റോ​ഡി​ലെ അ​നു​ഭ​വം ആ​ഘാ​ത​മാ​യി; ഏ​ഴ്​ വ​യ​സ്സു​കാ​ര​ന്​ താ​ങ്ങാ​യി പൊ​ലീ​സ്​

ഷാ​ർ​ജ: റോ​ഡി​ലു​ണ്ടാ​യ ദു​ര​നു​ഭ​വ​ത്തെ തു​ട​ർ​ന്ന്​ മാ​ന​സി​കാ​ഘാ​ത​ത്തി​ലാ​യ കു​ട്ടി​ക്ക്​ ക​രു​ത​ലാ​യി ഷാ​ർ​ജ പൊ​ലീ​സ്. ഖോ​ർ​ഫ​ക്കാ​നി​ൽ താ​മ​സി​ക്കു​ന്ന ഏ​ഴ്​ വ​യ​സ്സു​കാ​ര​നാ​ണ്​ അ​ധി​കൃ​ത​ർ ആ​ത്മ​വി​ശ്വാ​സം പ​ക​ർ​ന്ന്​ ഭ​യ​ത്തി​ൽ​നി​ന്ന്​ മോ​ചി​പ്പി​ച്ച​ത്. കു​ട്ടി കാ​ൽ​ന​ട​ക്കാ​ർ​ക്കു​ള്ള ഭാ​ഗ​ത്തു​കൂ​ടെ റോ​ഡ്​ മു​റി​ച്ചു​ക​ട​ക്കു​മ്പോ​ൾ അ​തി​വേ​ഗ​ത്തി​ൽ വ​ന്ന വാ​ഹ​നം ഇ​ടി​ക്കാ​ൻ നോ​ക്കു​ക​യാ​യി​രു​ന്നു. ത​ല​നാ​രി​ഴ​ക്ക്​ കു​ട്ടി അ​പ​ക​ട​ത്തി​ൽ​നി​ന്ന്​ ര​ക്ഷ​പ്പെ​ട്ടു. വാ​ഹ​നം റെ​ഡ്​ ലൈ​റ്റ്​ മ​റി​ക​ട​ന്ന്​ നി​യ​മ​വി​രു​ദ്ധ​മാ​യാ​ണ്​ വ​ന്നി​രു​ന്ന​ത്. അ​പ​ക​ട​ത്തി​ൽ​നി​ന്ന്​ ര​ക്ഷ​പ്പെ​ട്ടെ​ങ്കി​ലും കു​ട്ടി​ക്ക്​ ഇ​ത്​ വ​ലി​യ മാ​ന​സി​കാ​ഘാ​ത​മാ​യി. വീ​ട്ടി​ൽ​നി​ന്ന്​ പു​റ​ത്തി​റ​ങ്ങാ​ൻ പി​ന്നീ​ട്​ കു​ട്ടി വി​സ​മ്മ​തി​ച്ചു. ഇ​ക്കാ​ര്യം കു​ട്ടി​യു​ടെ മാ​താ​വ്​ പൊ​ലീ​സി​നെ അ​റി​യി​ക്കു​ക​യാ​യി​രു​ന്നു. ഇ​ക്കാ​ര്യം അ​റി​ഞ്ഞ അ​ധി​കൃ​ത​ർ പ്ര​ത്യേ​ക ടീ​മം​ഗ​ങ്ങ​ളെ വി​ഷ​യ​ത്തി​ൽ ഇ​ട​പെ​ടാ​ൻ നി​ശ്ച​യി​ക്കു​ക​യും കു​ട്ടി​യു​ടെ വീ​ട്ടി​ലെ​ത്തി​യ അ​ധി​കൃ​ത​ർ മാ​ന​സി​ക​മാ​യ പി​ന്തു​ണ ന​ൽ​കു​ന്ന രീ​തി​യി​ൽ ഇ​ട​പെ​ടു​ക​യു​മാ​യി​രു​ന്നു. കു​ട്ടി​യു​മാ​യി സം​സാ​രി​ക്കു​ക​യും സ​മ്മാ​ന​ങ്ങ​ൾ ന​ൽ​കു​ക​യും ചെ​യ്തു. അ​തോ​ടൊ​പ്പം പൊ​ലീ​സ്​ സ​ഹാ​യ​ത്തി​ൽ യാ​ത്ര ചെ​യ്യാ​നും അ​വ​സ​ര​മൊ​രു​ക്കി. ഇ​തോ​ടെ ചു​റ്റു​പാ​ടു​ക​ളി​ൽ ആ​ത്മ​വി​ശ്വാ​സ​വും സു​ര​ക്ഷി​ത​ത്വ ബോ​ധ​വും വ​ർ​ധി​ക്കു​ക​യും മാ​ന​സി​ക സ്ഥി​ര​ത കൈ​വ​രു​ക​യും ചെ​യ്തു.

അ​തേ​സ​മ​യം, കു​ട്ടി​ക്ക്​ ആ​ഘാ​ത​മാ​യ സം​ഭ​വ​ത്തി​ന്​ കാ​ര​ണ​മാ​യ ഡ്രൈ​വ​ർ​ക്കെ​തി​രെ നി​യ​മ​പ​ര​മാ​യ ന​ട​പ​ടി​ക​ൾ അ​ധി​കൃ​ത​ർ സ്വീ​ക​രി​ച്ചി​ട്ടു​ണ്ട്. വാ​ഹ​നം 30 ദി​വ​സ​ത്തേ​ക്ക്​ പി​ടി​ച്ചെ​ടു​ക്കു​ക​യും ചെ​യ്തു. റെ​ഡ്​ ലൈ​റ്റ്​ ക​ട​ന്നു​പോ​കു​ന്ന​ത്​ അ​ട​ക്ക​മു​ള്ള നി​യ​മ​ലം​ഘ​ന​ങ്ങ​ൾ അ​പ​ക​ട​ങ്ങ​ൾ​ക്ക്​ മാ​ത്ര​മ​ല്ല, കു​ട്ടി​ക​ൾ അ​ട​ക്ക​മു​ള്ള​വ​രി​ൽ മാ​ന​സി​കാ​ഘാ​ത​വും സൃ​ഷ്ടി​ക്കു​മെ​ന്ന്​ പൊ​ലീ​സ്​ മു​ന്ന​റി​യി​പ്പി​ൽ പ​റ​ഞ്ഞു.