ചുവന്നു തുടുത്ത് ചെടിപ്പാക്ക്; കാഴ്ചയിലും വിലയിലും കേമൻ

ചാ​മം​പ​താ​ൽ: ചു​വ​ന്നു തു​ടു​ത്ത് ഒ​റ്റ നോ​ട്ട​ത്തി​ൽ ചെ​റി​പ്പ​ഴം പോ​ലെ തോ​ന്നി​ക്കു​ന്ന ചെ​ടി​പ്പാ​ക്കി​ൻ കു​ല​ക​ൾ​ക്ക് പ്ര​ത്യേ​ക ഭം​ഗി​യാ​ണ്. മൈ​സൂ​ർ പാ​ക്ക് എ​ന്ന പേ​രി​ലും അ​റി​യ​പ്പെ​ടു​ന്ന കു​ഞ്ഞു പാ​ക്ക് ക​ർ​ഷ​ക​ന് സ​മ്മാ​നി​ക്കു​ന്ന​ത് ചെ​റു​ത​ല്ലാ​ത്ത വ​രു​മാ​നം. ചെ​ടി ക​മു​ക്, സി​ലോ​ൺ ക​മു​ക്, മൈ​സൂ​ർ ക​മു​ക് എ​ന്നി​ങ്ങ​നെ പേ​രു​ക​ളി​ല്‍ അ​റി​യ​പ്പെ​ടു​ന്ന ക​മു​ക്​ നി​റ​യെ ചെ​ടി​പ്പാ​ക്കി​ൻ കു​ല​ക​ൾ പ​ഴു​ത്തു നി​ൽ​ക്കു​ന്ന അ​പൂ​ർ​വ കാ​ഴ്ച കോ​ട്ട​യം ചി​റ​ക്ക​ട​വ് ക​ന്നു​കു​ഴി ത​ഴ​യ്ക്ക​വ​യ​ലി​ൽ രാ​ജേ​ന്ദ്ര​ൻ നാ​യ​രു​ടെ റ​ബ​ർ തോ​ട്ട​ത്തി​ലാ​ണ്.

ഒ​രു കി​ലോ ഉ​ണ​ങ്ങി​യ ചെ​ടി​പ്പാ​ക്കി​ന് ഇ​പ്പോ​ൾ 210 രൂ​പ വി​ല​യു​ണ്ട്. കി​ലോ​ക്ക് 400 രൂ​പ വ​രെ വി​ല കി​ട്ടി​യ സ​മ​യം ഉ​ണ്ടാ​യി​രു​ന്നു. കാ​ര്യ​മാ​യ പ​രി​പാ​ല​നം ഇ​ല്ലാ​തെ കി​ട്ടു​ന്ന​തി​നാ​ൽ ഇ​ത് ലാ​ഭ​ക​ര​മാ​ണെ​ന്നു രാ​ജേ​ന്ദ്ര​ൻ നാ​യ​ർ പ​റ​യു​ന്നു.

വ​ലി​യ കു​ല​ക​ളി​ൽ 1000 പാ​ക്ക്​ വ​രെ​യു​ണ്ടാ​കും. ഉ​ണ​ക്കി​യെ​ടു​ത്താ​ല്‍ ഒ​രു കി​ലോ​യോ​ളം ഉ​ണ​ക്ക പാ​ക്ക് വ​രും. വ​ട​ക്കേ ഇ​ന്ത്യ​യി​ലേ​ക്കാ​ണ് മൈ​സൂ​ര്‍ പാ​ക്ക് കൊ​ണ്ടു​പോ​കു​ന്ന​തെ​ന്ന് മ​ല​ഞ്ച​ര​ക്ക് വ്യാ​പാ​രി​ക​ൾ പ​റ​ഞ്ഞു. ദ​സ​റ ആ​ഘോ​ഷ​കാ​ല​ത്താ​ണ് ഇ​ത്ത​രം അ​ട​യ്ക്ക​ക്ക് വി​ല കൂ​ടു​ത​ല്‍ കി​ട്ടു​ന്ന​ത്. വ​ള​രെ ചെ​റി​യ പാ​ക്കി​ന്റെ തൊ​ണ്ട്​ നീ​ക്ക​ൽ സാ​ധാ​ര​ണ പാ​ക്ക് പൊ​ളി​ക്കു​ന്ന​തു​പോ​ലെ അ​ത്ര എ​ളു​പ്പ​മ​ല്ല. അ​തി​നും രാ​ജേ​ന്ദ്ര​ൻ നാ​യ​ര്‍ക്ക് എ​ളു​പ്പ​വ​ഴി​യു​ണ്ട്.

വീ​ട്ടി​ലെ പ​ഴ​യ ഗ്രൈ​ന്‍ഡ​റി​ലേ​ക്ക് ഉ​ണ​ങ്ങി​യ മൈ​സൂ​ര്‍ പാ​ക്ക് ഇ​ട്ട ശേ​ഷം ഇ​രു​മ്പ് പൈ​പ്പ് കൊ​ണ്ട് കു​ത്തി തൊ​ണ്ട് പൊ​ളി​ക്കും. പി​ന്നീ​ട് അ​ത് മു​റ​ത്തി​ലി​ട്ട് പേ​റ്റി പാ​ക്ക് വേ​ർ​തി​രി​ച്ചെ​ടു​ക്കും. ഇ​വ​യാ​ണ് മ​ല​ഞ്ച​ര​ക്ക് ക​ട​യി​ൽ കൊ​ടു​ക്കു​ന്ന​ത്. കി​ളി​ക​ള്‍ കൊ​ത്തി​ക്കൊ​ണ്ടി​ട്ട അ​ട​യ്ക്ക കി​ളി​ര്‍ത്താ​ണ് മി​ക്ക​വ​യും ഉ​ണ്ടാ​യ​തെ​ന്ന് രാ​ജേ​ന്ദ്ര​ൻ നാ​യ​ർ പ​റ​ഞ്ഞു. ഇ​പ്പോ​ൾ റ​ബ​ർ തോ​ട്ട​ത്തി​ൽ ഇ​ട​വി​ള പോ​ലെ ഈ ​ക​മു​കു​ക​ളാ​ണ്.

വ​രു​മാ​നം ക​ണ്ട​തോ​ടെ കു​റെ​യേ​റെ വി​ത്തു​പാ​കി തോ​ട്ട​ത്തി​ന്റെ അ​തി​രി​ലൂ​ടെ ന​ട്ടു​വ​ള​ര്‍ത്തി. വ​ര്‍ഷ​ത്തി​ലൊ​ന്ന് കോ​ഴി​വ​ളം ന​ൽ​കാ​റു​ണ്ട്. ഈ ​വ​ർ​ഷം കാ​യ്ക​ളി​ൽ കീ​ട ശ​ല്യം കാ​ണു​ന്നു​ണ്ട്. അ​ട​യ്​​ക്കാ കു​ല​ക​ളു​ടെ ഭം​ഗി​യും കു​റ​ഞ്ഞ പ​രി​പാ​ല​ന ചി​ല​വും ത​ര​ക്കേ​ടി​ല്ലാ​ത്ത വ​രു​മാ​ന​വും ക​ണ​ക്കി​ലെ​ടു​ക്കു​മ്പോ​ൾ ക​ഴി​യു​ന്ന​ത്ര ഈ ​കൃ​ഷി​യു​മാ​യി മു​ന്നോ​ട്ട് പോ​കു​വാ​നാ​ണ് ആ​ഗ്ര​ഹ​മെ​ന്ന് രാ​ജേ​ന്ദ്ര​ൻ നാ​യ​ർ പ​റ​യു​ന്നു.