കാ​സ​ർ​കോ​ട്: ദേ​ശീ​യ മെ​ഡി​ക്ക​ൽ ക​മീ​ഷ​ന്റെ അം​ഗീ​കാ​രം ല​ഭി​ച്ച കാ​സ​ർ​കോ​ട്, വ​യ​നാ​ട് ഗ​വ. മെ​ഡി​ക്ക​ൽ കോ​ള​ജു​ക​ളി​ലേ​ക്ക് ഇ​പ്പോ​ൾ ന​ട​ത്തി​യി​രി​ക്കു​ന്ന നി​യ​മ​ന​ങ്ങ​ളെ​ല്ലാം താ​ൽ​ക്കാ​ലി​കം. നി​ല​വി​ലെ മെ​ഡി​ക്ക​ൽ കോ​ള​ജു​ക​ളി​ൽ​നി​ന്നാ​ണ് സ്ഥ​ലം​മാ​റ്റി താ​ൽ​ക്കാ​ലി​ക​മാ​യി നി​യ​മി​ച്ചി​രി​ക്കു​ന്ന​ത്. വ​ൻ സാ​മ്പ​ത്തി​ക ഉ​ത്ത​ര​വാ​ദി​ത്ത​മു​ള്ള നി​യ​മ​ന​ങ്ങ​ൾ സ​ർ​ക്കാ​ർ എ​ത്ര​ത്തോ​ളം ന​ട​പ്പാ​ക്കു​മെ​ന്ന​ത് പ്ര​ധാ​ന വെ​ല്ലു​വി​ളി​യാ​ണ്. ദേ​ശീ​യ മെ​ഡി​ക്ക​ൽ ക​മീ​ഷ​ന്റെ പ​രി​ശോ​ധ​ന​ക്ക് മു​ന്നോ​ടി​യാ​യി മാ​ന​ദ​ണ്ഡം പാ​ലി​ച്ചു​വെ​ന്ന് ഉ​റ​പ്പു​വ​രു​ത്തു​ന്ന​തി​നു​ള്ള ന​ട​പ​ടി​ക​ളു​ടെ ഭാ​ഗ​മാ​യാ​ണ് കാ​സ​ർ​കോ​ട്, വ​യ​നാ​ട് മെ​ഡി​ക്ക​ൽ കോ​ള​ജു​ക​ളി​ൽ ഇ​പ്പോ​ൾ ന​ട​ത്തി​യി​രി​ക്കു​ന്ന നി​യ​മ​ന​ങ്ങ​ൾ.

ഏ​റ്റ​വും കൂ​ടു​ത​ൽ സ്ഥ​ലം​മാ​റ്റം ന​ട​ന്ന​ത് കോ​ഴി​ക്കോ​ട് മെ​ഡി​ക്ക​ൽ​ കോ​ള​ജി​ൽ​നി​ന്നാ​ണ്. കോ​ട്ട​യം, തൃ​ശൂ​ർ, തി​രു​വ​ന​ന്ത​പു​രം മെ​ഡി​ക്ക​ൽ കോ​ള​ജു​ക​ളി​ൽ​നി​ന്നാ​ണ് മ​റ്റു സ്ഥ​ലം​മാ​റ്റ​ങ്ങ​ൾ. കാ​സ​ർ​കോ​ട് ജി​ല്ല​യി​ലേ​ക്ക് സ്ഥ​ലം​മാ​റി​യെ​ത്തു​ന്ന ഉ​ദ്യോ​ഗ​സ്ഥ​രെ​ല്ലാം വ​ന്ന​തി​നേ​ക്കാ​ൾ വേ​ഗ​ത്തി​ൽ തി​രി​ച്ചു​പോ​കാ​ൻ ശ്ര​മി​ക്കു​ന്ന​വ​രാ​ണ്. കോ​ഴി​ക്കോ​ട് മെ​ഡി​ക്ക​ൽ കോ​ള​ജി​ൽ ഫാ​ക്ക​ൽ​റ്റി​ക​ളും ജീ​വ​ന​ക്കാ​രും കു​റ​ഞ്ഞാ​ൽ അ​നു​ഭ​വി​ക്കേ​ണ്ടി​വ​രു​ന്ന ബു​ദ്ധി​മു​ട്ട് വ​ള​രെ വ​ലു​താ​യി​രി​ക്കും. അ​തു​പോ​ലെ മ​റ്റു കോ​ള​ജു​ക​ളി​ലേ​തും. 273 ത​സ്തി​ക​ക​ളാ​ണ് നി​ല​വി​ൽ ഉ​ക്കി​ന​ടു​ക്ക​യി​ൽ സൃ​ഷ്ടി​ച്ചി​രി​ക്കു​ന്ന​ത്. കൂ​ടു​ത​ൽ നി​യ​മ​ന​ങ്ങ​ൾ ആ​വ​ശ്യ​മു​ണ്ട്. ഇ​തി​നു​ള്ള ശി​പാ​ർ​ശ​ക​ൾ പോ​യി​ട്ടു​മു​ണ്ട്.

99 ഫാ​ക്ക​ൽ​റ്റി​ക​ൾ​ത​ന്നെ വേ​ണം. ഇ​പ്പോ​ൾ 38 പേ​രെ​യാ​ണ് സ്ഥ​ലം മാ​റ്റ​ത്തി​ലൂ​ടെ നി​യ​മി​ച്ചി​ട്ടു​ള്ള​ത്. കാ​സ​ർ​കോ​ട് മെ​ഡി​ക്ക​ൽ കോ​ള​ജി​ൽ അ​ധി​ക​മാ​യി 50 അ​ധ്യാ​പ​ക ത​സ്തി​ക​ക​ളും എ​ട്ട് സീ​നി​യ​ർ റെ​സി​ഡ​ന്റ് ത​സ്തി​ക​ക​ളും വ​യ​നാ​ട് മെ​ഡി​ക്ക​ൽ കോ​ള​ജി​ൽ 17 അ​ധ്യാ​പ​ക ത​സ്തി​ക​ക​ളും 10 സീ​നി​യ​ർ റെ​സി​ഡ​ന്റ് ത​സ്തി​ക​ക​ളും​കൂ​ടി സൃ​ഷ്ടി​ക്കേ​ണ്ട​തു​ണ്ട്. ഇ​വ എ​ൻ.​എം.​സി മാ​ന​ദ​ണ്ഡ​ങ്ങ​ൾ പാ​ലി​ക്കാ​നാ​വ​ശ്യ​മാ​യ കു​റ​ഞ്ഞ ത​സ്തി​ക​ക​ളാ​ണ്. രോ​ഗി​ക​ളു​ടെ വ​ർ​ധി​ച്ചു​വ​രു​ന്ന ഭാ​രം പ​രി​ഗ​ണി​ക്കു​മ്പോ​ൾ കൂ​ടു​ത​ൽ ത​സ്തി​ക​ക​ൾ അ​നി​വാ​ര്യ​മാ​ണ്.

"താ​ൽ​ക്കാ​ലി​ക സ്ഥ​ലം​മാ​റ്റ​ങ്ങ​ൾ മെ​ഡി. കോ​ള​ജു​ക​ൾ​ക്ക് ഗു​ണംചെ​യ്യി​ല്ല'

താ​ൽ​ക്കാ​ലി​ക സ്ഥ​ലം​മാ​റ്റ​ങ്ങ​ൾ പു​തി​യ കോ​ള​ജു​ക​ൾ​ക്ക് ഒരു ഗു​ണ​വും ചെ​യ്യു​ന്ന​ത​ല്ലെ​ന്ന് കേ​ര​ള ഗ​വ. മെ​ഡി​ക്ക​ൽ കോ​ള​ജ് ടീ​ച്ചേ​ഴ്സ് അ​സോ​സി​യേ​ഷ​ൻ. പ​ഴ​യ മെ​ഡി​ക്ക​ൽ കോ​ള​ജു​ക​ളി​ൽ അ​ധ്യാ​പ​ക ക്ഷാ​മം രൂ​ക്ഷ​മാ​യി ബാ​ധി​ച്ച് അ​വി​ടു​ത്തെ പി.​ജി കോ​ഴ്സു​ക​ളു​ടെ അം​ഗീ​കാ​രം വ​രെ ന​ഷ്ട​പ്പെ​ടാ​ൻ സാ​ധ്യ​ത​യു​ണ്ട്. രോ​ഗി​ക​ളു​ടെ ചി​കി​ത്സ​യെ ഗു​രു​ത​ര​മാ​യി ബാ​ധി​ക്കും. രോ​ഗി​ക​ളു​ടെ എ​ണ്ണ​മ​നു​സ​രി​ച്ച് മെ​ഡി​ക്ക​ൽ അ​ധ്യാ​പ​ക​രു​ടെ ത​സ്തി​ക​ക​ൾ വ​ർ​ധി​പ്പി​ച്ചി​ട്ടി​ല്ല.

ഓ​ർ​ത്തോ​പീ​ഡി​ക്സ്, ഗൈ​ന​ക്കോ​ള​ജി, ഡെ​ർ​മ​റ്റോ​ള​ജി തു​ട​ങ്ങി​യ വി​ഭാ​ഗ​ങ്ങ​ളി​ൽ 10 വ​ർ​ഷ​ത്തി​ലേ​റെ​യാ​യി നി​യ​മ​നം ന​ട​ന്നി​ട്ടി​ല്ല. പ​ല വി​ഭാ​ഗ​ങ്ങ​ളി​ലും ഒ​ഴി​വു​ക​ൾ ഇ​പ്പോ​ഴും നി​ക​ത്തി​യി​ട്ടി​ല്ല. ഈ ​പ്ര​ശ്ന​ങ്ങ​ൾ കെ.​ജി.​എം.​സി.​ടി.​എ പ​ല പ്രാ​വ​ശ്യം അ​ധി​കൃ​ത​രു​ടെ ശ്ര​ദ്ധ​യി​ൽ​പ്പെ​ടു​ത്തി​യി​രു​ന്നു. ഇ​പ്പോ​ൾ എ​ൻ.​എം.​സി. അം​ഗീ​കാ​രം ല​ഭി​ച്ച​തോ​ടെ താ​ൽ​ക്കാ​ലി​ക സ്ഥ​ലം​മാ​റ്റ​ങ്ങ​ളു​ടെ ആ​വ​ശ്യം തീ​ർ​ന്നി​ട്ടു​ണ്ട്. താ​ൽ​ക്കാ​ലി​ക സ്ഥ​ലം​മാ​റ്റ ഉ​ത്ത​ര​വു​ക​ൾ അ​ടി​യ​ന്ത​ര​മാ​യി പി​ൻ​വ​ലി​ക്ക​ണം, മാ​തൃ​സ്ഥാ​പ​ന​ങ്ങ​ളി​ലേ​ക്ക് അ​ധ്യാ​പ​ക​രെ ഉ​ട​ൻ​ത​ന്നെ തി​രി​ച്ച​യ​ക്ക​ണം, ആ​വ​ശ്യ​മാ​യ അ​ധ്യാ​പ​ക ത​സ്തി​ക​ക​ൾ യു​ദ്ധ​കാ​ലാ​ടി​സ്ഥാ​ന​ത്തി​ൽ സൃ​ഷ്ടി​ക്ക​ണം, പ്ര​മോ​ഷ​നു​ക​ളും പി.​എ​സ്.​സി നി​യ​മ​ന​ങ്ങ​ളും ഉ​ട​ൻ ന​ട​ത്ത​ണം.

അ​ധ്യാ​പ​ക​രു​ടെ​യും വി​ദ്യാ​ർ​ഥി​ക​ളു​ടെ​യും താ​മ​സ​സൗ​ക​ര്യ​ങ്ങ​ൾ മ​തി​യാ​യ രീ​തി​യി​ൽ ഒ​രു​ക്ക​ണം. മ​റ്റ് അ​ടി​സ്ഥാ​ന സൗ​ക​ര്യ​ങ്ങ​ളു​ടെ അ​പ​ര്യാ​പ്ത​ത​ക​ളും ഉ​ട​നെ പ​രി​ഹ​രി​ക്ക​ണം, ന​ഴ്‌​സു​മാ​ർ, ന​ഴ്സി​ങ് അ​സി​സ്റ്റ​ന്റു​മാ​ർ, ക്ലീ​നി​ങ് സ്റ്റാ​ഫ്, ക്ല​റി​ക്ക​ൽ സ്റ്റാ​ഫ് തു​ട​ങ്ങി ആ​വ​ശ്യ​മാ​യ എ​ല്ലാ അ​നു​ബ​ന്ധ ജീ​വ​ന​ക്കാ​രെ​യും നി​യ​മി​ക്ക​ണം. ആ​വ​ശ്യ​ങ്ങ​ളി​ൽ ഉ​ട​ൻ ന​ട​പ​ടി​യാ​യി​ല്ലെ​ങ്കി​ൽ കെ.​ജി.​എം.​സി.​ടി.​എ സ​മ​ര​ത്തി​ലേ​ക്ക് ക​ട​ക്കു​മെ​ന്ന് സം​സ്ഥാ​ന പ്ര​സി​ഡ​ന്റ് ഡോ. ​റോ​സ്നാ​ര ബീ​ഗം, ജ​ന. സെ​ക്ര​ട്ട​റി ഡോ. ​സി.​എ​സ്. അ​ര​വി​ന്ദ് എ​ന്നി​വ​ർ അ​റി​യി​ച്ചു.