കേഴുന്നു, ചെ​ങ്കൊടി നാട്ടിയ കുട്ടനാട്

ആ​ല​പ്പു​ഴ: ഒ​രു​കാ​ല​ത്ത് വി.​എ​സ്. അ​ച്യു​താ​ന​ന്ദ​ൻ സ​മ​ര​ത്തി​ന്‍റെ ചെ​ങ്ക​ന​ൽ​കൊ​ടി കു​ത്തി​യ ചെ​റു​ക​ര പാ​ട​ത്തി​ന്‍റെ ക​ര​യി​ൽ നാ​ല്​ വ​യോ​ധി​ക​ർ ഒ​ന്നി​ച്ചു​നി​ന്നു. മു​ന്നി​ലെ കൊ​ടി​മ​ര​ത്തി​ൽ ചെ​​ങ്കൊ​ടി പാ​തി താ​ഴ്ത്തി​ക്കെ​ട്ടി. അ​തി​നു മു​ക​ളി​ൽ ക​രി​​ങ്കൊ​ടി കെ​ട്ടി. നെ​ഞ്ചു​നീ​റി മു​ഷ്ടി ചു​രു​ട്ടി നി​റ​ഞ്ഞ ക​ണ്ണു​ക​ളോ​ടെ അ​വ​ർ വി​ളി​ച്ചു: ‘‘ഇ​ല്ല, സ​ഖാ​വേ മ​രി​ക്കു​ന്നി​ല്ല...’’

75 പി​ന്നി​ട്ട നാ​ലു​പേ​ർ കു​ട്ട​നാ​ടി​ന്‍റെ സ്വ​ന്തം പോ​രാ​ളി​യെ​ക്കു​റി​ച്ച്​ പ​റ​ഞ്ഞു​തു​ട​ങ്ങി. കു​ട്ട​നാ​ട്ടി​ൽ ക​ർ​ഷ​ക​രെ സം​ഘ​ടി​പ്പി​ക്കാ​ൻ പി. ​കൃ​ഷ്ണ​പി​ള്ള നി​യോ​ഗി​ച്ച​താ​യി​രു​ന്നു വി.​എ​സി​നെ. പൊ​ലീ​സി​ന്‍റെ ആ ​ന​ര​വേ​ട്ട​ക്കാ​ല​ത്ത്​ അ​ദ്ദേ​ഹം​ ഒ​ളി​വി​ൽ ക​ഴി​ഞ്ഞ​ത്​ നീ​ലം​പേ​രൂ​ർ ചെ​റു​ക​ര ഭാ​ഗ​ത്താ​യി​രു​ന്നു. കു​ന്നു​മ്മ​ൽ പാ​ട​ത്ത്​ ശ്രീ​ധ​ര​ൻ എ​ന്ന തൊ​ഴി​ലാ​ളി​യെ ജ​ന്മി​യു​ടെ ആ​ൾ​ക്കാ​ർ വെ​ട്ടി​ക്കൊ​ന്ന സംഭവം ​ 80കാ​ര​ൻ ശി​വ​രാ​മ​പി​ള്ള പ​റ​ഞ്ഞു. വി​വ​ര​മ​റി​ഞ്ഞ്​ കു​ന്നു​മ്മ​ൽ പാ​ട​ത്തേ​ക്ക്​ പാ​ഞ്ഞു​വ​ന്ന വി.​എ​സ്​ ആ​യി​രു​ന്നു പ​ത​റി​പ്പോ​കാ​തെ പി​ടി​ച്ചു​നി​ൽ​ക്കാ​ൻ ക​ർ​ഷ​ക​​​ത്തൊ​ഴി​ലാ​ളി​ക​ൾ​ക്ക്​ ആ​ത്മ​ധൈ​ര്യം ന​ൽ​കി​യ​ത്. മു​ഖ്യ​മ​ന്ത്രി​യാ​യ​ിരിക്കെ, ആ​ല​പ്പു​ഴ​യി​ൽ പാർട്ടി സം​സ്ഥാ​ന സ​മ്മേ​ള​നം ന​ട​ക്കു​ന്ന​തി​ന്​ തൊ​ട്ടു​മു​മ്പാ​യി​രു​ന്നു വി.​എ​സ്​ അ​വ​സാ​ന​മാ​യി കു​ട്ട​നാ​ട്ടി​ൽ വ​ന്ന​ത്.

‘‘വ​ഞ്ച​ന​യി​ല്ലാ​തെ ജീ​വി​ച്ച ധീ​ര​നാ​യ നേ​താ​വാ​യി​രു​ന്നു വി.​എ​സ്, ഇ​നി ഇ​ങ്ങ​നെ​യൊ​രു നേ​താ​വ്​ ഉ​ണ്ടാ​വു​ക​യി​ല്ല...’’ -കെ.​വി ച​ന്ദ്ര​നും എം.​കെ. ഭാ​സ്​​ക​ര​നും വി.​കെ. മ​ണി​യ​നും ശി​വ​രാ​മ​പി​ള്ള​യും ​പ​റ​യു​ന്നു. ‘‘ഞ​ങ്ങ​ൾ കു​ട്ട​നാ​ട്ടു​കാ​ർ നാ​ളെ ആ​ല​പ്പു​ഴ​യി​ലേ​ക്ക്​ പോ​കും. സ​ഖാ​വി​​നെ അ​വ​സാ​ന​മാ​യി ഒ​ന്നു കാ​ണ​ണം’’ -അ​വ​രു​​ടെ വാ​ക്കു​ക​ൾ കു​ട്ട​നാ​ട്ടു​കാ​രു​ടെ മു​ഴു​വ​ൻ വി​കാ​ര​മാ​ണ്​.