ഹയർ സെക്കൻഡറിയും ക്രെഡിറ്റ് സെമസ്റ്റർ രീതിയിലേക്ക്

തി​രു​വ​ന​ന്ത​പു​രം: സം​സ്ഥാ​ന​ത്തെ ഹ​യ​ർ സെ​ക്ക​ൻ​ഡ​റി പ​ഠ​നം ക്രെ​ഡി​റ്റ്​ സെ​മ​സ്റ്റ​ർ രീ​തി​യി​ലേ​ക്ക്​ മാ​റ്റാ​ൻ വി​ദ്യാ​ഭ്യാ​സ വ​കു​പ്പ് സാ​ധ്യ​ത തേ​ടു​ന്നു. പ്ല​സ്​ വ​ൺ, പ്ല​സ്​ ടു ​പ​ഠ​നം ര​ണ്ടു​വ​ർ​ഷം എ​ന്ന​തി​ന്​ പ​ക​രം നാ​ല്​ സെ​മ​സ്റ്റ​ർ രീ​തി​യി​ലേ​ക്ക്​ മാ​റ്റാ​നാ​ണ്​ ആ​ലോ​ച​ന.

ഹ​യ​ർ സെ​ക്ക​ൻ​ഡ​റി പാ​ഠ്യ​പ​ദ്ധ​തി പ​രി​ഷ്ക​ര​ണ​വു​മാ​യി ബ​ന്ധ​പ്പെ​ട്ട ജ​ന​കീ​യ ച​ർ​ച്ച​ക​ളു​ടെ സം​സ്ഥാ​ന​ത​ല ഉ​ദ്​​ഘാ​ട​ന​ച്ച​ട​ങ്ങി​ൽ എ​സ്.​സി.​ഇ.​ആ​ർ.​ടി ഡ​യ​റ​ക്ട​ർ ​ഡോ. ​ആ​ർ.​കെ. ജ​യ​പ്ര​കാ​ശ്​ അ​വ​ത​രി​പ്പി​ച്ച ആ​ശ​യ​രേ​ഖ​യി​ലാ​ണ്​ ഈ ​നി​ർ​ദേ​ശ​മു​ള്ള​ത്. ആ​റു​മാ​സം വീ​തം ദൈ​ർ​ഘ്യ​മു​ള്ള നാ​ല്​ സെ​മ​സ്റ്റ​റി​നി​ടെ 80 മു​ത​ൽ 100 വ​രെ ക്രെ​ഡി​റ്റു​ക​ൾ നേ​ടി പ​ഠ​നം പൂ​ർ​ത്തി​യാ​ക്കു​ന്ന​തി​​ന്‍റെ സാ​ധ്യ​ത​യാ​ണ്​ പ​രി​ശോ​ധി​ക്കു​ന്ന​ത്.

കേ​​ന്ദ്ര സ​ർ​ക്കാ​ർ പു​റ​ത്തി​റ​ക്കി​യ നാ​ഷ​ന​ൽ ക്രെ​ഡി​റ്റ്​ ഫ്രെ​യിം​വ​ർ​ക്കി​ൽ ഒ​മ്പ​ത്​ മു​ത​ൽ 12 വ​രെ ക്ലാ​സു​ക​ളി​ലെ പ​ഠ​നം ​ക്രെ​ഡി​റ്റ്​ സെ​മ​സ്റ്റ​ർ രീ​തി​യി​ലാ​ക്കാ​ൻ നി​ർ​ദേ​ശ​മു​ണ്ട്. ഇ​തി​ൽ നാ​ല്​ വ​ർ​ഷ​ത്തി​നി​ടെ 160 ക്രെ​ഡി​റ്റു​ക​ൾ​ പൂ​ർ​ത്തി​യാ​ക്ക​ണം. ഇ​തി​ന്​ ബ​ദ​ലാ​യി പ്ല​സ്​ വ​ൺ, പ്ല​സ്​ ടു ​പ​ഠ​നം സെ​മ​സ്റ്റ​ർ രീ​തി​യി​ലാ​ക്കാ​നാ​ണ്​ വി​ദ്യാ​ഭ്യാ​സ വ​കു​പ്പി​ന്‍റെ നീ​ക്കം.

30 മ​ണി​ക്കൂ​ർ പ​ഠ​ന​വും വി​ല​യി​രു​ത്ത​ലും ചേ​രു​ന്ന​താ​ണ്​ നാ​ഷ​ന​ൽ ക്രെ​ഡി​റ്റ്​ ഫ്രെ​യിം​വ​ർ​ക്ക്​ പ്ര​കാ​ര​മു​ള്ള ഒ​രു ക്രെ​ഡി​റ്റ്. വി​ഷ​യ​ങ്ങ​ളു​ടെ എ​ണ്ണ​ത്തി​ൽ കു​റ​വു​വ​രു​ത്തി​യ ദേ​ശീ​യ​ത​ല​ത്തി​ലെ മാ​റ്റം കേ​ര​ള​ത്തി​ൽ ന​ട​പ്പാ​ക്കേ​ണ്ട​തി​ല്ലെ​ന്നാ​ണ്​ ധാ​ര​ണ. ദേ​ശീ​യ​ത​ല​ത്തി​ൽ അ​ഞ്ച്​ വി​ഷ​യ​ങ്ങ​ൾ പ​ഠി​ച്ചാ​ൽ മ​തി. കേ​ര​ള​ത്തി​ൽ ഇ​ത്​ ആ​റ്​ വി​ഷ​യ​ങ്ങ​ളാ​ണ്. 

പ​രീ​ക്ഷ​ക​ളു​ടെ എ​ണ്ണം കൂ​ടും

നി​ല​വി​ൽ പ്ല​സ്​ വ​ൺ, പ്ല​സ്​ ടു ​പ​ഠ​ന​ത്തി​ന്​ വാ​ർ​ഷി​ക പൊ​തു​പ​രീ​ക്ഷ​ക​ളാ​ണു​ള്ള​തെ​ങ്കി​ൽ ക്രെ​ഡി​റ്റ്​ സെ​മ​സ്റ്റ​ർ രീ​തി വ​രു​ന്ന​തോ​ടെ നാ​ല്​ സെ​മ​സ്റ്റ​ർ പ​രീ​ക്ഷ​ക​ൾ വേ​ണ്ടി​വ​രും.

ഇ​തി​ൽ ഒ​ന്ന്, മൂ​ന്ന്​ സെ​മ​സ്റ്റ​ർ പ​രീ​ക്ഷ​ക​ൾ സ്കൂ​ൾ​ത​ല​ത്തി​ലും ര​ണ്ട്, നാ​ല്​ സെ​മ​സ്റ്റ​ർ പ​രീ​ക്ഷ​ക​ൾ സം​സ്ഥാ​നാ​ടി​സ്ഥാ​ന​ത്തി​ലും ന​ട​ത്താ​നാ​ണ്​ ആ​ലോ​ചി​ക്കു​ന്ന​ത്.

മ​ൾ​ട്ടി​ഡി​സി​പ്ലി​ന​റി പ​ഠ​ന​വും പ​രി​ഗ​ണ​ന​യി​ൽ

സ​യ​ൻ​സ്​ പ​ഠി​ക്കു​ന്ന വി​ദ്യാ​ർ​ഥി​ക്ക്​ താ​ൽ​പ​ര്യ​മു​ണ്ടെ​ങ്കി​ൽ ഹ്യൂ​മാ​നി​റ്റീ​സ്, കൊ​മേ​ഴ്​​സ്​ സ്​​ട്രീ​മി​ലെ വി​ഷ​യ​ങ്ങ​ളും തി​രി​ച്ചും പ​ഠി​ക്കാ​ൻ സൗ​ക​ര്യ​മൊ​രു​ക്കു​ന്ന മ​ൾ​ട്ടി​ഡി​സി​പ്ലി​ന​റി പ​ഠ​ന​വും ഹ​യ​ർ സെ​ക്ക​ൻ​ഡ​റി മേ​ഖ​ല​യി​ൽ ന​ട​പ്പാ​ക്കു​ന്ന​ത് പ​രി​ശോ​ധി​ക്കും.

റ​ഗു​​ല​ർ വി​ദ്യാ​ർ​ഥി​ക​ൾ​ക്ക്​ താ​ൽ​പ​ര്യ​മു​ള്ള മ​റ്റ്​ വി​ഷ​യ​ങ്ങ​ൾ സ്​​കോ​ൾ കേ​ര​ള​ക്ക്​ (പ​ഴ​യ ഓ​പ​ൺ) കീ​ഴി​ൽ പ​ഠി​ക്കാ​ൻ അ​വ​സ​രം ന​ൽ​കു​ന്ന​തി​ന്‍റെ സാ​ധ്യ​ത​യാ​ണ്​ പ​രി​ശോ​ധി​ക്കു​ക. നൈ​പു​ണി വി​ദ്യാ​ഭ്യാ​സ​ത്തി​നു​ള്ള ഊ​ന്ന​ലും വ​ർ​ധി​പ്പി​ക്കും.