ഇ​നി എ​ന്നാ​ണ് വി​ദ്യാ​ല​യ​ങ്ങ​ൾ ഭി​ന്ന​ശേ​ഷി സൗ​ഹൃ​ദ​മാ​വു​ക...?

വെ​ള്ള​മു​ണ്ട: ഇ​നി എ​ന്നാ​ണ് വി​ദ്യാ​ല​യ​ങ്ങ​ൾ ഭി​ന്ന​ശേ​ഷി സൗ​ഹൃ​ദ​മാ​വു​ക എ​ന്ന ചോ​ദ്യം എ​ല്ലാ അ​ധ്യ​യ​ന​വ​ർ​ഷ​വും ​ഉ​യ​രു​ക​യാ​ണ്. വി​ദ്യാ​ല​യ​ങ്ങ​ൾ ഹൈ​ടെ​ക്കാ​യി​ട്ടും ഇ​ന്നും ക്ലാ​സ് മു​റി​ക​ളും ബാ​ത്റൂ​മു​ക​ളും ഭി​ന്ന​ശേ​ഷി സൗ​ഹൃ​ദ​മാ​യി​ട്ടി​ല്ല. ഇ​തോ​ടെ പൊ​തു​വി​ദ്യാ​ല​യ​ങ്ങ​ളി​ൽ​നി​ന്ന് ഭി​ന്ന​ശേ​ഷി വി​ദ്യാ​ർ​ഥി​ക​ൾ അ​ക​ലു​ക​യാ​ണ്.

ഭി​ന്ന​ശേ​ഷി വി​ദ്യാ​ർ​ഥി​ക​ൾ​ക്ക് ക്ലാ​സ് മു​റി​യി​ൽ ക​യ​റു​ന്ന​തി​നാ​യി ​ച​രി​ഞ്ഞ ന​ട​പ്പാ​ത​ക​ൾ ഉ​ണ്ടാ​വ​ണം. കൂ​ടാ​തെ, ഇ​വ​രു​ടെ പ്രാ​ഥ​മി​ക കൃ​ത്യ​ത്തി​നു​ള്ള ബാ​ത്റൂം സൗ​ക​ര്യ​ങ്ങ​ളു​മൊ​രു​ക്ക​ണം എ​ന്ന​താ​ണ് ച​ട്ടം. ജി​ല്ല​യി​ൽ വി​ര​ലി​ലെ​ണ്ണാ​വു​ന്ന വി​ദ്യാ​ല​യ​ങ്ങ​ളി​ൽ മാ​ത്ര​മാ​ണ് പേ​രി​നെ​ങ്കി​ലും ഭി​ന്ന​ശേ​ഷി ശൗ​ചാ​ല​യ​ങ്ങ​ളു​ള്ള​ത്. ബ​ഹു​ഭൂ​രി​പ​ക്ഷം വി​ദ്യാ​ല​യ​ങ്ങ​ളി​ലും പൊ​തു ബാ​ത്റൂ​മും ടോ​യ് ല​റ്റു​മാ​ണ് ഇ​പ്പോ​ഴു​മു​ള്ള​ത്.

ഭി​ന്ന​ശേ​ഷി വി​ദ്യാ​ർ​ഥി​ക​ൾ​ക്ക് ന​ട​ന്നു​പോ​കാ​ൻ പാ​ക​ത്തി​ലു​ള്ള വ​ഴി​യും അ​വ​ർ​ക്ക് പ്ര​യാ​സ​മി​ല്ലാ​തെ ഉ​പ​യോ​ഗി​ക്കാ​ൻ ക​ഴി​യും​വി​ധം താ​ഴ്ത്തി യൂ​റോ​പ്യ​ൻ ക്ലോ​സ​റ്റു​മ​ട​ക്കം നി​ർ​മി​ച്ച ബാ​ത്റൂം ഉ​ണ്ടാ​യി​രി​ക്ക​ണം. ഈ ​ബാ​ത്റൂ​മു​ക​ൾ തി​രി​ച്ച​റി​യും​വി​ധം നെ​യിം​ബോ​ർ​ഡും സ്ഥാ​പി​ക്ക​ണം.

ഭി​ന്ന​ശേ​ഷി സൗ​ഹൃ​ദം പ​റ​യു​ന്ന​വ​ർ ഇ​ത് പാ​ലി​ക്കു​ന്നി​ല്ലെ​ന്നു മാ​ത്ര​മ​ല്ല, ഇ​ത്ത​രം വി​ദ്യാ​ർ​ഥി​ക​ളെ പ​രി​ഗ​ണി​ക്കു​ക​കൂ​ടി ചെ​യ്യു​ന്നി​ല്ലെ​ന്നാ​ണ് ആ​രോ​പ​ണം. ഭി​ന്ന​ശേ​ഷി സൗ​ഹൃ​ദ ബാ​ത്റൂ​മി​ല്ലാ​ത്ത കെ​ട്ടി​ട​ങ്ങ​ൾ​ക്ക് ഫി​റ്റ്ന​സ് ന​ൽ​ക​രു​തെ​ന്നും നി​യ​മം പ​റ​യു​ന്നു​ണ്ട്. ജി​ല്ല​യി​ലെ പ​ല വി​ദ്യാ​ല​യ​ങ്ങ​ളി​ലും പു​തു​താ​യി നി​ർ​മി​ച്ച കെ​ട്ടി​ട​ങ്ങ​ളി​ൽ​പോ​ലും ഭി​ന്ന​ശേ​ഷി സൗ​ഹൃ​ദ ബാ​ത്റൂ​മി​ല്ലെ​ന്ന് അ​ധ്യാ​പ​ക​രും വി​ദ്യാ​ർ​ഥി​ക​ളും പ​റ​യു​ന്നു.

ത്രി​ത​ല പ​ഞ്ചാ​യ​ത്ത് അ​ധി​കൃ​ത​രാ​ണ് കെ​ട്ടി​ട​ങ്ങ​ൾ​ക്ക് ഫി​റ്റ്ന​സ് ന​ൽ​കു​ന്ന​ത്. എ​ന്നാ​ൽ, നി​യ​മ​ങ്ങ​ൾ പാ​ലി​ക്കാ​തെ​യാ​ണ് ഫി​റ്റ്ന​സും കെ​ട്ടി​ട പെ​ർ​മി​റ്റും ന​ൽ​കു​ന്ന​തെ​ന്ന് ആ​ക്ഷേ​പ​മു​ണ്ട്. ഇ​ത് ഭി​ന്ന​ശേ​ഷി വി​ദ്യാ​ർ​ഥി​ക​ളോ​ട് ചെ​യ്യു​ന്ന നീ​തി​കേ​ടാ​ണ്. എ​ന്നാ​ൽ, പ​രാ​തി​ക​ളി​ല്ലെ​ന്ന ന്യാ​യം പ​റ​ഞ്ഞ് അ​ധി​കൃ​ത​രും ഇ​ത് അ​വ​ഗ​ണി​ക്കു​ക​യാ​ണ് പ​തി​വ്.

പൊ​തു​വി​ദ്യാ​ല​യ​ങ്ങ​ളി​ൽ പ​ഠ​ന​ത്തി​നെ​ത്തു​ന്ന ഭി​ന്ന​ശേ​ഷി വി​ദ്യാ​ർ​ഥി​ക​ൾ പ്രാ​ഥ​മി​ക സൗ​ക​ര്യ​മി​ല്ലാ​ത്ത​തി​നാ​ൽ പ​ഠ​നം നി​ർ​ത്തു​ക​യോ ബ​ഡ്സ് സ്കൂ​ളു​ക​ളി​ലേ​ക്ക് മാ​റു​ക​യോ ചെ​യ്യു​ന്ന​താ​ണ് മു​ൻ​വ​ർ​ഷ​ങ്ങ​ളി​ലെ പ​തി​വ്.

പ​ഞ്ചാ​യ​ത്ത് അ​ടി​സ്ഥാ​ന​ത്തി​ൽ ഭി​ന്ന​ശേ​ഷി വി​ദ്യാ​ർ​ഥി​ക​ൾ നി​ര​വ​ധി​യു​ണ്ടെ​ങ്കി​ലും പൊ​തു​വി​ദ്യാ​ല​യ​ങ്ങ​ളി​ൽ ഇ​വ​രെ കാ​ണാ​ത്ത​തി​നു പി​ന്നി​ലെ കാ​ര​ണ​വും മ​റ്റൊ​ന്ന​ല്ല. ഭി​ന്ന​ശേ​ഷി വി​ദ്യാ​ർ​ഥി​ക​ളെ ഉ​ൾ​ക്കൊ​ള്ളാ​നു​ള്ള അ​വ​ബോ​ധം മ​റ്റു വി​ദ്യാ​ർ​ഥി​ക​ൾ​ക്ക് ന​ൽ​കു​ന്നി​ല്ലെ​ന്ന പ​രാ​തി​ക്കും പ​തി​റ്റാ​ണ്ടു​ക​ളു​ടെ പ​ഴ​ക്ക​മു​ണ്ട്.