കാ​ട്ടാ​ന​ശ​ല്യ​ത്തി​ന് അ​റു​തി​യി​ല്ല; വ​നം വ​കു​പ്പി​ന്റെ പ്ര​തി​രോ​ധ ന​ട​പ​ടി​ക​ൾ പാ​ളു​ന്നു

സു​ൽ​ത്താ​ൻ ബ​ത്തേ​രി: പൂ​താ​ടി പ​ഞ്ചാ​യ​ത്തി​ലെ മൂ​ട​ക്കൊ​ല്ലി, കൂ​ട​ല്ലൂ​ർ മേ​ഖ​ല​ക​ളി​ലെ കാ​ട്ടാ​ന ശ​ല്യ​ത്തി​ന് അ​റു​തി​യാ​യി​ല്ല. കു​ങ്കി​യാ​ന​ക​ളെ എ​ത്തി​ച്ച് കാ​ട്ടാ​ന​ക​ളെ ഉ​ൾ​വ​ന​ത്തി​ലേ​ക്ക് തു​ര​ത്താ​നു​ള്ള വ​നം വ​കു​പ്പ് ന​ട​പ​ടി​ക​ൾ എ​ങ്ങു​മെ​ത്താ​ത്ത സ്ഥി​തി​യാ​ണ്. ക​ഴി​ഞ്ഞ​ദി​വ​സ​വും കാ​ട്ടാ​ന​ക​ൾ നാ​ട്ടി​ലി​റ​ങ്ങി വ​ലി​യ നാ​ശം വ​രു​ത്തി.

വ്യാ​ഴാ​ഴ്ച രാ​ത്രി​യെ​ത്തി​യ കാ​ട്ടാ​ന​ക​ൾ അ​ന​മൂ​ട്ടി​ൽ ഗോ​പി, നെ​ടു​മ​ല ശ​ശി, കോ​ട്ടൂ​ർ ബാ​ബു എ​ന്നി​വ​രു​ടെ കൃ​ഷി​യി​ട​ങ്ങ​ളി​ൽ വ​ലി​യ നാ​ശ​മാ​ണ് വ​രു​ത്തി​യ​ത്. നാ​ല് ആ​ന​ക​ള​ട​ങ്ങി​യ കൂ​ട്ട​മാ​ണ് ഈ ​തോ​ട്ട​ങ്ങ​ളി​ൽ ഇ​റ​ങ്ങി​യ​തെ​ന്ന് നാ​ട്ടു​കാ​ർ പ​റ​യു​ന്നു. പ്ര​ധാ​ന​മാ​യും വാ​ഴ, ക​വു​ങ്ങ് എ​ന്നി​വ​യാ​ണ് ന​ശി​പ്പി​ക്ക​പ്പെ​ട്ട​ത്. നി​ര​വ​ധി വാ​ഴ​ക്കു​ല​ക​ൾ ച​വി​ട്ടി​യ​ര​ച്ചി​ട്ടു​ണ്ട്.

ഒ​രാ​ഴ്ച മു​മ്പ് അ​ഭി​ലാ​ഷ് എ​ന്ന യു​വാ​വി​നെ മൂ​ട​ക്കൊ​ല്ലി​യി​ൽ​വെ​ച്ച് കാ​ട്ടാ​ന ആ​ക്ര​മി​ച്ചി​രു​ന്നു. അ​തി​നു​ശേ​ഷ​മാ​ണ് ര​ണ്ട് കു​ങ്കി​യാ​ന​ക​ളെ വ​നം വ​കു​പ്പ് പ്ര​ദേ​ശ​ത്ത് എ​ത്തി​ച്ച​ത്. കു​ങ്കി​യാ​ന​ക​ളെ​കൊ​ണ്ട് ഒ​രു ദി​വ​സം കാ​ട്ടാ​ന​ക​ളെ ഉ​ൾ​വ​ന​ത്തി​ലേ​ക്ക് തു​ര​ത്തി. എ​ന്നാ​ൽ, അ​ടു​ത്ത ദി​വ​സം കാ​ട്ടാ​ന​ക​ൾ വീ​ണ്ടും നാ​ട്ടി​ലെ​ത്തി. കു​ങ്കി​യാ​ന​ക​ളും വ​നം ഉ​ദ്യോ​ഗ​സ്ഥ​രും സ്ഥ​ല​ത്ത് ത​ങ്ങു​ന്നു​ണ്ടെ​ങ്കി​ലും ഒ​രു പ്ര​യോ​ജ​ന​വു​മി​ല്ലാ​ത്ത അ​വ​സ്ഥ​യാ​ണ്.

പാ​പ്ല​ശ്ശേ​രി​ക്ക​ടു​ത്ത് ചേ​ല​ക്കൊ​ല്ലി മു​ത​ൽ കൂ​ട​ല്ലൂ​ർ വ​രെ ക​രി​ങ്ക​ൽ മ​തി​ലു​ണ്ട്. കാ​ട്ടാ​ന​ക​ളെ പ്ര​തി​രോ​ധി​ക്കു​ന്ന കാ​ര്യ​ത്തി​ൽ ക​രി​ങ്ക​ൽ മ​തി​ൽ പ്ര​യോ​ജ​ന​പ്ര​ദ​മാ​ണ്. തു​ട​ർ​ന്ന് ആ​ന​ക്കു​ഴി മു​ത​ൽ സു​ൽ​ത്താ​ൻ ബ​ത്തേ​രി സ​ത്രം​കു​ന്ന് വ​രെ റെ​യി​ൽ വേ​ലി​യാ​ണു​ള്ള​ത്. റെ​യി​ൽ വേ​ലി പ​ല​യി​ട​ത്തും ത​ക​ർ​ന്നു​കി​ട​ക്കു​ക​യാ​ണ്. ഇ​തി​ലൂ​ടെ കാ​ട്ടാ​ന​ക​ൾ പു​റ​ത്തി​റ​ങ്ങു​ന്നു.

ആ​ന​ക്കു​ഴി​ക്കും മൂ​ട​ക്കൊ​ല്ലി​ക്കും ഇ​ട​യി​ലു​ള്ള മൂ​ന്ന് കി​ലോ​മീ​റ്റ​റോ​ളം ഭാ​ഗ​ത്ത് പ്ര​തി​രോ​ധ സം​വി​ധാ​ന​ങ്ങ​ളൊ​ന്നു​മി​ല്ല. റെ​യി​ൽ വേ​ലി ന​ന്നാ​ക്കു​ന്ന​തോ​ടൊ​പ്പം മൂ​ന്നു കി​ലോ​മീ​റ്റ​ർ ഭാ​ഗ​ത്ത് പു​തി​യ പ്ര​തി​രോ​ധ സം​വി​ധാ​ന​ങ്ങ​ൾ ഉ​ണ്ടാ​ക്കേ​ണ്ട​തും അ​ത്യാ​വ​ശ്യ​മാ​ണ്. ഇ​ക്കാ​ര്യം എം.​പി ഉ​ൾ​പ്പെ​ടെ​യു​ള്ള​വ​രു​ടെ ശ്ര​ദ്ധ​യി​ൽ​പ്പെ​ടു​ത്തി​യി​ട്ടു​ണ്ടെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.