വി.എസിന്റെ സ്നേഹവും ‘രൂ​ക്ഷ​മാ​യ ​ആ​ക്ര​മ​ണവും’​ അനു​ഭ​വി​ച്ച ഒ​രാ​ളാ​ണ് ഞാ​ൻ -കെ.ഇ.എൻ

കോഴിക്കോട്: അന്തരിച്ച മുൻ മുഖ്യമ​ന്ത്രി വി.എസ് അച്യുതാനന്ദന്റെ സ്നേഹവും ‘രൂ​ക്ഷ​മാ​യ ​ആ​ക്ര​മ​ണ​വും’ അ​നു​ഭ​വി​ച്ച ഒരാളാണ് താ​നെന്ന് ഇടത് സാംസ്‌കാരിക പ്രവർത്തകനും എഴുത്തുകാരനുമായ കെ.ഇ.എൻ.  ‘സമരമായി തീർന്ന വീരസ്മരണകൾക്ക് ഒരാമുഖം’ എന്ന തലക്കെട്ടിൽ ‘മാധ്യമം’ വാരാദ്യമാധ്യമത്തിൽ എഴുതുന്ന 'ഇടപെടൽ' എന്ന കോളത്തിലാണ് ഈ രണ്ട് സംഭവങ്ങളും കെ.ഇ.ൻ വിവരിക്കുന്നത്.

‘വി.എസിന്റെ സ്നേഹം ഏറ്റവും കൂടുതൽ അനുഭവിക്കാൻ ഇടംകിട്ടിയ സാംസ്കാരിക പ്രവർത്തകരിൽ ഒരാളാണ് ഞാൻ എന്ന ആഹ്ലാദംകൂടി ഈയൊരു അനുസ്മരണ വേളയിൽ അടയാളപ്പെടുത്തേണ്ടതുണ്ട്. അ​ദ്ദേ​ഹം പാ​ർ​ട്ടി സെ​​ക്ര​ട്ട​റി​യാ​യി​രു​ന്ന കാ​ല​ത്ത്, കോ​ള​ജ് അ​ധ്യാ​പ​ക​ജോ​ലി ഒ​ഴി​വാ​ക്കി തി​രു​വ​ന​ന്ത​പു​ര​ത്ത് അ​തി​നേ​ക്കാ​ളും ‘മി​ക​ച്ചൊ​രു’ ഉത്തരവാദിത്തമുള്ള പ​ദ​വി​യി​ൽ പ്ര​വേ​ശി​ക്കാ​ൻ സ്നേ​ഹ​പൂ​ർ​വം ആ​വ​ശ്യ​പ്പെ​ട്ടി​രു​ന്നു. എ.​കെ.​​ജി സെ​ന്റ​റി​ൽ ഉ​ട​ൻ എ​ത്ത​ണം എ​ന്ന വി.​എ​സി​ന്റെ ‘ലൈ​റ്റ്നി​ങ് കാ​ൾ’ ആ​ഹ്ലാ​ദ​പ​രി​ഭ്ര​മ​ങ്ങ​ളാ​ണ് അ​ന്നു​ണ്ടാ​ക്കി​യ​ത്. സ്നേഹത്തോടെ ആ ഉത്തരവാദിത്തമേറ്റെടുക്കാനുള്ള വ്യക്തിപരമായ പ്രയാസം അന്നുഞാൻ അദ്ദേഹത്തെ ബോധ്യപ്പെടുത്താൻ ശ്രമിച്ചെങ്കിലും; വീ​ട്ടി​ൽപോ​യി ഒ​ന്നു​കൂ​ടി ആ​ലോ​ചി​ച്ചി​ട്ട് പ​റ​ഞ്ഞാ​ൽ മ​തി​യെ​ന്ന് വി.​എ​സ് പി​ന്നെ​യും പ​റ​ഞ്ഞു. ഇക്കാര്യം അധികമാർക്കുമറിയില്ല. മു​മ്പേ​തോ ഒ​ര​ഭി​മു​ഖ​ത്തി​ൽ ഇ​ക്കാ​ര്യം പ​റ​ഞ്ഞ​താ​യാ​ണ് ഓ​ർ​ക്കു​ന്ന​ത്.

എ​ന്നാ​ൽ, വി.​എ​സി​ന്റെ ‘രൂ​ക്ഷ​മാ​യ ​ആ​ക്ര​മ​ണ​വും’ അ​നു​ഭ​വി​ക്കേ​ണ്ടി​വ​ന്നി​ട്ടു​ള്ള​വ​രി​ൽ ഒ​രാ​ളാ​ണ് ഞാ​നെ​ന്ന​ത് സ​ർ​വ​ർ​ക്കു​മ​റി​യാം. കാരണം, അതിനുകിട്ടിയ മാധ്യമശ്രദ്ധ അസാധാരണമായിരുന്നു. സർവ ഫാഷിസ്റ്റുകളും, എന്നെപ്പോലെ ഒരധികാരവുമില്ലാത്ത പാവം സാംസ്കാരികപ്രവർത്തകനെ ആക്രമിക്കാനുള്ള നല്ലൊരവസരമാക്കി അരങ്ങുകൊഴുപ്പിച്ചു. അതുകൊണ്ടുതന്നെ അവർക്കെല്ലാവർക്കുംവേണ്ടി ‘വൈസ്രോയിമാർക്ക് വേണ്ടത് കുരങ്ങുസൂപ്പോ’ എന്നപേരിൽ ഒരു പുസ്തകം വഴിയാണ് അതിനോടുള്ള എന്റെ സർഗാത്മക സമര നിലപാടുകൾ ഞാൻ വ്യക്തമാക്കിയത്.

‘രാ​ഷ്ട്രീ​യ​ത്തി​ൽ ആ​ൾ​ദൈ​വ​ങ്ങ​ൾ ഉ​ണ്ടാ​വും വി​ധം’ എ​ന്ന എ​ന്റെ പ്ര​ബ​ന്ധ​മാ​ണ് വി.​എ​സി​ന് അ​ന്ന് പ്ര​കോ​പ​ന​മാ​യ​ത്. ആ ​പ്ര​കോ​പ​നം സൃ​ഷ്ടി​ച്ച വി​കാ​ര​വേ​ലി​യേ​റ്റ​ത്തി​ലാ​വ​ണം വി.​എ​സും ഞാ​നു​മ​ട​ങ്ങു​ന്ന​വ​ർ ഭൗതികവാദികൾ ‘ഒ​രേ​ക​ദേ​ശ മ​ട്ടി​ൽ’ ആ​ദി​പി​താ​വാ​യി ക​രു​തു​ന്ന ‘കു​ര​ങ്ങ​ൻ’ എ​നി​ക്കു​മാ​ത്ര​മാ​യി അ​ദ്ദേ​ഹം പ​തി​ച്ചു​ന​ൽ​കി​യ​ത്! എ​ന്നാ​ൽ, അ​തി​നോ​ടു​ള്ള എ​ന്റെ സ​ർ​ഗാ​ത്മ​ക പ്ര​തി​ക​ര​ണം ഒ​രു പു​സ്ത​ക​രൂ​പ​ത്തി​ൽ വ​ന്ന​തോ​ടു​കൂ​ടി​യാ​വ​ണം, ഒ​രു​റ​പ്പു​മി​ല്ല, അ​ദ്ദേ​ഹം അ​തു​വി​ട്ടു. ഞാ​നും അ​തു​വി​ട്ടു. പ​ക്ഷേ അ​പൂ​ർ​വം ചി​ല​രി​പ്പോ​ഴും ആ ​പൂ​ർ​വ​പി​താ​വി​നോ​ടു​ള്ള ആ​ദ​രം​കൊ​ണ്ടാ​വ​ണം അ​തി​ന്റെ വാ​ൽ വി​ട്ടി​ട്ടി​ല്ല. ഇ​ത്ര​യും പ​റ​യു​ന്ന​ത്, പ​ര​സ്പ​ര​മു​ള്ള വി​മ​ർ​ശ​ന​ങ്ങ​ൾ ആ​ദ​ര​വി​നെ അ​വ​സാ​നി​പ്പി​ക്കു​ക​യ​ല്ല, അ​തി​ന് വീ​ര്യം പ​ക​രു​ക​യാ​​ണെ​ന്ന് ഒ​രു പ്ര​തി​ബ​ദ്ധ​ത​യും കൂ​ടാ​തെ വെ​റു​തെ കാ, ​കൂ എ​ന്ന് പ​റ​ഞ്ഞ് കാ​ലം ക​ഴി​ക്കു​ന്ന​വ​രെ ഓ​ർ​മി​പ്പി​ക്കാ​നാ​ണ്’ -കെ.ഇ.എൻ എഴുതുന്നു.