മ​നു​ഷ്യാ​വ​കാ​ശ ഉ​ട​മ്പ​ടി​ക​ളി​ലു​ള്ള ഉ​റ​ച്ച വി​ശ്വാ​സം അ​ടി​വ​ര​യി​ട്ട് കു​വൈ​ത്ത്

കു​വൈ​ത്ത് സി​റ്റി: അ​ന്താ​രാ​ഷ്ട്ര മ​നു​ഷ്യാ​വ​കാ​ശ ക​ൺ​വെ​ൻ​ഷ​നു​ക​ളി​ലും ഉ​ട​മ്പ​ടി​ക​ളി​ലും അ​റ​ബ് മ​നു​ഷ്യാ​വ​കാ​ശ ചാ​ർ​ട്ട​റി​ലും കു​വൈ​ത്തി​ന്റെ പൂ​ർ​ണ വി​ശ്വാ​സം വ്യ​ക്ത​മാ​ക്കി മ​നു​ഷ്യാ​വ​കാ​ശ സ​ഹ​വി​ദേ​ശ​കാ​ര്യ മ​ന്ത്രി ശൈ​ഖ ജ​വ​ഹ​ർ ഇ​ബ്രാ​ഹിം ദു​ഐ​ജ് അ​സ്സ​ബാ​ഹ്. ചാ​ർ​ട്ട​ർ ക​മ്മി​റ്റി അം​ഗ​ങ്ങ​ളെ തി​ര​ഞ്ഞെ​ടു​ക്കു​ന്ന​തി​നു​ള്ള സം​വി​ധാ​നം സം​ബ​ന്ധി​ച്ച ച​ട്ട​ത്തി​ലെ ആ​ർ​ട്ടി​ക്ൾ 45ലെ ​ഖ​ണ്ഡി​ക പ​രി​ഷ്ക​രി​ക്കാ​നു​ള്ള യോ​ഗ​ത്തി​ൽ പ​ങ്കെ​ടു​ക്കു​ന്ന​തി​നി​ട​യി​ൽ പ്ര​തി​ക​രി​ക്കു​ക​യാ​യി​രു​ന്നു അ​വ​ർ.

ലി​ബി​യ​ൻ നി​ർ​ദേ​ശം പ​രി​ശോ​ധി​ക്കു​ന്ന​തി​നാ​യി കെ​യ്‌​റോ ആ​സ്ഥാ​ന​മാ​യു​ള്ള അ​റ​ബ് ലീ​ഗി​ലാ​ണ് യോ​ഗം ന​ട​ന്ന​ത്. അ​റ​ബ് ലീ​ഗി​ലെ 22 അം​ഗ​രാ​ജ്യ​ങ്ങ​ളെ​യും ക​മ്മി​റ്റി​യി​ൽ പ്ര​തി​നി​ധീ​ക​രി​ക്കു​ന്ന ത​ര​ത്തി​ൽ സം​വി​ധാ​നം ഭേ​ദ​ഗ​തി ചെ​യ്യു​ന്ന​തി​ലും ക​മ്മി​റ്റി​യി​ലെ 18 അം​ഗ​ങ്ങ​ളു​ടെ എ​ണ്ണം വ​ർ​ധി​പ്പി​ക്കു​ന്ന​തി​ലും അം​ഗ​രാ​ജ്യ​ങ്ങ​ൾ സ​മ​വാ​യ​ത്തി​ലെ​ത്തു​മെ​ന്ന് പ്ര​തീ​ക്ഷി​ക്കു​ന്ന​താ​യി ശൈ​ഖ ജ​വ​ഹ​ർ പ​റ​ഞ്ഞു.

രാ​ജ്യ​ങ്ങ​ൾ​ക്കി​ട​യി​ൽ സ​മ​വാ​യം പ്ര​തി​ഫ​ലി​പ്പി​ക്കു​ന്ന ത​ര​ത്തി​ൽ ച​ട്ടം പ​രി​ഷ്ക​രി​ക്ക​പ്പെ​ടു​മെ​ന്നും പ്ര​ത്യാ​ശ പ്ര​ക​ടി​പ്പി​ച്ചു. അ​റ​ബ് മേ​ഖ​ല​യി​ൽ മ​നു​ഷ്യാ​വ​കാ​ശ​ങ്ങ​ൾ പ്രോ​ത്സാ​ഹി​പ്പി​ക്കു​ന്ന​തി​നും രാ​ജ്യ​ങ്ങ​ളു​ടെ ക​ട​മ​ക​ൾ ന​ട​പ്പി​ലാ​ക്കു​ന്ന​തി​നും അ​റ​ബ് ചാ​ർ​ട്ട​ർ ക​മ്മി​റ്റി​യു​ടെ പ്രാ​ധാ​ന്യം ശൈ​ഖ ജ​വ​ഹ​ർ സൂ​ചി​പ്പി​ച്ചു. അ​റ​ബ് സം​യു​ക്ത പ്ര​വ​ർ​ത്ത​ന​ങ്ങ​ൾ പ്രോ​ത്സാ​ഹി​പ്പി​ക്കു​ന്ന​തി​ലും മു​ന്നോ​ട്ട് കൊ​ണ്ടു​പോ​കു​ന്ന​തി​ലും കു​വൈ​ത്ത് പ്ര​തീ​ക്ഷ പു​ല​ർ​ത്തു​ന്ന​താ​യും വ്യ​ക്ത​മാ​ക്കി.