അംഗൻവാടി സക്ഷം പദ്ധതി; ഉപകരണങ്ങൾ വാങ്ങിയതിൽ അഴിമതി

പാ​ല​ക്കാ​ട്: ‘സ​ക്ഷം’ പ​ദ്ധ​തി​യു​ടെ ഭാ​ഗ​മാ​യി അം​ഗ​ൻ​വാ​ടി​ക​ളി​ലേ​ക്ക് ഉ​പ​ക​ര​ണ​ങ്ങ​ൾ വാ​ങ്ങി​യ​തി​ൽ കൊ​ല്ല​ങ്കോ​ട് ഐ.​സി.​ഡി.​എ​സ് പ്രൊ​ജ​ക്ടി​ൽ വ്യാ​പ​ക അ​ഴി​മ​തി ന​ട​ന്നെ​ന്ന് ആ​രോ​പ​ണം. അം​ഗ​ൻ​വാ​ടി കം ​ക്ര​ഷു​ക​ളി​ലേ​ക്ക് ആ​വ​ശ്യ​മാ​യ ക​ളി​യു​പ​ക​ര​ണ​ങ്ങ​ൾ, പാ​ത്ര​ങ്ങ​ൾ, വാ​ട്ട​ർ പ്യൂ​രി​ഫ​യ​ർ, മ്യൂ​സി​ക് പ്ലെ​യ​ർ, ഗ്യാ​സ് സ്റ്റൗ, ​മാ​റ്റു​ക​ൾ തു​ട​ങ്ങി​യ സാ​മ​ഗ്രി​ക​ൾ വാ​ങ്ങി​യ​തി​ൽ 50 ല​ക്ഷ​ത്തോ​ളം രൂ​പ​യു​ടെ ക്ര​മ​ക്കേ​ട് ന​ട​ന്ന​താ​യാ​ണ് ആ​രോ​പ​ണം.

അ​ഴി​മ​തി സം​ബ​ന്ധി​ച്ച് വ​ട​ക്ക​ഞ്ചേ​രി ക​ണ്ണ​മ്പ്ര സ്വ​ദേ​ശി വി​വ​രാ​വ​കാ​ശ നി​യ​മ​പ്ര​കാ​രം ശേ​ഖ​രി​ച്ച രേ​ഖ​ക​ൾ സ​ഹി​തം ജി​ല്ല ഐ.​സി.​ഡി.​എ​സ് പ്രൊ​ജ​ക്ട് ഓ​ഫി​സ​ർ​ക്ക് പ​രാ​തി ന​ൽ​കി. അം​ഗ​ൻ​വാ​ടി​ക​ളി​ൽ മെ​ച്ച​പ്പെ​ട്ട അ​ടി​സ്ഥാ​ന സൗ​ക​ര്യ​ങ്ങ​ൾ ഉ​റ​പ്പാ​ക്കാ​നു​ള്ള ‘സ​ക്ഷം’ കേ​ന്ദ്ര​പ​ദ്ധ​തി​യി​ൽ ക​ളി​യു​പ​ക​ര​ണ​ങ്ങ​ളും മ​റ്റും വാ​ങ്ങാ​ൻ ഒ​രു അം​ഗ​ൻ​വാ​ടി​ക്ക് ഒ​രു ല​ക്ഷം രൂ​പ​യാ​ണ് സ​ർ​ക്കാ​ർ ന​ൽ​കു​ന്ന​ത്. ജി​ല്ല​യി​ൽ ആ​കെ 21 ഐ.​സി.​ഡി.​എ​സു​ക​ളു​ണ്ട്. കൊ​ല്ല​ങ്കോ​ട് ഐ.​സി.​ഡി.​എ​സി​ന് കീ​ഴി​ൽ മാ​ത്രം 171 അം​ഗ​ൻ​വാ​ടി​ക​ളു​ണ്ട്.

ഇ​തി​ൽ 142 അം​ഗ​ൻ​വാ​ടി​ക​ളി​ലേ​ക്കാ​യി 1.42 കോ​ടി രൂ​പ​യു​ടെ ഫ​ണ്ടാ​ണ് സ​ക്ഷം പ​ദ്ധ​തി​യി​ൽ അ​നു​വ​ദി​ച്ച​ത്. സം​സ്ഥാ​ന​ത്തെ മു​ഴു​വ​ൻ ഐ.​സി.​ഡി.​എ​സു​ക​ളി​ലും ബ്ലോ​ക്ക് പ്രൊ​ക്വ​ർ​മെ​ന്‍റ് ക​മ്മി​റ്റി​ക​ളു​ടെ പ​രി​ശോ​ധ​ന​ക്ക് വി​ധേ​യ​മാ​യി ടെ​ൻ​ഡ​റു​ക​ൾ ക്ഷ​ണി​ച്ച് സു​താ​ര്യ​മാ​യി വാ​ങ്ങ​ലു​ക​ൾ ന​ട​ത്താ​നാ​ണ് സ​ർ​ക്കാ​ർ ഉ​ത്ത​ര​വ്. എ​ന്നാ​ൽ ഇ​ത്ത​ര​ത്തി​ൽ ടെ​ൻ​ഡ​ർ വി​ളി​ക്കു​ന്ന​തി​ന് പ​ക​രം ഡ​യ​റ​ക്ട് പ​ർ​ച്ചേ​സ് എ​ന്ന രീ​തി​യി​ലൂ​ടെ മു​ൻ​നി​ശ്ച​യി​ച്ച സ്ഥാ​പ​ന​ങ്ങ​ളെ തെ​ര​ഞ്ഞെ​ടു​ക്കു​ക​യാ​ണ് ചെ​യ്ത​തെ​ന്നാ​ണ് ആ​രോ​പ​ണം.

25,000 രൂ​പ​ക്ക് മു​ക​ളി​ലു​ള്ള ഏ​തൊ​രു നേ​രി​ട്ടു​ള്ള വാ​ങ്ങ​ലു​ക​ളും നി​യ​മ​വി​രു​ദ്ധ​മാ​ണ്. ഉ​പ​ക​ര​ണ​ങ്ങ​ൾ ഒ​രു​മി​ച്ച് നി​യ​മ​വി​രു​ദ്ധ​മാ​യി വാ​ങ്ങു​ന്ന​ത് ശ്ര​ദ്ധ​യി​ൽ​പെ​ടാ​തി​രി​ക്കാ​ൻ ഒ​രു ഇ​നം ത​ന്നെ മൂ​ന്നും നാ​ലും ത​വ​ണ​ക​ളാ​യാ​ണ് വാ​ങ്ങി​യി​രി​ക്കു​ന്ന​ത്. വ​കു​പ്പ് അ​നു​മ​തി ന​ൽ​കാ​ത്ത ഇ​ന​ങ്ങ​ളാ​ണ് ഭൂ​രി​ഭാ​ഗ​വും വാ​ങ്ങി​യി​രി​ക്കു​ന്ന​തെ​ന്നും രേ​ഖ​ക​ളി​ലു​ണ്ട്. സ​ർ​ക്കാ​ർ സ്ഥാ​പ​ന​ങ്ങ​ൾ​ക്ക് സാ​ധ​ന​ങ്ങ​ൾ വാ​ങ്ങു​ന്ന​തി​നു​ള്ള ‘ജെം ​പോ​ർ​ട്ട​ലി’​നെ മ​റ​യാ​ക്കി​യാ​ണ് വാ​ങ്ങ​ലു​ക​ൾ ന​ട​ത്തി​യ​ത്‌.

എ​ന്നാ​ൽ നി​ല​വി​ൽ ജെം ​പോ​ർ​ട്ട​ലി​ലൂ​ടെ പ​ർ​ച്ചേ​സ് ന​ട​ത്താ​ൻ വ​നി​ത ശി​ശു വി​ക​സ​ന വ​കു​പ്പി​ന്‍റെ ഉ​ത്ത​ര​വി​ലും അ​ഡ്മി​നി​സ്ട്രേ​റ്റീ​വ് ഉ​ത്ത​ര​വി​ലും അ​നു​മ​തി ന​ൽ​കി​യി​ട്ടി​ല്ല. സ്റ്റോ​ർ പ​ർ​ച്ചേ​സ് മാ​നു​വ​ലി​ൽ നി​ഷ്ക​ർ​ഷി​ക്കു​ന്ന മാ​ന​ദ​ണ്ഡ​ങ്ങ​ൾ ലം​ഘി​ച്ചാ​ണ് പ​ർ​ച്ചേ​സ് ന​ട​ത്തി​യി​രി​ക്കു​ന്ന​ത്. അം​ഗ​ൻ​വാ​ടി​ക​ളി​ലേ​ക്കു​ള്ള മ്യൂ​സി​ക് പ്ലെ​യ​ർ, വാ​ട്ട​ർ പ്യൂ​രി​ഫ​യ​ർ, പെ​ൻ​ഡ്രൈ​വ്, മാ​റ്റു​ക​ൾ തു​ട​ങ്ങി​യ​വ​യെ​ല്ലാം വി​പ​ണി​യി​ൽ ഉ​ള്ള​തി​നേ​ക്കാ​ളും ഇ​ര​ട്ടി തു​ക​ക്കാ​ണ് ഓ​ർ​ഡ​ർ ചെ​യ്തി​രി​ക്കു​ന്ന​ത്.

പ​ല​തും ആ​വ​ശ്യ​ത്തി​ൽ കൂ​ടു​ത​ലും വാ​ങ്ങി​യി​ട്ടു​ണ്ട്. എ​ന്നാ​ൽ ഓ​ർ​ഡ​ർ ചെ​യ്തി​രി​ക്കു​ന്ന​തും അം​ഗ​ൻ​വാ​ടി​ക​ളി​ലെ​ത്തി​ച്ചി​രി​ക്കു​ന്ന​തും വേ​റെ വേ​റെ ക​മ്പ​നി​ക​ളു​ടെ ഉ​പ​ക​ര​ണ​ങ്ങ​ളാ​ണ്. എ​ട്ടോ​ളം ഇ-​ടെ​ൻ​ഡ​ർ അ​ല്ലെ​ങ്കി​ൽ ജെം ​പോ​ർ​ട്ട​ൽ മു​ഖേ​ന ടെ​ൻ​ഡ​ർ വി​ളി​ച്ചു പ​ർ​ച്ചേ​സ് ചെ​യ്യേ​ണ്ട ഇ​ന​ങ്ങ​ളെ 40 ഓ​ളം പ​ർ​ച്ചേ​സു​ക​ളാ​ക്കി നി​യ​മ​വി​രു​ദ്ധ​മാ​യാ​ണ് വാ​ങ്ങ​ൽ ന​ട​പ​ടി​ക​ൾ സ്വീ​ക​രി​ച്ചി​രി​ക്കു​ന്ന​ത്. ബ്ലോ​ക്ക് ത​ല സാ​മ്പി​ൾ പ​രി​ശോ​ധ​ന ന​ട​ത്താ​തെ​യാ​ണ് ല​ക്ഷ​ങ്ങ​ളു​ടെ ഉ​പ​ക​ര​ണ​ങ്ങ​ൾ വി​പ​ണി നി​ര​ക്കി​നേ​ക്കാ​ളും ജെം ​പോ​ർ​ട്ട​ലി​ൽ ല​ഭ്യ​മാ​യ നി​ര​ക്കി​നേ​ക്കാ​ളും അ​മി​ത​വി​ല​ക്ക് വാ​ങ്ങി​യി​ട്ടു​ള്ള​ത്.

കൂ​ടാ​തെ ഒ​രു ഇ​നം ത​ന്നെ വ്യ​ത്യ​സ്ത നി​ര​ക്കി​ൽ വ്യ​ത്യ​സ്ത പാ​ർ​ട്ടി​ക​ൾ​ക്ക് ഒ​രേ സ​മ​യം ഓ​ർ​ഡ​റു​ക​ളും ന​ൽ​കി​യി​ട്ടു​ണ്ട്. ഇ​തി​ൽ​നി​ന്നും ത​ന്നെ അ​ഴി​മ​തി വ്യ​ക്ത​മാ​ണെ​ന്ന് ക​ണ്ണ​മ്പ്ര സ്വ​ദേ​ശി പ​റ​യു​ന്നു. കൊ​ല്ല​ങ്കോ​ട് ഐ.​സി.​ഡി.​എ​സി​ലെ മു​ഴു​വ​ൻ പ​ർ​ച്ചേ​സു​ക​ളും വ​നി​ത ശി​ശു വി​ക​സ​ന വ​കു​പ്പി​ന്റെ​യും സ്റ്റോ​ർ പ​ർ​ച്ചേ​സ് ഉ​ത്ത​ര​വു​ക​ളെ​ല്ലാം ലം​ഘി​ച്ചാ​ണ് ന​ട​ന്നി​ട്ടു​ള്ള​ത്. ഇ​തു സം​ബ​ന്ധി​ച്ച് പാ​ല​ക്കാ​ട് ജി​ല്ല പ്രോ​ഗ്രാം ഓ​ഫി​സ​ർ​ക്ക് പ​രാ​തി​ക​ൾ ന​ൽ​കി​യി​രു​ന്നെ​ങ്കി​ലും ന​ട​പ​ടി​യു​ണ്ടാ​യി​ല്ലെ​ന്നും അ​ദ്ദേ​ഹം പ​റ​ഞ്ഞു.