തി​രു​വി​ഴാം​കു​ന്ന് കോളജ് ഒാഫ് ഏ​വി​യ​ൻ സ​യ​ൻ​സ്; പഠിച്ചിറങ്ങിയവർ​െക്കല്ലാം ജോ​ലി

അ​ല​ന​ല്ലൂ​ർ: കേ​ര​ള വെ​റ്റ​റി​ന​റി ആ​ൻ​ഡ് അ​നി​മ​ൽ സ​യ​ൻ​സ് സ​ർ​വ​ക​ലാ​ശാ​ലക്ക് കീഴിൽ തി​രു​വി​ഴാം​കു​ന്നി​ൽ പ്ര​വ​ർ​ത്തി​ക്കു​ന്ന കോ​ള​ജ് ഓ​ഫ് ഏ​വി​യ​ൻ സ​യ​ൻ​സ് ആ​ൻ​ഡ് മാ​നേ​ജ്മെ​ന്റി​ൽ​നി​ന്ന് പ​ഠി​ച്ചി​റ​ങ്ങി​യ മു​ഴു​വ​ൻ കു​ട്ടി​ക​ൾ​ക്കും ജോ​ലി ല​ഭി​ച്ചു. ഒ​മ്പ​ത് ബാ​ച്ചു​ക​ളാ​ണ് പ​ഠ​നം ക​ഴി​ഞ്ഞ് പു​റ​ത്തി​റ​ങ്ങി​യ​ത്. 44 കു​ട്ടി​ക​ൾ​ക്കാ​ണ് ഓ​രോ വ​ർ​ഷ​വും പ്ര​വേ​ശ​നം എ​ൻ​ട്ര​ൻ​സി​ലൂ​ടെ ല​ഭി​ക്കു​ന്ന​ത്. ഇ​ത്ത​വ​ണ മൂ​ന്ന് വ​ർ​ഷ​ത്തെ കോ​ഴ്സ് നാ​ല് വ​ർ​ഷ​മാ​ക്കി​യ​തോ​ടെ ഓ​രോ വ​ർ​ഷം പ​ഠ​നം പൂ​ർ​ത്തീ​ക​രി​ക്കു​ന്ന മു​റ​ക്ക് സ​ർ​ട്ടി​ഫി​ക്ക​റ്റു​ക​ൾ ന​ൽ​കു​ന്ന രീ​തി​ക്ക് തു​ട​ക്ക​മാ​വു​ക​യാ​ണ്.

സാ​മ്പ​ത്തി​ക ബു​ദ്ധി​മു​ട്ട് കാ​ര​ണ​മോ അ​ല്ലാ​തെ​യോ കോ​ഴ്സ് പൂ​ർ​ത്തി​യാ​ക്കാ​തെ പു​റ​ത്ത് പോ​കു​ന്ന വി​ദ്യാ​ർ​ഥി​ക​ൾ​ക്ക് കോ​ഴ്സ് പൂ​ർ​ത്തി​യാ​ക്കാ​ൻ കോ​ള​ജി​ൽ വീ​ണ്ടും പ്ര​വേ​ശ​നം ല​ഭി​ക്കും എ​ന്ന​തും സ​ർ​വ​ക​ലാ​ശാ​ല​യു​ടെ ഇ​പ്പോ​ഴ​ത്തെ തീ​രു​മാ​ന​മാ​ണ്. കോ​ഴ്സ് മു​ഴു​വ​ൻ പൂ​ർ​ത്തി​യാ​യ​വ​ർ​ക്ക് വി​ദേ​ശ രാ​ജ്യ​ങ്ങ​ളി​ൽ തു​ട​ർ​ന്ന് പ​ഠി​ക്കാ​നു​ള്ള സൗ​ക​ര്യ​വും ഉ​ണ്ട്. മു​മ്പ് ഇ​ത് ഉ​ണ്ടാ​യി​രു​ന്നി​ല്ല. പാ​ഠ്യ​പ​ദ്ധ​തി​യു​ടെ ഭാ​ഗ​മാ​യി പ്ര​മു​ഖ സ്ഥാ​പ​ന​ങ്ങ​ളി​ൽ ഇ​ൻ​ഡ​സ്ട്രി ഇ​ന്റേ​ൺ​ഷി​പ് പൂ​ർ​ത്തി​യാ​ക്കാ​നും അ​വ​സ​ര​മൊ​രു​ക്കി​യി​ട്ടു​ണ്ട്. താ​ൽ​പ​ര്യ​മു​ള്ള​വ​ർ​ക്ക് നാ​ലാം വ​ർ​ഷം ഗ​വേ​ഷ​ണ​ത്തി​ൽ ശ്ര​ദ്ധ കേ​ന്ദ്രീ​ക​രി​ക്കാ​നും അ​വ​സ​ര​മു​ണ്ട്.

ആ​ൺ​കു​ട്ടി​ക​ൾ​ക്കു​ള്ള ഹോ​സ്റ്റ​ൽ, കോ​ള​ജി​നു​ള്ള ഗ്രൗ​ണ്ട് എ​ന്നി​വ നി​ർ​മി​ക്കേ​ണ്ട​തു​ണ്ട്. വാ​ഹ​നം ന​ൽ​കാ​ൻ എം.​എ​ൽ.​എ. ഉ​റ​പ്പ് ന​ൽ​കി​യി​ട്ടു​ണ്ട്. ഗ്രീ​ൻ ഹൈ​വെ റോ​ഡ് എ​ക്സ്പ്ര​സ് ഹൈ​വേ ആ​ക്കു​ന്ന​തി​ന്റെ ഭാ​ഗ​മാ​യി എ​ട​ത്ത​നാ​ട്ടു​ക​ര​യി​ൽ പ്ര​വേ​ശ​നം ക​വാ​ടം ല​ഭി​ക്കു​ക​യാ​ണ​ങ്കി​ൽ ക​ന്നു​കാ​ലി ഗ​വേ​ഷ​ണ കേ​ന്ദ്ര​ത്തി​നും, കേ​ര​ള വെ​റ്റ​റി​ന​റി ആ​ൻ​ഡ് അ​നി​മ​ൽ സ​യ​ൻ​സ് കോ​ള​ജി​ന് വ​ള​രെ ഉ​പ​കാ​ര​പ്ര​ദ​മാ​കു​മെ​ന്നും അ​തി​ന് എം.​എ​ൽ.​എ. മു​ന്നി​ട്ട് ഇ​റ​ങ്ങ​ണ​മെ​ന്നും കോ​ള​ജ് അ​ധി​കാ​രി​ക​ൾ ആ​വ​ശ്യ​പ്പെ​ട്ടു.