'വ​ക​തി​രി​വ് എ​ന്നൊ​രു വാ​ക്കു​ണ്ട്, അ​ത് യൂ​നി​വേ​ഴ്സി​റ്റി​യി​ൽ പ​ഠി​പ്പി​ക്കു​ന്ന​ത​ല്ല, ഓ​രോ​രു​ത്ത​രും ഉ​ണ്ടാ​ക്കി​യെ​ടു​ക്കേ​ണ്ട ശീ​ല​മാണ്'; അജിത് കുമാറിന്‍റെ ട്രാ​ക്ട​ർ യാ​ത്രക്കെതിരെ മന്ത്രി കെ. രാജൻ

തി​രു​വ​ന​ന്ത​പു​രം: ശ​ബ​രി​മ​ല സ​ന്നി​ധാ​ന​ത്തേ​ക്കും തി​രി​കെ​യും എ.​ഡി.​ജി.​പി എം.​ആ​ര്‍. അ​ജി​ത്കു​മാ​ർ ന​ട​ത്തി​യ ട്രാ​ക്ട​ർ യാ​ത്ര​യെ രൂ​ക്ഷ​മാ​യി വി​മ​ർ​ശി​ച്ച് മ​ന്ത്രി കെ. ​രാ​ജ​ൻ. മ​ല​യാ​ള​ത്തി​ൽ വ​ക​തി​രി​വ് എ​ന്നൊ​രു വാ​ക്കു​ണ്ടെ​ന്നും അ​ത് യൂ​നി​വേ​ഴ്സി​റ്റി​യി​ൽ പ​ഠി​പ്പി​ക്കു​ന്ന​ത​ല്ലെ​ന്നും ഓ​രോ​രു​ത്ത​രും ഉ​ണ്ടാ​ക്കി​യെ​ടു​ക്കേ​ണ്ട ശീ​ല​മാ​ണെ​ന്നും മ​ന്ത്രി ചൂ​ണ്ടി​ക്കാ​ട്ടി. പൂ​രം ക​ല​ക്ക​ലി​ൽ അ​ജി​ത്കു​മാ​റി​ന്‍റെ ഇ​ട​പെ​ട​ൽ സം​ബ​ന്ധി​ച്ച് അ​ന്വേ​ഷ​ണ ക​മീ​ഷ​ന് മൊ​ഴി ന​ൽ​കി​യി​ട്ടു​ണ്ട്. ആ ​മൊ​ഴി​ക​ളി​ൽ ഉ​റ​ച്ചു​നി​ൽ​ക്കു​ന്ന​താ​യും ആ​ഭ്യ​ന്ത​ര സെ​ക്ര​ട്ട​റി​യു​ടെ റി​പ്പോ​ർ​ട്ടി​നെ​ക്കു​റി​ച്ച് മാ​ധ്യ​മ​വാ​ർ​ത്ത​ക​ള​ല്ലാ​തെ കൂ​ടു​ത​ലൊ​ന്നും അ​റി​യി​ല്ലെ​ന്നും മ​ന്ത്രി മാ​ധ്യ​മ​ങ്ങ​ളോ​ട് പ​റ​ഞ്ഞു.

അതേസമയം, എം.​ആ​ർ. അ​ജി​ത്കു​മാ​റി​ന്റെ ശ​ബ​രി​മ​ല ട്രാ​ക്ട​ർ യാ​ത്ര​യി​ൽ ഡ്രൈ​വ​ര്‍ക്കെ​തി​രെ മാ​ത്രമാണ് പൊലീസ് കേ​സെടുത്തിരിക്കുന്നത്​. ട്രാ​ക്ട​ർ ഓ​ടി​ച്ച​ത് അ​ല​ക്ഷ്യ​മാ​യാ​ണെ​ന്ന് കാ​ട്ടി​യാ​ണ് പൊ​ലീ​സ് സേ​നാം​ഗ​മാ​യ ഡ്രൈ​വ​ർ​ക്കെ​തി​രെ ​പ​മ്പ പൊ​ലീ​സ്​ കേ​സെ​ടു​ത്ത​ത്. ജൂ​ലൈ 12ന് ​രാ​ത്രി പ​മ്പ​യി​ൽ​നി​ന്ന്​ ട്രാ​ക്ട​റി​ൽ മൂ​ന്നു​പേ​രെ ക​യ​റ്റി​യെ​ന്നും 13ന് ​ഉ​ച്ച​ക്ക് ഒ​ന്നി​ന്​ മ​ര​ക്കൂ​ട്ട​ത്തു​നി​ന്ന് ര​ണ്ടു​പേ​രെ ക​യ​റ്റി​യെ​ന്നും എ​ഫ്‌.​ഐ.​ആ​റി​ൽ പ​റ​യു​ന്നു.

അ​ല​ക്ഷ്യ​മാ​യി ജ​ന​ങ്ങ​ൾ​ക്ക് അ​പ​ക​ടം ഉ​ണ്ടാ​ക്കു​ന്ന രീ​തി​യി​ൽ വാ​ഹ​നം ഓ​ടി​ച്ചെ​ന്നും ഹൈ​കോ​ട​തി വി​ധി ലം​ഘി​ച്ച് ട്രാ​ക്ട​റി​ൽ ആ​ളെ ക​യ​റ്റി​യെ​ന്നും പ​റ​യു​ന്ന എ​ഫ്‌.​ഐ.​ആ​റി​ൽ ഇ​തി​ന്റെ സി.​സി ടി.​വി ദൃ​ശ്യ​ങ്ങ​ൾ ല​ഭി​ച്ചി​ട്ടു​ണ്ടെ​ന്നും ​വ്യ​ക്ത​മാ​ക്കി​യി​ട്ടു​ണ്ട്. മോ​ട്ടോ​ർ വാ​ഹ​ന നി​യ​മ​ങ്ങ​ൾ പ്ര​കാ​ര​മു​ള്ള വ​കു​പ്പു​ക​ളും ചു​മ​ത്തി​യി​ട്ടു​ണ്ട്. എ​ന്നാ​ൽ, എം.​ആ​ർ. അ​ജി​ത്കു​മാ​റി​നെ​ക്കു​റി​ച്ച് എ​ഫ്.​ഐ.​ആ​റി​ൽ പ​രാ​മ​ർ​ശ​മി​ല്ല.

ട്രാ​ക്ട​ർ പൊ​ലീ​സി​ന്‍റെ ഉ​ട​മ​സ്ഥ​ത​യി​ലു​ള്ള​താ​ണ്. സം​സ്ഥാ​ന പൊ​ലീ​സ് മേ​ധാ​വി ഉ​ട​മ​യാ​യ ഇ​ത്​ ഓ​ടി​ക്കു​ന്ന​തും പൊ​ലീ​സ്​ സേ​നാം​ഗ​മാ​ണ്. സം​ഭ​വ​ത്തി​ല്‍ കേ​സെ​ടു​ത്ത​താ​യി ബു​ധ​നാ​ഴ്ച സ​ര്‍ക്കാ​ര്‍ ഹൈ​കോ​ട​തി​യെ​യും അ​റി​യി​ച്ചി​രു​ന്നു. സി.​സി ടി.​വി ദൃ​ശ്യ​ങ്ങ​ൾ അ​ടി​സ്ഥാ​ന​പ്പെ​ടു​ത്തി സ്വ​മേ​ധ​യാ​യാ​ണ്​ കേ​സ്.

ന​വ​ഗ്ര​ഹ ക്ഷേ​ത്ര​പ്ര​തി​ഷ്ഠ ച​ട​ങ്ങു​ക​ൾ​ക്ക്​ ക​ഴി​ഞ്ഞ ദി​വ​സം ശ​ബ​രി​മ​ല ന​ട തു​റ​ന്ന​പ്പോ​ഴാ​യി​രു​ന്നു നി​യ​മം ലം​ഘി​ച്ച് എ.​ഡി.​ജി.​പി എം.​ആ​ര്‍. അ​ജി​ത്കു​മാ​ർ ട്രാ​ക്ട​ർ യാ​ത്ര ന​ട​ത്തി​യ​ത്. ട്രാ​ക്‌​ട​ർ ച​ര​ക്കു​നീ​ക്ക​ത്തി​നു​മാ​ത്ര​മേ ഉ​പ​യോ​ഗി​ക്കാ​വൂ​വെ​ന്നാ​യി​രു​ന്നു ഹൈ​കോ​ട​തി​യു​ടെ നി​ർ​ദേ​ശം. അ​ജി​ത്കു​മാ​ർ ഇ​ത് ലം​ഘി​ച്ചെ​ന്ന്​ സ്‌​പെ​ഷ​ൽ ക​മീ​ഷ​ണ​ർ ഹൈ​കോ​ട​തി​ക്ക്​ റി​പ്പോ​ർ​ട്ടും ന​ൽ​കി​യി​രു​ന്നു.

ട്രാ​ക്ട​റി​ൽ ക​യ​റി​യ​ശേ​ഷം ടാ​ർ​പോ​ളി​ൻ ഷീ​റ്റി​ട്ട് മ​റ​ച്ചാ​യി​രു​ന്നു യാ​ത്ര. ഇ​തി​ന്റെ ദൃ​ശ്യ​ങ്ങ​ൾ ചി​ല തീ​ർ​ഥാ​ട​ക​ർ മൊ​ബൈ​ലി​ൽ പ​ക​ർ​ത്തി​യി​രു​ന്നു. ഇ​വ​ർ ഇ​ക്കാ​ര്യം സ്‌​പെ​ഷ​ൽ ക​മീ​ഷ​ണ​റെ അ​റി​യി​ക്കു​ക​യാ​യി​രു​ന്നു. ദൃ​ശ്യ​ങ്ങ​ളും കൈ​മാ​റി. 12ന്​ ​രാ​ത്രി സ​ന്നി​ധാ​ന​ത്തേ​ക്ക് ദ​ർ​ശ​ന​ത്തി​നാ​യി ട്രാ​ക്ട​റി​ല്‍പോ​യ എം.​ആ​ര്‍. അ​ജി​ത്കു​മാ​ര്‍ പി​​റ്റേ​ന്ന്​ രാ​വി​ലെ തി​രി​ച്ചി​റ​ങ്ങി​യ​തും ഇ​തേ മാ​ര്‍ഗം ഉ​പ​യോ​ഗി​ച്ചാ​യി​രു​ന്നു.