ഏ​ഴാം കൊ​ല്ലം പാ​ടം മ​റ​ച്ച സ്വ​ർ​ണ​മാ​ല ജാ​ന​കി​യെ തേ​ടി​യെ​ത്തി

പു​ൽ​പ​ള്ളി: ക​ഴി​ഞ്ഞ ദി​വ​സം ഉ​ച്ച​ക്കാ​ണ് പു​ൽ​പ​ള്ളി കാ​പ്പി​ക്കു​ന്ന് സ്വ​ദേ​ശി​യാ​യ ജാ​ന​കി മൂ​പ്പ​ത്തി​യു​ടെ ഫോ​ണി​ലേ​ക്ക് ഒ​രു വി​ളി വ​ന്ന​ത്. കു​റ​ച്ചു സ​മ​യം ക​ഴി​ഞ്ഞ​പ്പോ​ൾ മൂ​പ്പ​ത്തി​യു​ടെ വീ​ട്ടു​മു​റ്റ​ത്ത് വ​ർ​ഷ​ങ്ങ​ൾ​ക്കു​മു​മ്പ് തൊ​ഴി​ലു​റ​പ്പി​ൽ ഒ​പ്പം പ​ണി​യെ​ടു​ത്ത അ​യ​ൽ​വാ​സി പാ​റ​പ്പു​റ​ത്ത് ഔ​സേ​പ്പ​ച്ച​ൻ.

ത​ന്റെ കീ​ശ​യി​ൽ​നി​ന്ന് ഒ​രു മാ​ല പു​റ​ത്തെ​ടു​ത്ത് മൂ​പ്പ​ത്തി​യോ​ടൊ​രു ചോ​ദ്യം. ഈ ​മാ​ല ഓ​ർ​മ​യു​ണ്ടോ? ഒ​രു നി​മി​ഷം ജാ​ന​കി മൂ​പ്പ​ത്തി പ​ക​ച്ചു​പോ​യി. വ​ർ​ഷ​ങ്ങ​ൾ​ക്കു​മു​മ്പ് ത​നി​ക്ക് ന​ഷ്ട​പ്പെ​ട്ട ഒ​ന്ന​ര പ​വ​ൻ തൂ​ക്ക​മു​ള്ള സ്വ​ർ​ണ​മാ​ല.

ഏ​ഴു​വ​ർ​ഷം മു​മ്പ് 2018 മേ​യ് മാ​സ​ത്തി​ലാ​ണ് ജാ​ന​കി മൂ​പ്പ​ത്തി, അ​തു​വ​രെ തൊ​ഴി​ലു​റ​പ്പി​ൽ​നി​ന്നു ല​ഭി​ച്ച കൂ​ലി​യും പോ​ത്തി​നെ വി​റ്റു കി​ട്ടി​യ പ​ണ​വും ചേ​ർ​ത്ത് ഒ​ന്ന​ര പ​വ​ൻ തൂ​ക്ക​മു​ള്ള സ്വ​ർ​ണ​മാ​ല വാ​ങ്ങി​യ​ത്. കാ​പ്പി​ക്കു​ന്ന് പു​തി​യി​ടം മാ​ക്കു​റ്റി​യ​ലി​ലെ ത​ന്റെ ഉ​ന്ന​തി​യി​ലെ ആ​ർ​ക്കു​മി​ല്ലാ​ത്ത അ​ത്ര വ​ലു​പ്പ​ത്തി​ൽ ഒ​രു സ്വ​ർ​ണ​മാ​ല വാ​ങ്ങി അ​ണി​യ​ണ​മെ​ന്ന ആ​ഗ്ര​ഹ​മാ​യി​രു​ന്നു സാ​ധി​ച്ച​ത്.

മാ​ല ക​ണ്ട് എ​ല്ലാ​വ​രും അ​സൂ​യ​യോ​ടെ​യാ​ണ് ജാ​ന​കി​യെ നോ​ക്കി​യ​ത്. ഒ​രു​ദി​വ​സം തൊ​ഴി​ലു​റ​പ്പി​നി​ട​യി​ൽ ആ​രോ ചോ​ദി​ച്ച​പ്പോ​ഴാ​ണ് മാ​ല വീ​ണു​പോ​യ കാ​ര്യം എ​ല്ലാ​വ​രും അ​റി​യു​ന്ന​ത്. എ​ല്ലാ​യി​ട​ത്തും തി​ര​ഞ്ഞെ​ങ്കി​ലും മാ​ല കി​ട്ടി​യി​ല്ല. ക​ഴി​ഞ്ഞ ദി​വ​സം ഔ​സേ​പ്പ​ച്ച​ൻ സ​മീ​പ​വാ​സി​യു​ടെ കൃ​ഷി​യി​ട​ത്തി​ൽ അ​ട​യ്ക്ക പെ​റു​ക്കു​മ്പോ​ൾ പു​ല്ലു​ക​ൾ​ക്കി​ട​യി​ൽ എ​ന്തോ തി​ള​ങ്ങു​ന്ന​ത് ക​ണ്ടു നോ​ക്കി​യ​പ്പോ​ഴാ​ണ് സ്വ​ർ​ണ​മാ​ല കി​ട്ടു​ന്ന​ത്. ആ​ദ്യം ഗ്യാ​ര​ണ്ടി മാ​ല​യാ​ണെ​ന്നാ​ണ് ക​രു​തി​യ​ത്.

ക​ഴു​കി നോ​ക്കി​യ​പ്പോ​ൾ സ്വ​ർ​ണ​മാ​ല​യെ​ന്ന് ​തെ​ളി​ഞ്ഞു. അ​പ്പോ​ഴാ​ണ് വ​ർ​ഷ​ങ്ങ​ൾ​ക്കു​മു​മ്പ് ത​ന്നോ​ടൊ​പ്പം തൊ​ഴി​ലു​റ​പ്പി​ലു​ണ്ടാ​യി​രു​ന്ന ജാ​ന​കി മൂ​പ്പ​ത്തി​യെ ഓ​ർ​മ വ​ന്ന​ത്. ഉ​ട​ൻ​ത​ന്നെ വി​വ​രം ത​ന്റെ ഭാ​ര്യ നാ​ൻ​സി​യെ വി​ളി​ച്ച് അ​റി​യി​ച്ചു. തു​ട​ർ​ന്നാ​ണ് മാ​ല ജാ​ന​കി മൂ​പ്പ​ത്തി​യു​ടെ പ​ക്ക​ൽ വീ​ണ്ടു​മെ​ത്തി​ച്ചേ​ർ​ന്ന​ത്.

കാ​ല​ങ്ങ​ൾ​ക്കു​ശേ​ഷം അ​ഭി​മാ​ന​ത്തോ​ടെ മാ​ല വീ​ണ്ടും ക​ഴു​ത്തി​ല​ണി​ഞ്ഞ​പ്പോ​ൾ ജാ​ന​കി മൂ​പ്പ​ത്തി​ക്ക് സ​​ന്തോ​ഷ​ക്ക​ണ്ണീ​ർ. ഭ​ർ​ത്താ​വ് ക​രി​മ്പ​നും ഒ​റ്റ​വാ​ക്കി​ൽ പ​റ​ഞ്ഞു, എ​ല്ലാം ഒ​രു സ്വ​പ്നം പോ​ലെ...