പാക്കേജ്​ ചോദിച്ചു, കിട്ടിയത്​ വായ്പ

തി​രു​വ​ന​ന്ത​പു​രം: ഉ​രു​ൾ​ദു​ര​ന്തം ക​വ​ർ​ന്ന വ​യ​നാ​ടി​നാ​യി കേ​ന്ദ്ര​ത്തി​ന്​ മു​ന്നി​ൽ നി​വ​ർ​ത്തി​യ ആ​വ​ശ്യ​ങ്ങ​ളോ​ടെ​ല്ലാം മു​ഖം തി​രി​ച്ച​തി​ന്‍റെ ദുര​നു​ഭ​വ​ങ്ങ​ളാ​ണ്​ കേ​ര​ള​ത്തി​നു​ള്ള​ത്. മ​റ്റ്​ സം​സ്ഥാ​ന​ങ്ങ​ൾ​ക്ക്​ ദു​ര​ന്ത​പ്ര​തി​ക​ര​ണ നി​ധി​യി​ൽ നി​ന്ന്​ മു​ൻ​കൂ​ർ ഗ്രാ​ന്‍റ്​ അ​നു​വ​ദി​ച്ച കീ​ഴ്​​വ​ഴ​ക്ക​മു​ള്ള​പ്പോ​ൾ​ അ​പ്രാ​യോ​ഗി​ക ഉ​പാ​ധി​ക​ളോ​ടെ 529.50 കോ​ടി വാ​യ്പ​യാ​യി അ​നു​വ​ദി​ച്ച​താ​ണ്​ ഒ​ടു​വി​ലെ ഉ​ദാ​ഹ​ര​ണം.

50 വ​ർ​ഷ​ത്തേ​ക്കു​ള്ള മൂ​ല​ധ​ന​നി​ക്ഷേ​പ വാ​യ്പ​യാ​യി​രു​ന്നു ഇ​ത്​; ചെ​ല​വ​ഴി​ക്ക​ലി​ന്​ ഒ​ന്ന​ര മാ​സ​ത്തെ ​സ​മ​യ​പ​രി​ധി മാ​ത്ര​വും. ഇ​താ​ക​ട്ടെ ദു​ര​ന്ത നി​വാ​ര​ണ​ത്തി​നു​ള്ള വ​ക​യി​രു​ത്ത​ൽ പോ​ലു​മാ​യി​രു​ന്നി​ല്ല. കേ​ന്ദ്ര​ബ​ജ​റ്റി​ൽ സം​സ്ഥാ​ന​ങ്ങ​ളി​ലെ പ്ര​ത്യേ​ക മൂ​ല ധ​ന നി​ക്ഷേ​പ​ങ്ങ​ൾ​ക്കാ​യു​ള്ള വ​ക​യി​രു​ത്ത​ലി​ൽ ഉ​ൾ​പ്പെ​ടു​ത്തി​യാ​ണ്​ 2024 ഫെ​​ബ്രു​വ​രിയിൽ വാ​യ്​​പ പ്ര​ഖ്യാ​പി​ച്ച​ത്. കേ​ന്ദ്രം നി​ർ​ദേ​ശി​ച്ച 16 പ​ദ്ധി​ക​ൾ​ക്കേ ഈ ​തു​ക വി​നി​യോ​ഗി​ക്കാ​നു​മാ​കൂ.

ആ​ന്ധ്ര​യ്ക്കും ബീ​ഹാ​റി​നും ഛത്തീ​സ്ഘ​ട്ടി​നും തെ​ലങ്കാ​ന​യ്ക്കും ഉ​ത്ത​രാ​ഖ​ണ്ഡി​നും​ ത​മി​ഴ്നാ​ടി​നും സ​മീ​പ​കാ​ല​ത്ത് ദു​ര​ന്ത​​​പ്ര​തി​ക​ര​ണ നി​ധി​യി​ൽ നി​ന്ന്​ മു​ൻ​കൂ​ർ ഗ്രാ​ന്‍റ്​ ന​ൽ​കി​യപ്പോഴാണ് ഈ ​വിവേചനം. അ​ന്ന്​ ആ​ന്ധ്ര​ക്ക്​ 3500 കോ​ടി​യും തെ​ലു​ങ്കാ​ന​യ്ക്ക്​ 3400 കോ​ടി​യും ത​മി​ഴ്​​നാ​ടി​ന്​ 1900​ കോ​ടി​യു​മാ​ണ്​ ന​ൽ​കി​യ​ത്.

ഒ​ന്ന​ര​മാ​സം കൊ​ണ്ട്​ 529.50 ചെ​ല​വി​ട​ൽ അ​​പ്രാ​യോ​ഗി​ക​മെ​ന്ന്​ ചൂ​ണ്ടി​ക്കാ​ട്ടി പ​ല​വ​ട്ടം കേ​ര​ളം കേ​ന്ദ്ര​​ത്തെ സ​മീ​പി​ച്ചു. നീ​ണ്ട ക​ത്തി​ട​പാ​ടു​ക​ൾ​ക്കും രാ​ഷ്​​ട്രീ​യ സ​മ്മ​ർ​ദ്ദ​ങ്ങ​ൾ​ക്കും ശേ​ഷം ചെ​ല​വ​ഴി​ക്ക​ലി​ന്​ അ​ൽ​പം കൂ​ടി സാ​വ​കാ​ശം അ​നു​വ​ദി​ച്ച​ു.

ആ​വ​ശ്യ​ങ്ങ​ൾ​ക്ക്​ മു​ന്നി​ൽ പ​തി​വ്​ മു​ഖം​തി​രി​ക്ക​ൽ

പ്ര​ധാ​ന​മ​ന്ത്രി​യു​ടെ വ​യ​നാ​ട്​ സ​ന്ദ​ർ​ശ​ന​ത്തി​ന്​ ശേ​ഷം ര​ക്ഷാ​ദൗ​ത്യ​ത്തി​നും പു​ന​ര​ധി​വാ​സ​ത്തി​നു​മാ​യി ദു​ര​ന്ത​പ്ര​തി​ക​ര​ണ നി​ധി​യു​ടെ മാ​ന​ദ​ണ്ഡ​ങ്ങ​ൾ​ക്ക​നു​സ​രി​ച്ച്​ അ​ധി​ക സാ​മ്പ​ത്തി​ക സ​ഹാ​യം കേ​ര​ളം രേ​ഖാ​മൂ​ലം ആ​വ​ശ്യ​​പ്പെ​ട്ടി​രു​ന്നു. 250 ഓ​ളം കോ​ടി രൂ​പ​യാ​യി​രു​ന്നു ​പ്രാ​ഥ​മി​ക ആ​വ​ശ്യം. ഒ​രു പ്ര​തി​ക​ര​ണ​വു​മു​ണ്ടാ​യി​ല്ല.

ദു​ര​ന്ത​ത്തി​നു ശേ​ഷം കൃ​ത്യ​മാ​യ പ​ഠ​നം ന​ട​ത്തി ത​യ്യാ​റാ​ക്കി​യ പു​ന​ര​ധി​വാ​സ ചെ​ല​വു​ക​ളാ​യി​രു​ന്നു പാ​ക്കേ​ജ്​ സ്വ​ഭാ​വ​ത്തി​ൽ കേ​ര​ളം മു​ന്നോ​ട്ടു​വെ​ച്ച മ​റ്റൊ​രു പ്ര​ധാ​ന ആ​വ​ശ്യം. പോ​സ്റ്റ്​ ഡി​സാ​സ്റ്റ​ർ നീ​ഡ്​ അ​സ​സ്​​മെ​ന്‍റ്​ (പി.​ഡി.​എ​ൻ.​എ) പ്ര​കാ​രം വ​യ​നാ​ടി​ന്‍റെ പു​ന​ർ​നി​ർ​മ്മാ​ണ​ത്തി​നും ര​ണ്ട്​ ടൗ​ൺ​ഷി​പ്പു​ക​ളു​ടെ നി​ർ​മ്മാ​ണ​ത്തി​നു​മാ​യി ദേ​ശീ​യ ദു​ര​ന്ത പ്ര​തി​ക​ര​ണ നി​ധി​യി​ൽ നി​ന്ന്​ 2000 കോ​ടി​യു​ടെ പാ​ക്കേ​ജാ​ണ്​ ആ​വ​ശ്യ​പ്പെ​ട്ട​ത്. ഇ​തി​ന്​ നേ​രെ​യും പ​തി​വ്​ പോ​ലെ മു​ഖം തി​രി​ച്ചു.

അ​തി​തീ​വ്ര​ദു​ര​ന്ത​മാ​യി പ്ര​ഖ്യാ​പി​ക്ക​ണ​മെ​ന്ന മെ​മ്മോ​റാ​ണ്ട​ത്തി​ലെ ര​ണ്ടാ​മ​ത്തെ ആ​വ​ശ്യ​ത്തോ​ടും അ​ഞ്ചു​മാ​സം മൗ​നം ത​​ന്നെ. ശേ​ഷം 2024 ഡി​സം​ബ​ർ 30നാ​ണ്​ വ​യ​നാ​ട്ടി​ലേ​ത്​ ‘ഗു​രു​ത​ര സ്വ​ഭാ​വ​മു​ള്ള ദു​ര​ന്ത’​മാ​യി കേ​ന്ദ്രം പ്ര​ഖ്യാ​പി​ക്കാ​ൻ ത​യ്യാ​റാ​യ​ത്. ദു​ര​ന്ത നി​വാ​ര​ണ നി​യ​മ​പ്ര​കാ​രം ദു​ര​ന്ത​ങ്ങ​​ളെ നാ​ലാ​യി തി​രി​ച്ച​തി​ൽ അ​വ​സാ​ന​ത്തേ​താ​ണ്​ അ​തി​തീ​വ്ര​ദു​ര​ന്തം.

കേ​ന്ദ്ര​സ​ഹാ​യ​ത്തോ​ടെ കൈ​കാ​ര്യം ചെ​യ്യേ​ണ്ട​താ​ണി​വ. ഈ ​വി​ഭാ​ഗ​ത്തി​ൽ ഉ​ൾ​പ്പെ​ടു​ന്ന​വ​ക്ക്​​ ദേ​ശീ​യ ദു​ര​ന്ത​പ്ര​തി​ക​ര​ണ നി​ധി​യി​ൽ​നി​ന്ന് കൂ​ടു​ത​ൽ സ​ഹാ​യം അ​നു​വ​ദി​ക്കു​ക​യും വേ​ണം. എ​ന്നാ​ൽ അ​തി​തീ​​വ്ര​മാ​യി പ്ര​ഖ്യാ​പി​ച്ച​ത​ല്ലാ​തെ അ​നു​ബ​ന്ധ​മാ​യി കി​ട്ടേ​ണ്ട മ​റ്റ്​ ആ​നു​കൂ​ല്യ​ങ്ങ​ളി​ലും മി​ണ്ടാ​ട്ട​മു​ണ്ടാ​യി​ല്ല. അ​പ്പോ​ഴും മ​റ്റ്​ ര​ണ്ട്​ ആ​വ​ശ്യ​ങ്ങ​ളി​ലും മൗ​നം തു​ട​ർ​ന്നു.

ഒ​രു വ​ർ​ഷം പി​ന്നി​ടു​മ്പോ​ഴും സ്ഥി​തി അ​തു​​ത​ന്നെ. ഇ​തി​നി​ടെ ത​ങ്ങ​ളു​ടെ പി​ടി​​പ്പു​കേ​ട്​ മ​റ​യ്ക്കാ​ൻ ​മ​തി​യാ​യ രേ​ഖ​ക​ൾ ന​ൽ​കി​യി​ല്ലെ​ന്ന ആ​രോ​പ​ണ​ങ്ങ​ളും ഉ​ന്ന​യി​ച്ചു. എ​ന്നാ​ൽ രേ​ഖ​ക​ൾ സ​ഹി​തം മ​റു​പ​ടി ന​ൽ​കി​​യ​തോ​ടെ​യാ​ണ്​ ഇ​ത്ത​രം ആ​രോ​പ​ണ​ങ്ങ​ൾ അ​വ​സാ​നി​പ്പി​ച്ച​ത്.

ര​ക്ഷാ​പ്ര​വ​ർ​ത്ത​ന​ത്തി​നും​ കൂ​ലി

ഇ​തി​നി​ടെ വ​യ​നാ​ട്​ ദു​ര​ന്ത ര​ക്ഷാ​പ്ര​വ​ർ​ത്ത​ന​ത്തി​ന്​ കൂ​ലി ചോ​ദി​ച്ച​തി​നും കേ​ര​ളം സാ​ക്ഷി​യാ​യി. വ​യ​നാ​ട് ദു​ര​ന്ത​ത്തി​ൽ ഹെ​ലി​കോ​പ്റ്റ​ര്‍ സേ​വ​ന​ത്തി​ന്​ 120 കോ​ടി വേ​ണ​മെ​ന്ന​താ​യി​രു​ന്നു ആ​വ​ശ്യം. ആ​ഭ്യ​ന്ത​ര​മ​ന്ത്രാ​ല​യ​ത്തി​ന്‍റെ ഉ​ന്ന​താ​ധി​കാ​ര സ​മി​തി ഹൈ​കോ​ട​തി​യി​ൽ സ​മ​ർ​പ്പി​ച്ച സ​ത്യ​വാ​ങ്​​മൂ​ല​ത്തി​ലാ​ണ്​ വ്യോ​മ​സേ​ന​യു​ടെ ബി​ല്ലു​ക​ൾ സം​സ്ഥാ​നം അ​ട​യ്ക്ക​ണ​മെ​ന്ന്​ ചൂ​ണ്ടി​ക്കാ​ട്ടി​യ​ത്. ഇ​ത്​ സം​ബ​ന്ധി​ച്ച്​ പ​ല​വ​ട്ടം ആ​ശ​യ​വി​നി​മ​യം ന​ട​ത്തി​യി​ട്ടും നി​ല​പാ​ട്​ മാ​റ്റി​യി​രു​ന്നി​ല്ല. ഇ​തോ​ടെ കേ​ര​ള​ത്തി​ലെ ബി.​ജെ.​പി​യും വെ​ട്ടി​ലാ​യി.

പ​ണം അ​ട​യ്ക്കാ​ൻ വേ​ണ്ടി​യ​ല്ല, സാ​ധാ​ര​ണ ന​ട​പ​ടി​ക്ര​മ​ങ്ങ​ളു​ടെ ഭാ​ഗ​മാ​യു​ള്ള ആ​ശ​യ​വി​നി​മ​യ​മാ​ണെ​ന്ന നി​ല​യി​ലാ​ണ്​ കേ​​ന്ദ്ര​ന​ട​പ​ടി​​യെ സം​സ്ഥാ​ന നേ​താ​ക്ക​ൾ വ്യാ​ഖ്യാ​നി​ച്ച്​ ല​ഘൂ​ക​രി​ക്കാ​ൻ ശ്ര​മി​ച്ച​ത്. ഹെ​ലി​കോ​പ്‌​ട​ർ വാ​ട​ക ഇ​ന​ത്തി​ൽ കേ​ന്ദ്രം ആ​വ​ശ്യ​പ്പെ​ട്ട 120 കോ​ടി രൂ​പ ഒ​ഴി​വാ​ക്കു​ന്ന​ത് പ​രി​ഗ​ണി​ക്ക​ണ​മെ​ന്ന് ഹൈ​കോ​ട​തി​യും നി​ർ​ദേ​ശി​ച്ചും. ഇ​തും പി​ന്നാ​ലെ സം​സ്ഥാ​ന സ​ർ​ക്കാ​രി​ന്റെ നി​ര​ന്ത​ര സ​മ്മ​ർ​ദ്ദ​വും ജ​ന​കീ​യ പ്ര​തി​ഷേ​ധ​ത്തി​നു​മൊ​ടു​വി​ൽ വാ​ട​ക​യി​ൽ നി​ന്ന്​ കേ​ന്ദ്രം പി​ൻ​മാ​റു​ക​യാ​യി​രു​ന്നു.