എസ്​.ബി.​െഎ ഇടപാടുകൾക്കുള്ള പുതിയ നിരക്കുകൾ നിലവിൽ വന്നു

മുംബൈ: രാജ്യത്തെ പ്രമുഖ പൊതുമേഖല ബാങ്കായ എസ്​.ബി.​െഎ ഒാൺലൈൻ, എ.ടി.എം ഇപാടുകൾക്ക്​ ചുമത്തുന്ന പുതിയ നിരക്കുകൾ ഇന്ന് മുതൽ​ നിലവിൽ വന്നു. എസ്​.ബി.​െഎയുടെ മൊബൈൽ വാലറ്റായ ബഡ്ഡി ഉപയോഗിക്കുന്നവർക്കും മറ്റ്​ ഒാൺലൈൻ ഇടപാടുകൾക്കുമാണ്​ പുതിയ നിരക്കുകൾ ബാധകമാവുക.

മൊബൈൽ വാലറ്റായ ബഡ്ഡി ഉപഭോക്​താക്കൾ ഇൗ സംവിധാനം ഉപയോഗിച്ച്​ എ.ടി.എമ്മുകളിൽ നിന്ന്​ പണം പിൻവലിക്കു​​േമ്പാൾ ഒാരോ ഇടപാടുകൾക്കും 25 രൂപ നൽകണം. മുമ്പ്​ ഇത്​ എല്ലാ എ.ടി.എം ഇടപാടുകൾക്കും ബാധകമാക്കി എസ്​.ബി.​െഎ സർക്കുലർ പുറത്തിറക്കിയിരുന്നു. പിന്നീട്​ കേരളം പോലുള്ള സംസ്ഥാനങ്ങളിൽ നിന്ന്​ പ്രതിഷേധം ഉയർന്ന സാഹചര്യത്തിൽ വിവാദ സർക്കുലറിൽ എസ്​.ബി.​െഎ മാറ്റം വരുത്തുകയായിരുന്നു.

ബേസിക്​സ്​ സേവിങ്​ അക്കൗണ്ട്​ ഉടമകൾക്കും എസ്​.ബി.​െഎ ചാർജ്​ ചുമത്തുന്നുണ്ട്​. എ.ടി.എമ്മുകളിൽ നിന്നും ​ബാങ്കി​​െൻറ ശാഖകളിൽ നിന്നും ഇവർ നാല്​ തവണയിൽ കൂടുതൽ പണം പിൻവലിച്ചാൽ പിഴ ചുമത്തും. സീറോ ബാലൻസിൽ പ്രാഥമിക ഇടപാടുകൾക്കായി ആരംഭിച്ചിട്ടുള്ള അക്കൗണ്ടുകളാണ്​ ബേസിക്​സ്​ സേവിങ്​സ്​ അക്കൗണ്ട്​. എ.ടി.എം കാർഡ്​, പ്രതിമാസ സ്​റ്റേറ്റ്​മ​െൻറ്​, ചെക്ക്​ബുക്ക്​ എന്നിവയും ഇൗ അക്കൗണ്ട്​ ഉടമകൾക്ക്​ ലഭ്യമാക്കുന്നുണ്ട്​. മറ്റ്​ അക്കൗണ്ട്​ ഉടമകൾക്ക്​ എ.ടി.എം ഇടപാടുകൾക്ക്​ നിലവിലുള്ള രീതി തന്നെ തുടരും.

ഒാൺലൈനിലൂടെ പണം കൈമാറുന്നതിനും എസ്​.ബി.​െഎ ചാർജ്​ ചുമത്തും. 1 ലക്ഷം വരെയുള്ള ഇടപാടുകൾക്ക്​ 5 രൂപയും സേവനനികുതിയും, രണ്ട്​ ലക്ഷം വരെയുള്ള  ഇടപാടുകൾക്ക്​ 15 രൂപയും സേവനനികുതിയും, രണ്ട്​ ലക്ഷത്തിന്​ മുകളിലുള്ള ഇടപാടുകൾക്ക്​ 25 രൂപയും സേവനനികുതിയും ഉപഭോക്​താകൾ നൽകേണ്ടി വരും.

എസ്​.ബി.​െഎയിൽ ചെക്ക്​ ബുക്ക്​ ലഭിക്കുന്നതിനും പണം നൽകണം. 10 പേജുള്ള ചെക്ക്​ ബുക്കിന്​ 30 രൂപയും സേവനനികുതിയും, 25 പേജുള്ള ചെക്ക്​ ബുക്കിന്​ 75 രൂപയും സേവനനികുതിയും 50 പേജുളള ചെക്ക്​ബുക്കിന്​ 150 രൂപയും സേവനനികുതിയും നൽകണം.