ബാണാസുരയിൽ മീനൊഴുക്ക്, പുറത്ത് ആളൊഴുക്ക്

വെ​ള്ള​മു​ണ്ട: ബാ​ണാ​സു​ര സാ​ഗ​റി​ന്റെ ഷ​ട്ട​റു​ക​ൾ കൂ​ടു​ത​ൽ ഉ​യ​ർ​ത്തി​യ​തോ​ടെ സ​മീ​പ​ത്തെ പു​ഴ​ക​ളി​ൽ മീ​ൻ​ചാ​ക​ര. വെ​ള്ള​ത്തി​ന്റെ കു​ത്തൊ​ഴു​ക്കി​ൽ ഒ​ഴു​കി​വ​രു​ന്ന മീ​ൻ​പി​ടി​ക്കു​ന്ന​തി​നാ​യി നൂ​റു​ക​ണ​ക്കി​ന് ആ​ളു​ക​ളാ​ണ് എ​ത്തു​ന്ന​ത്. ര​ണ്ട് ഷ​ട്ട​ർ 75 സെ​ന്റീ​മീ​റ്റ​ർ ഉ​യ​ർ​ത്തി​യ​തോ​ടെ വ​ലി​യ മീ​നു​ക​ൾ വെ​ള്ള​ത്തി​നൊ​പ്പം പു​റ​ത്തേ​ക്കൊ​ഴു​കി വ​രു​ന്നു. ഇ​വ​യെ വ​ല​യി​ലാ​ക്കു​ന്ന​തി​നാ​യി സ​മീ​പ​ത്തെ പു​ഴ​യു​ടെ ഇ​രു​ക​ര​ക​ളി​ലും രാ​വി​ലെ മു​ത​ൽ പ്ര​ദേ​ശ​വാ​സി​ക​ളും പു​റ​ത്ത് നി​ന്നെ​ത്തു​ന്ന​വ​രും കാ​ത്തു​നി​ൽ​ക്കു​ക​യാ​ണ്. പ്ര​ദേ​ശ​ത്ത് മീ​ൻ​പി​ടിത്തം മു​മ്പെ ത​ന്നെ നി​രോ​ധി​ച്ചി​ട്ടു​ണ്ടെ​ങ്കി​ലും

റോ​ഡും പു​ഴ​യും മീ​ൻ​പി​ടു​ത്ത​ക്കാ​രെ​യും കാ​ഴ്ച​ക്കാ​രെ​യും കൊ​ണ്ട് നി​റ​യു​ക​യാ​ണ് എ​ല്ലാ ദി​വ​സ​വും. ഷ​ട്ട​റി​ന​രി​കി​ലെ പു​ഴ​യി​ലേ​ക്ക് ഇ​റ​ങ്ങു​ന്ന​തി​ന് നി​യ​ന്ത്ര​ണം ഉ​ണ്ടെ​ങ്കി​ലും ക​ര​യി​ൽ​നി​ന്ന് മീ​ൻ വ​രു​ന്ന​ത് നോ​ക്കി നി​ന്ന് ഓ​ടി​യി​റ​ങ്ങി മീ​ൻ​പി​ടി​ച്ച് ക​യ​റു​ക​യാ​ണ് ആ​ളു​ക​ൾ. പ​ത്ത് കി​ലോ​യി​ല​ധി​കം തൂ​ക്കം വ​രു​ന്ന വ​ലി​യ മീ​നു​ക​ൾ വ​രെ പ​ല​ർ​ക്കും ല​ഭി​ക്കു​ന്നു​ണ്ട്.

ചെ​മ്പ​ല്ലി, ക​ട്ല, റോ​ഗ് തു​ട​ങ്ങി മീ​നു​ക​ളാ​ണു​ള്ള​ത്. ഫി​ഷ​റീ​സ് വ​കു​പ്പ് പ​ല സ​മ​യ​ത്ത് ഡാ​മി​ൽ നി​ക്ഷേ​പി​ച്ച മീ​നു​ക​ളാ​ണി​ത്. ഡാ​മി​ന്റെ ഷ​ട്ട​ർ തു​റ​ന്ന​ത് അ​റി​ഞ്ഞ് പ്ര​ദേ​ശ​വാ​സി​ക​ളും ജി​ല്ല​യു​ടെ വി​വി​ധ ഭാ​ഗ​ങ്ങ​ളി​ൽ ന്ന് ​നി​ന്നും, സ​മീ​പ ജി​ല്ല​യി​ൽ നി​ന്ന​ട​ക്കം നൂ​റു​ക​ണ​ക്കി​ന് ആ​ളു​ക​ളാ​ണ് മീ​ൻ​പി​ടി​ക്കാ​നെ​ത്തി​യ​ത്. നീ​ന്തിപ്പിടി​ക്കു​ന്ന മീ​ൻ 1000 മു​ത​ൽ 2500 രൂ​പ​ക്ക് വ​രെ​യാ​ണ് വി​ൽ​ക്കു​ന്ന​ത്.