കുവൈത്ത് സിറ്റി: കുവൈത്തിൽ ശക്തമായ സുരക്ഷാപരിശോധനകൾ തുടരുന്നു. കഴിഞ്ഞ ഒരാഴ്ചയ്ക്കിടെ ജനറൽ ഡിപ്പാർട്ട്‌മെന്റ് ഓഫ് എമർജൻസി പൊലീസ് നടത്തിയ പരിശോധനയിൽ നിരവധി പേർ പിടിയിലായി. വിവിധ നിയമലംഘനങ്ങളിൽ പിടികിട്ടാനുള്ള 168 പേരെയും റെസിഡൻസി കാലാവധി കഴിഞ്ഞ 92 പ്രവാസികളെയും അറസ്റ്റു ചെയ്തു.
ഔദ്യോഗിക തിരിച്ചറിയൽ രേഖയില്ലാത്ത 24 പേരും, ഒളിച്ചോടിയവരും അറസ്റ്റ് വാറണ്ടുകൾ നിലവിലുള്ളതുമായ 56 വ്യക്തികളെയും കസ്റ്റഡിയിലെടുത്തു. 55 വാഹനങ്ങളും പിടിച്ചെടുത്തു. 2,465 വിവിധ ഗതാഗത നിയമലംഘനങ്ങളും കഴിഞ്ഞ ആഴ്ച രേഖപ്പെടുത്തി.
ട്രാഫിക് അഫയേഴ്‌സ് വിഭാഗം 24 മണിക്കൂറും ജാഗ്രതയോടെ പ്രവർത്തിക്കുന്നുണ്ടെന്ന് സുരക്ഷാവൃത്തങ്ങൾ അറിയിച്ചു. നിയമലംഘകരെ കർശനമായി പിന്തുടരുകയും നടപടികൾ സ്വീകരിക്കുകയും ചെയ്യും.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.