ഡിജിറ്റൽ സർവകലാശാലയുടെ നേ​ട്ട​മാ​യി ആ​ഘോ​ഷി​ച്ച കെ. ചിപ്പും വിവാദത്തിൽ

തി​രു​വ​ന​ന്ത​പു​രം: കേ​ര​ള ഡി​ജി​റ്റ​ൽ സ​ർ​വ​ക​ലാ​ശാ​ല​യു​ടെ വ​ലി​യ നേ​ട്ട​മാ​യി ആ​ഘോ​ഷി​ച്ച കൈ​ര​ളി ചി​പ്പ്​ (കെ.​ചി​പ്പ്) വി​ക​സി​പ്പി​ച്ച​തി​ലും വി​വാ​ദം. സ​ർ​വ​ക​ലാ​ശാ​ല​യി​ലെ വി​വി​ധ പ​ദ്ധ​തി​ക​ളു​ടെ മ​റ​വി​ൽ ന​ട​ന്ന​താ​യി പ​റ​യു​ന്ന സാ​മ്പ​ത്തി​ക തി​രി​മ​റി​ക​ൾ അ​ന്വേ​ഷി​ക്കാ​ൻ ചാ​ൻ​സ​ല​റാ​യ ഗ​വ​ർ​ണ​ർ സി.​എ.​ജി​യെ ചു​മ​ത​ല​പെ​ടു​ത്തി​യ​തി​ന്​ പി​ന്നാ​ലെ​യാ​ണ് പു​തി​യ ആ​രോ​പ​ണം.

ഡി​ജി​റ്റ​ൽ സ​ർ​വ​ക​ലാ​ശാ​ല​ക്ക്​ സെ​മി​ക​ണ്ട​ക്ട​ർ ചി​പ്പു​ക​ൾ രൂ​പ​ക​ൽ​പ​ന ചെ​യ്യാ​നോ നി​ർ​മി​ക്കാ​നോ ആ​വ​ശ്യ​മാ​യ സാ​​ങ്കേ​തി​ക, അ​ടി​സ്ഥാ​ന സൗ​ക​ര്യ​ങ്ങ​ളി​ല്ലെ​ന്നും ഇ​തു​വ​രെ അം​ഗീ​കൃ​ത ശാ​സ്ത്രീ​യ പ​രി​ശോ​ധ​നാ വേ​ദി​ക​ളി​ൽ ചി​പ്പ്​ ഹാ​ജ​രാ​ക്കി​യി​ട്ടി​ല്ലെ​ന്നു​മാ​ണ്​ ആ​രോ​പ​ണം.

ഇ​ന്ത്യ​യെ ചി​പ്പ് നി​ർ​മാ​ണ​ത്തി​നു​ള്ള ആ​ഗോ​ള സെ​മി​ക​ണ്ട​ക്ട​ർ ഹ​ബ്ബാ​ക്കാ​നു​ള്ള കേ​ന്ദ്ര​സ​ർ​ക്കാ​ർ ശ്ര​മ​ങ്ങ​ൾ​ക്കി​ടെ, കേ​ര​ളം ക​ഴി​ഞ്ഞ വ​ർ​ഷം ത​ന്നെ ചി​പ്പ് നി​ർ​മാ​ണം ആ​രം​ഭി​ച്ചു​വെ​ന്ന വാ​ദ​ത്തി​ലും ഈ ​ക​ണ്ടെ​ത്ത​ൽ കേ​ന്ദ്ര​ത്തെ അ​റി​യി​ക്കാ​ത്ത​തി​ലും ദു​രൂ​ഹ​ത​യു​ണ്ട്.

സ​ർ​വ​ക​ലാ​ശാ​ല​യു​ടെ കെ.​ചി​പ്പ്​ നി​ർ​മാ​ണം സം​ബ​ന്ധി​ച്ച അ​വ​കാ​ശ​വാ​ദ​ങ്ങ​ളി​ൽ സ​മ​ഗ്ര അ​ന്വേ​ഷ​ണം ആ​വ​ശ്യ​പ്പെ​ട്ട് സേ​വ് യൂ​ണി​വേ​ഴ്സി​റ്റി കാ​മ്പ​യി​ൻ ക​മ്മി​റ്റി രം​ഗ​ത്തെ​ത്തു​ക​യും ഗ​വ​ർ​ണ​ർ​ക്ക് ക​ത്ത്​ ന​ൽ​കു​ക​യും ചെ​യ്തു.

ഡി​ജി​റ്റ​ൽ സ​ർ​വ​ക​ലാ​ശാ​ല​യും കേ​ര​ള സ​ർ​ക്കാ​റു​മാ​ണ് ഇ​ന്ത്യ​യി​ലാ​ദ്യ​മാ​യി ‘കൈ​ര​ളി ചി​പ്പ്’ നി​ർ​മി​ച്ച​താ​യി പ്ര​ഖ്യാ​പി​ച്ച​ത്. ഈ ​പ​ദ്ധ​തി​ക്ക് നേ​തൃ​ത്വം ന​ൽ​കി​യ ഡി​ജി​റ്റ​ൽ സ​ർ​വ​ക​ലാ​ശാ​ല​യി​ലെ പ്ര​ഫ. അ​ല​ക്സ് പാ​പ്പ​ച്ച​ൻ ജെ​യിം​സി​ന് മു​ഖ്യ​മ​ന്ത്രി​യു​ടെ കീ​ഴി​ലു​ള്ള ഇ​ൻ​ഫ​ർ​മേ​ഷ​ൻ ടെ​ക്നോ​ള​ജി വ​കു​പ്പ് 25 ല​ക്ഷം രൂ​പ പാ​രി​തോ​ഷി​ക​വും ന​ൽ​കി​യി​രു​ന്നു. കൈ​ര​ളി ചി​പ്പു​മാ​യി ബ​ന്ധ​പ്പെ​ട്ട് ഔ​ദ്യോ​ഗി​ക പ​രി​ശോ​ധ​നാ ഫ​ല​ങ്ങ​ളോ ശാ​സ്​​ത്രീ​യ സ്ഥി​രീ​ക​ര​ണ​ങ്ങ​ളോ ഇ​തു​വ​രെ പു​റ​ത്തു​വി​ട്ടി​ട്ടി​ല്ല.

ചി​പ്പി​ന്റെ ഡി​സൈ​ൻ ഔ​ദ്യോ​ഗി​ക​മാ​യി പ്ര​സി​ദ്ധീ​ക​രി​ക്കു​ക​യോ പേ​റ്റ​ന്റ് ല​ഭി​ക്കു​ക​യോ വാ​ണി​ജ്യ​പ​ര​മാ​യി ഉ​പ​യോ​ഗി​ക്ക​പ്പെ​ടു​ക​യോ ചെ​യ്തി​ട്ടി​ല്ലെ​ന്നും ഗ​വ​ർ​ണ​ർ​ക്ക്​ ന​ൽ​കി​യ ക​ത്തി​ൽ പ​റ​യു​ന്നു.

ഈ ​സാ​ഹ​ച​ര്യ​ത്തി​ൽ നി​ല​വി​ൽ ഗ​വ​ർ​ണ​ർ നി​ർ​ദേ​ശി​ച്ചി​രി​ക്കു​ന്ന അ​ന്വേ​ഷ​ണ​ത്തി​ന്‍റെ പ​രി​ധി​യി​ൽ കെ. ​ചി​പ്പു​മാ​യി ബ​ന്ധ​പ്പെ​ട്ട ഇ​ട​പാ​ടു​ക​ളും ഉ​ൾ​പ്പെ​ടു​ത്ത​ണ​മെ​ന്നും സേ​വ് യൂ​ണി​വേ​ഴ്സി​റ്റി കാ​മ്പ​യി​ൻ ക​മ്മി​റ്റി ആ​വ​ശ്യ​പ്പെ​ട്ടു.

ഡിജിറ്റൽ സർവകലാശാല രണ്ടാംഘട്ട കാമ്പസിന്​ 28 ഏക്കർ ഭൂമി

തി​രു​വ​ന​ന്ത​പു​രം: കേ​ര​ള ഡി​ജി​റ്റ​ൽ സ​ർ​വ​ക​ലാ​ശാ​ല​യു​ടെ ര​ണ്ടാം​ഘ​ട്ട ക്യാ​മ്പ​സ് നി​ർ​മാ​ണ​ത്തി​നാ​യി മേ​ൽ​തോ​ന്ന​യ്ക്ക​ൽ, അ​ണ്ടൂ​ർ​ക്കോ​ണം പ​ഞ്ചാ​യ​ത്തു​ക​ളി​ലു​ൾ​പ്പെ​ട്ട 28 ഏ​ക്ക​ർ ഭൂ​മി കൈ​മാ​റാ​ൻ മ​ന്ത്രി​സ​ഭാ യോ​ഗം തീ​രു​മാ​നി​ച്ചു.

തി​രു​വ​ന​ന്ത​പു​രം പ​ള്ളി​പ്പു​റ​​ത്തെ​ ടെ​ക്നോ​പാ​ർ​ക്ക് നാ​ലാം ഘ​ട്ട (ടെ​ക്നോ​സി​റ്റി) വി​ക​സ​ന​ത്തി​നാ​യി ഏ​റ്റെ​ടു​ക്കാ​ൻ വി​ജ്ഞാ​പ​നം ചെ​യ്തി​രു​ന്ന 507 ഏ​ക്ക​ർ ഭൂ​മി​യി​ൽ നി​ന്നാ​ണ് ഇ​ത് കൈ​മാ​റു​ക.

ഭാ​വി​യി​ൽ ഉ​ണ്ടാ​യേ​ക്കാ​വു​ന്ന എ​ല്ലാ ഭൂ​മി ഏ​റ്റെ​ടു​ക്ക​ലും പു​ന​ര​ധി​വാ​സ​വും (എ​ൽ.​എ.​ആ​ർ) ബാ​ധ്യ​ത​ക​ളും ഡി​ജി​റ്റ​ൽ സ​ർ​വ​ക​ലാ​ശാ​ല വ​ഹി​ക്കു​മെ​ന്ന നി​ബ​ന്ധ​ന​യി​ലാ​ണ് ഭൂ​മി​യു​ടെ ഉ​ട​മ​സ്ഥാ​വ​കാ​ശം ഫ്രീ ​ഹോ​ൾ​ഡാ​യി സ​ർ​വ​ക​ലാ​ശാ​ല​ക്ക്​ കൈ​മാ​റു​ക. ഭൂ​മി​യു​ടെ​യും അ​തി​ലു​ള്ള നി​ർ​മി​തി​ക​ളു​ടെ​യും മേ​ൽ സ​ർ​വ​ക​ലാ​ശാ​ല​ക്ക്​ സ​മ്പൂ​ർ​ണ അ​ധി​കാ​രം ഉ​റ​പ്പാ​ക്കു​ന്ന രീ​തി​യി​ലാ​യി​രി​ക്കും കൈ​മാ​റ്റം. ഇ​തി​നാ​യി ടെ​ക്നോ​പാ​ർ​ക്കി​ന് 21.81 കോ​ടി രൂ​പ അ​നു​വ​ദി​ക്കാ​നും മ​ന്ത്രി​സ​ഭാ​യോ​ഗം തീ​രു​മാ​നി​ച്ചു.