നോട്ട്​ പിൻവലിക്കൽ: ഉൽപ്പാദന മേഖലക്ക്​ തിരിച്ചടി

മുംബൈ: 500,1000 രൂപയുടെ നോട്ടുകൾ  അസാധുവാക്കിയ കേന്ദ്ര സർക്കാർ തീരുമാനം രാജ്യത്ത്​ ഉൽപ്പാദന മേഖലിയിൽ വൻ തിരിച്ചടിയുണ്ടാക്കി. നിക്കി മാനുഫാക്​ട്​ച്ചറിങ്​ പർച്ചേസിങ്​ മാനേജ്​മെൻറ്​ ഇൻഡക്​സിലാണ്​ നോട്ട്​ പിൻവലിക്കൽ മൂലം കുറവ്​ സംഭവിച്ചിരിക്കുന്നത്​. രാജ്യങ്ങളുടെ ഉൽപ്പാദന മേഖലയുടെ വളർച്ച സംബന്ധിച്ച സൂചികയാണിത്​. 2016 ഡിസംബറിൽ നിക്കി സൂചിക 49.6 ആണ്​. 2016ൽ ഇതാദ്യമായാണ്​ നിക്കി സൂചിക 50 പോയിൻറിന്​ താഴെ പോവുന്നത്​. സൂചികയുടെ താഴ്​ച ഉൽപ്പാദന മേഖലയിലെ തളർച്ചയെയാണ്​ സൂചിപ്പിക്കുന്നത്​.

കമ്പനികളുടെ ഉൽപ്പാദനത്തിൽ 2016ൽ ആദ്യമായാണ്​ കുറവ്​ ഉണ്ടായിരിക്കുന്നതെന്നും കമ്പനികളിലെ തൊഴിൽ ഉൾപ്പടെയുള്ള കാര്യങ്ങളെ ഇത്​ ബാധിച്ചതായും നിക്കിയുടെ  റിപ്പോർട്ടിലുണ്ട്​. ഉൽപ്പന്നങ്ങളുടെ നിർമാണ ചെലവ്​ വർധിച്ചുവെങ്കിലും വിൽപ്പനയിൽ നിന്ന്​ അത്രത്തോളം ലാഭം ലഭിക്കാത്ത സാഹചര്യമാണ്​ നിലവിലുള്ളതെന്നും കണക്കുകൾ പറയുന്നു.

നോട്ടുകൾ പിൻവലിച്ച തീരുമാനം  സമ്പദ്​വ്യവസ്​ഥയിൽ വൻ​േതാതിൽ കറൻസി ക്ഷാമം ഉണ്ടാക്കുകയും ഇത്​ ​മൂലം കമ്പനികളുടെ പുതിയ  ഒാർഡറുകളിൽ കുറവുണ്ടായതായി നിക്കിയുടെ റിപ്പോർട്ടിലുണ്ട്​. ഇത്​ കമ്പനികളുടെ വാങ്ങൽ പ്രക്രിയയിലും തോഴിലിലും ബാധിച്ചതായി പ്രശ്​സത സാമ്പത്തിക ശാസ്​ത്രജ്ഞൻ പോളിയാനാ ഡി​ ലേമ പറഞ്ഞു.

പുതിയ ഒാർഡറുകൾ ലഭിക്കാത്തതും വിദേശത്ത്​ നിന്നുള്ള ഒാർഡറുകളിലെ കുറവും ഉൽപ്പാദന മേഖല​യെ പ്രതികൂലമായി ബാധിക്കുമെന്നാണ്​ റിപ്പോർട്ടുകൾ പറയുന്നത്​. എങ്കിലും ഉൽപ്പാദന മേഖല പെ​െട്ടന്ന്​ തന്നെ തിരിച്ചടിയിൽ നിന്ന്​ കരകയറുമെന്നാണ്​ സാമ്പത്തിക വിദഗ്​ധരുടെ പ്രതീക്ഷ..