പ​രം മ​ത്സ​രി​ക്കു​ന്നി​ട​ത്താ​ണ് ചി​ത്ര​കാ​ര​ന്മാ​രു​ടെ സേ​വ​നം നി​ർ​ബ​ന്ധി​ത​മാ​കു​ന്ന​ത്. ചി​ത്ര​കാ​ര​ന്മാ​ർ നി​ർ​ദേ​ശി​ക്കു​ന്ന പൂ​ക്ക​ൾ​ക്ക് എ​ന്ത് വി​ല​യാ​ണെ​ങ്കി​ലും വാ​ങ്ങി ന​ൽ​കാ​ൻ സ്ഥാ​പ​ന​ങ്ങ​ളു​ടെ ഉ​ത്ത​ര​വാ​ദ​പ്പെ​ട്ട​വ​ർ മ​ടി​ക്കാ​റി​ല്ലെ​ന്ന​താ​ണ് അ​നു​ഭ​വം.

സം​ഘാ​ട​ക​രു​ടെ ക​ര​വി​രു​തി​ൽ ആ​ക​ർ​ഷ​ക​മാ​യ പൂ​ക്ക​ള​ങ്ങ​ൾ നി​ർ​മി​ക്കാ​ൻ ക​ഴി​യാ​തെ വ​രു​ന്നി​ട​ത്താ​ണ് ആ​ർ​ട്ടി​സ്റ്റു​ക​ളു​ടെ സേ​വ​നം തേ​ടേ​ണ്ടി​വ​രു​ന്ന​ത്. വ​ലി​യ പൂ​ക്ക​ള​ങ്ങ​ൾ​ക്ക് ഔ​ട്ട് ലൈ​ൻ വ​ര​ക്കു​ന്ന​ത് മു​ത​ൽ പൂ​ർ​ണ​മാ​യ നി​ർ​മാ​ണം വ​രെ ഇ​ക്കൂ​ട്ട​രെ ഏ​ൽ​പ്പി​ക്കു​ന്ന​തും പ​തി​വാ​ണ്. അ​തേ​സ​മ​യം പൂ​ക്ക​ള​ത്തി​ന്റെ മാ​തൃ​ക വ​ര​ച്ചി​ടു​ന്ന മു​റ​ക്ക് വ​നി​ത ജീ​വ​ന​ക്കാ​ർ പൂ​ക്ക​ളി​ടാ​നും സ​ന്ന​ദ്ധ​രാ​കാ​റു​ണ്ട്. പൂ​ക്ക​ളം നി​ർ​മാ​ണ​ത്തി​ൽ ചി​ത്ര​കാ​ര​ന്മാ​ർ ത​മ്മി​ൽ ആ​രോ​ഗ്യ​ക​ര​മാ​യ മ​ത്സ​ര​വും പ​തി​വാ​ണ്. ആ​ർ​ട്ടി​സ്റ്റു​ക​ളു​ടെ മൊ​ബൈ​ൽ ഫോ​ണി​ൽ സൂ​ക്ഷി​ച്ച വി​വി​ധ ത​രം പൂ​ക്ക​ള​ങ്ങ​ളി​ൽ​നി​ന്ന് സം​ഘാ​ട​ക​ർ ഇ​ഷ്ട​പ്പെ​ട്ട മോ​ഡ​ൽ തെ​ര​ഞ്ഞെ​ടു​ക്കും. ബാ​ങ്കി​ങ് സ്ഥാ​പ​ന​ങ്ങ​ളും മ​റ്റു വ്യാ​പാ​ര സ്ഥാ​പ​ന​ങ്ങ​ളും നി​ർ​മി​ക്കു​ന്ന പൂ​ക്ക​ള​ങ്ങ​ളി​ലാ​ണ് പ്ര​ധാ​ന​മാ​യും ചി​ത്ര​കാ​ര​ന്മാ​രു​ടെ കൈ​യൊ​പ്പ് പ​തി​യു​ന്ന​ത്.