ദേ​ശീ​യ​പാ​ത​യി​ൽ വി​ള്ള​ൽ ഉ​ണ്ടാ​യ ഭാ​ഗ​ത്ത് ക​ല​ക്ട​ർ സ​ന്ദ​ർ​ശ​നം ന​ട​ത്തു​ന്നു

ദേശീയപാതയിലെ ഉയരപാതയിൽ വീണ്ടും വിള്ളൽ

കൊ​ട്ടി​യം:​നി​ർ​മാ​ണം പൂ​ർ​ത്തി​യാ​യ ദേ​ശീ​യ​പാ​ത​യു​ടെ ഭാ​ഗ​മാ​യ ഉ​യ​ര​പാ​ത​യി​ൽ വീ​ണ്ടും വി​ള്ള​ൽ. പ​റ​ക്കു​ള​ത്തി​നും കൊ​ട്ടി​യം ജ​ങ്​​ഷ​നും ഇ​ട​യി​ൽ ഉ​യ​ര​പാ​ത​യു​ടെ വ​ട​ക്കു​വ​ശ​ത്തെ റോ​ഡി​ൽ ഏ​ക​ദേ​ശം നൂ​റ്റി​യ​മ്പ​തോ​ളം മീ​റ്റ​ർ നീ​ള​ത്തി​ലാ​ണ് റോ​ഡി​ൽ വ​ലി​യ വി​ള്ള​ൽ രൂ​പ​പ്പെ​ട്ട​ത്. ഇ​ക്ക​ഴി​ഞ്ഞ മെ​യ്​ അ​വ​സാ​നം റോ​ഡി​ൽ വി​ള്ള​ൽ ക​ണ്ടെ​ത്തി​യ​തി​നെ തു​ട​ർ​ന്ന് ക​രാ​റു​കാ​രെ​ത്തി ടാ​റും മി​ശ്രി​ത​വും കൊ​ണ്ട് അ​ട​ച്ച ഭാ​ഗ​ത്താ​ണ് വീ​ണ്ടും വി​ള്ള​ലു​ണ്ടാ​യ​ത്.

മേ​യ് 28ന് ​രാ​ത്രി​യി​ൽ നി​ർ​മാ​ണം പൂ​ർ​ത്തി​യാ​യി കി​ട​ക്കു​ന്ന ഉ​യ​ര​പാ​ത​യി​ൽ അ​റ്റ​കു​റ്റ​പ​ണി ന​ട​ക്കു​ന്ന​തു​ക​ണ്ട് പ്ര​ദേ​ശ​വാ​സി​ക​ൾ ന​ട​ത്തി​യ പ​രി​ശോ​ധ​ന​യി​ലാ​ണ് റോ​ഡി​ൽ വി​ള്ള​ലു​ണ്ടാ​യ ഭാ​ഗം അ​ട​ച്ച​നി​ല​യി​ൽ ക​ണ്ടെ​ത്തി​യ​ത്. ഏ​തോ മി​ശ്രി​തം ഉ​പ​യോ​ഗി​ച്ച് നീ​ള​ത്തി​ലു​ള്ള വി​ള്ള​ൽ അ​ട​ച്ച നി​ല​യി​ലാ​യി​രു​ന്നു. ഇ​തേ​സ്ഥ​ല​ത്ത്​ ത​ന്നെ​യാ​ണ് ക​ഴി​ഞ്ഞ​ത​വ​ണ വി​ള്ള​ലു​ണ്ടാ​യ​തി​നേ​ക്കാ​ൾ കൂ​ടു​ത​ൽ ദൂ​ര​ത്തി​ൽ ഇ​പ്പോ​ൾ വി​ള്ള​ലു​ണ്ടാ​യ​ത്.

റോ​ഡി​ൽ വീ​ണ്ടും വി​ള്ള​ലു​ണ്ടാ​യ വി​വ​രം പു​റ​ത്താ​യ​തോ​ടെ പ്ര​ദേ​ശ​വാ​സി​ക​ൾ വീ​ണ്ടും ഭീ​തി​യി​ലാ​യി. ക​ഴി​ഞ്ഞ ത​വ​ണ വി​ള്ള​ലു​ണ്ടാ​യ​പ്പോ​ൾ ക​ല​ക്ട​റു​ടെ നി​ർ​ദേ​ശ​പ്ര​കാ​രം ക​രാ​ർ ക​മ്പ​നി​യു​ടെ ഉ​ന്ന​ത​ർ സ്ഥ​ലം സ​ന്ദ​ർ​ശി​ച്ച് ആ​വ​ശ്യ​മാ​യ​ത്​ ചെ​യ്യാ​മെ​ന്ന് ഉ​റ​പ്പു​ന​ൽ​കി​യി​രു​ന്നു. വീ​ണ്ടും വി​ള്ള​ൽ ക​ണ്ട​തോ​ടെ പ്ര​തി​ഷേ​ധ​വും ശ​ക്ത​മാ​യി​ട്ടു​ണ്ട്. ഏ​താ​നും ദി​വ​സം​മു​മ്പ് ഉ​യ​ര​പാ​ത​യു​ടെ കോ​ൺ​ക്രീ​റ്റ് ലോ​ക്ക് വീ​ണ് സ്കൂ​ട്ട​ർ യാ​ത്ര​ക്കാ​രി​ക്ക് പ​രി​ക്കേ​റ്റ സം​ഭ​വം ഉ​ണ്ടാ​യ​തി​ന് പി​ന്നാ​ലെ​യാ​ണ് റോ​ഡി​ൽ വീ​ണ്ടും വി​ള്ള​ൽ ഉ​ണ്ടാ​യി​ട്ടു​ള്ള​ത്.

വി​ള്ള​ലു​ണ്ടാ​യ സം​ഭ​വം ജ​ന​പ്ര​തി​നി​ധി​ക​ൾ ഗൗ​ര​വ​ത്തോ​ടെ എ​ടു​ക്കു​ക​യും വി​ഷ​യ​ത്തി​ൽ ഇ​ട​പെ​ടു​ക​യും ചെ​യ്യ​ണ​മെ​ന്ന് വ്യാ​പാ​രി വ്യ​വ​സാ​യി ഏ​കോ​പ​ന സ​മി​തി കൊ​ട്ടി​യം യൂ​നി​റ്റ് സെ​ക്ര​ട്ട​റി ക​ബീ​റും റൈ​സി​ങ്​ കൊ​ട്ടി​യം ഭാ​ര​വാ​ഹി​ക​ളും ആ​വ​ശ്യ​പ്പെ​ട്ടു. ദേ​ശീ​യ​പാ​ത നി​ർ​മാ​ണ​ത്തി​ലെ സു​ര​ക്ഷാ​വീ​ഴ്ച​ക്കും അ​പാ​ക​ത​ക്കു​മെ​തി​രെ ബു​ധ​നാ​ഴ്ച യൂ​ത്ത് കോ​ൺ​ഗ്ര​സ് നേ​തൃ​ത്വ​ത്തി​ൽ കൊ​ട്ടി​യ​ത്ത് നി​ർ​മാ​ണം ന​ട​ക്കു​ന്ന ദേ​ശീ​യ​പാ​ത​യി​ൽ വാ​ഴ​വെ​ച്ച് പ്ര​തി​ഷേ​ധി​ച്ചി​രു​ന്നു.

ദേ​ശീ​യ​പാ​ത നി​ർ​മാ​ണ​വു​മാ​യി ബ​ന്ധ​പ്പെ​ട്ട് അ​ടി​ക്ക​ടി ഉ​ണ്ടാ​കു​ന്ന അ​പ​ക​ട​ങ്ങ​ളും സു​ര​ക്ഷാ വീ​ഴ്ച​ക​ളും കോ​ട​തി​യു​ടെ ശ്ര​ദ്ധ​യി​ൽ​പ്പെ​ടു​ത്തു​മെ​ന്ന് കൊ​ട്ടി​യം പൗ​ര​വേ​ദി പ്ര​സി​ഡ​ൻ​റ് അ​ഡ്വ. കൊ​ട്ടി​യം അ​ജി​ത് കു​മാ​ർ പ​റ​ഞ്ഞു.

കലക്ടർ സന്ദർശിച്ചു

കൊ​ട്ടി​യം: ദേ​ശീ​യ​പാ​ത​യി​ൽ വി​ള്ള​ൽ രൂ​പ​പ്പെ​ട്ട സ്ഥ​ലം ക​ല​ക്ട​റു​ടെ നേ​തൃ​ത്വ​ത്തി​ലു​ള്ള സം​ഘം സ​ന്ദ​ർ​ശി​ച്ചു. വ്യാ​ഴാ​ഴ്ച ഉ​ച്ച​ക്കു​ശേ​ഷ​മാ​ണ് ക​ല​ക്ട​ർ എ​ൻ. ദേ​വി​ദാ​സ് സ്ഥ​ലം സ​ന്ദ​ർ​ശി​ച്ച​ത്. കൊ​ട്ടി​യം പ​റ​ക്കു​ള​ത്തി​ന​ടു​ത്ത്​ ദേ​ശീ​യ​പാ​ത ഉ​യ​ര​പാ​ത​യി​ലാ​ണ് 150 മീ​റ്റ​റോ​ളം വി​ള്ള​ൽ രൂ​പ​പ്പെ​ട്ട​ത്.

ക​ഴി​ഞ്ഞ മെ​യ് അ​വ​സാ​ന​വാ​രം ഇ​വി​ടെ വി​ള്ള​ൽ രൂ​പ​പ്പെ​ട്ട​പ്പോ​ൾ ക​രാ​ർ ക​മ്പ​നി​യു​ടെ ഉ​ന്ന​ത​ർ സ്ഥ​ലം സ​ന്ദ​ർ​ശി​ച്ച് ആ​വ​ശ്യ​മാ​യ ന​ട​പ​ടി​ക​ൾ സ്വീ​ക​രി​ക്ക​ണ​മെ​ന്ന് ക​ല​ക്ട​ർ നി​ർ​ദ്ദേ​ശി​ച്ചി​രു​ന്നു. വീ​ണ്ടും ഇ​തേ​സ്ഥ​ല​ത്ത് ത​ന്നെ വി​ള്ള​ൽ രൂ​പ​പ്പെ​ട്ട​തി​നെ തു​ട​ർ​ന്നാ​ണ് ക​ല​ക്ട​ർ സ്ഥ​ല​ത്തു നേ​രി​ട്ടെ​ത്തി പ​രി​ശോ​ധ​ന ന​ട​ത്തി​യ​ത്.

Tags:    
News Summary - Cracks again on the National Highway's elevated road

വായനക്കാരുടെ അഭിപ്രായങ്ങള്‍ അവരുടേത്​ മാത്രമാണ്​, മാധ്യമത്തി​േൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്​പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്​. അത്തരം പ്രതികരണങ്ങൾ നിയമനടപടി നേരിടേണ്ടി വരും.