യാ​ത്രക്കാർ കുറഞ്ഞു; തോണി സർവിസ്​ പ്രതിസന്ധിയിൽ

പു​ൽ​പ​ള്ളി: യാ​ത്ര ചെ​യ്യു​ന്ന​വ​രു​ടെ എ​ണ്ണം കു​റ​ഞ്ഞ​തോ​ടെ പെ​രി​ക്ക​ല്ലൂ​ർ ക​ട​വി​ൽ തോ​ണി സ​ർ​വി​സ് പ്ര​തി​സ​ന്ധി​യി​ൽ. ഇ​തോ​ടെ ആ​റ് തോ​ണി​ക​ളി​ലെ ജീ​വ​ന​ക്കാ​ർ​ക്ക് തൊ​ഴി​ൽ അ​വ​സ​രം കു​റ​ഞ്ഞു. പെ​രി​ക്ക​ല്ലൂ​ർ തോ​ണി​ക്ക​ട​വി​ൽ തോ​ണി സ​ർ​വി​സ്​ തു​ട​ങ്ങി​യി​ട്ട് ഒ​രു നൂ​റ്റാ​ണ്ടി​ലേ​റെ​യാ​യി. ക​ബ​നി​ക്ക് കു​റു​കെ പെ​രി​ക്ക​ല്ലൂ​രി​ൽ നി​ന്നും ക​ർ​ണാ​ട​ക​യി​ലെ ബൈ​ര​ക്കു​പ്പ​യി​ലേ​ക്കാ​ണ് തോ​ണി സ​ർ​വി​സ്.

ഒ​രു കാ​ല​ത്ത് ഇ​തു വ​ഴി​യാ​ണ് നൂ​റു​ക്ക​ണ​ക്കി​നാ​ളു​ക​ൾ ബൈ​ര​ക്കു​പ്പ​യി​ലെ​ത്തി മൈ​സൂ​ർ, ബാം​ഗ്ലൂ​ർ തു​ട​ങ്ങി​യ സ്ഥ​ല​ങ്ങ​ളി​ലേ​ക്ക് പോ​യി​രു​ന്ന​ത്. യാ​ത്ര സൗ​ക​ര്യ​ങ്ങ​ൾ കൂ​ടി​യ​തോ​ടെ തോ​ണി വ​ഴി സ​ഞ്ച​രി​ക്കു​ന്ന​വ​രു​ടെ എ​ണ്ണ​വും കു​റ​ഞ്ഞു. നി​ല​വി​ൽ വ​യ​നാ​ട്ടി​ൽ തോ​ണി സ​ർ​വി​സ്​ ഉ​ള്ള ഏ​ക മേ​ഖ​ല​യാ​ണി​ത്. തോ​ണി യാ​ത്ര ഇ​ഷ്​​ട​പ്പെ​ടു​ന്ന ആ​ളു​ക​ളും ക​ബ​നി​ന​ദി കാ​ണാ​നെ​ത്തു​ന്ന സ​ന്ദ​ർ​ശ​ക​രു​മെ​ല്ലാ​മാ​ണ് കൂ​ടു​ത​ലാ​യും തോ​ണി​യി​ൽ ക​യ​റു​ന്ന​ത്. ആ​ളു​ക​ളു​ടെ കു​റ​വ് വ​രു​മാ​ന​ത്തെ ബാ​ധി​ച്ച​താ​യി തോ​ണി​ക്ക​ട​ത്തു​കാ​ര​നാ​യ ശെ​ൽ​വ​ൻ പ​റ​ഞ്ഞു.

മ​ഴ​ക്കാ​ല​മാ​യ​തോ​ടെ പു​ഴ​യി​ൽ ജ​ല​നി​ര​പ്പ് ഉ​യ​ർ​ന്നി​ട്ടു​ണ്ട്. ഇ​ക്കാ​ര​ണ​ത്താ​ൽ തോ​ണി​യി​ൽ കേ​റി യാ​ത്ര​ചെ​യ്യാ​ൻ കൂ​ടു​ത​ൽ ആ​ളു​ക​ൾ ത​യാ​റാ​കു​ന്നു​മി​ല്ല. ബൈ​ര​ക്കു​പ്പ​യി​ൽ നി​ന്ന് പെ​രി​ക്ക​ല്ലൂ​രി​ലെ​ത്തി പ​ഠി​ക്കു​ന്ന കു​ട്ടി​ക​ളും ക​ർ​ഷ​ക തൊ​ഴി​ലാ​ളി​ക​ളു​മാ​ണ് തോ​ണി സ​ർ​വി​സി​ന് ഇ​പ്പോ​ൾ കൂ​ടു​ത​ലാ​യി ആ​ശ്ര​യി​ക്കു​ന്ന​ത്.