ഷംനാസ്
വെള്ളമുണ്ട: ലഹരി കേസിൽ ജാമ്യത്തിലിറങ്ങിയയാളുടെ വീട്ടിൽനിന്ന് എം.ഡി.എം.എ കണ്ടെടുത്തു. കെല്ലൂർ അഞ്ചാം മൈൽ പി. ഷംനാസിന്‍റെ (30) വീട്ടിൽ നടത്തിയ പരിശോധനയിലാണ് എം.ഡി.എം.എ പിടിച്ചെടുത്തത്. ഇയാളെ വെള്ളമുണ്ട പൊലീസ് അറസ്റ്റ് ചെയ്തു. 0.07 ഗ്രാം എം.ഡി.എം.എയാണ് കണ്ടെടുത്തത്. ഉപയോഗിക്കുന്നതിനുള്ള ഗ്ലാസ് ട്യൂബും പിടിച്ചെടുത്തു. ഒന്നര വർഷം മുമ്പ് 2.33 ഗ്രാം എം.ഡി.എം.എയുമായി നടക്കൽ ജംങ്ഷനിൽവെച്ച് പിടിയിലായ കേസിലാണ് ഇയാൾ ജാമ്യത്തിലിറങ്ങിയത്.
ഇയാൾ സ്ഥിരം സിന്തറ്റിക്ക് ലഹരി ഉപയോഗിക്കുന്നയാളും വിൽപന നടത്തുന്നയാളുമാണ്. സബ്‌ ഇൻസ്പെക്ടർമാരായ ടി.കെ. മിനിമോൾ, വിനോദ് ജോസഫ്, എ.എസ്.ഐ വിൽമ ജൂലിയറ്റ്, സി.പി.ഒ ലാൽകൃഷ്ണൻ എന്നിവരാണ് സംഘത്തിലുണ്ടായിരുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.