സാമ്പത്തിക വർഷത്തെ ആദ്യ ധനനയ പ്രഖ്യാപനത്തിന്​ കാതോർത്ത്​

പുതിയ സാമ്പത്തികവർഷത്തെ ആദ്യ ധനനയ അവലോകന സമിതിയോഗം രണ്ടുദിവസത്തിനകം ആരംഭിക്കും. റിസർവ്​ ബാങ്ക്​ ഗവർണർ ഉർജിത്​ പ​േട്ടലി​​െൻറ അധ്യക്ഷതയിൽ ഏപ്രിൽ നാല്​, അഞ്ച്​ തീയതികളിലാണ്​ആദ്യ ധനനയ അവലോകന യോഗം. അഞ്ചിന്​ ഉച്ചയോടെ റിസർവ്​ ബാങ്ക്​ ഗവർണർ സാമ്പത്തികവർഷത്തെ ആദ്യ ധനനയം  പ്രഖ്യാപിക്കും. വായ്​പയെടുത്തവരും ബിസിനസ്​ ലോകവുമെല്ലാം ഒരുപോലെ ആകാംക്ഷയിലാണ്​. ധനനയ സമിതിയുടെ തീർപ്പ്​ എന്തായിരിക്ക​ുമെന്ന അവലോകനങ്ങളും വ്യവസായ ലോകത്ത്​ സജീവം. കഴിഞ്ഞ മൂന്ന്​ ദ്വൈമാസ അവലോകന യോഗങ്ങളും പലിശനിരക്കിൽ മാറ്റംവരുത്തിയിരുന്നില്ല. റിപോ നിരക്ക്​ ആറുശതമാനമായി നിലനിർത്തുകയായിരുന്നു. 

പണപ്പെരുപ്പ നിരക്ക്​ ഉയർന്നുനിൽക്കുന്നുവെന്ന കാരണം പറഞ്ഞായിരുന്നു ഇത്​. അതിനാൽതന്നെ ഇക്കുറി അടിസ്​ഥാന വായ്​പാ നയത്തിൽ മാറ്റംവരുത്താൻ ധനനയ അവലോകന സമിതി തയാറാകും എന്ന പ്രതീക്ഷയാണ്​ ഒരുവിഭാഗം പ്രകടിപ്പിക്കുന്നത്​. അവർ മുന്നോട്ടുവെക്കുന്ന ന്യായങ്ങൾ ഇങ്ങനെ: രാജ്യത്ത്​ റീ​െട്ടയിൽ വായ്​പ പലിശനിരക്ക്​ കുറഞ്ഞ്​ നിൽക്കുകയാണ്​. നിർമാണരംഗത്ത്​ മാന്ദ്യം തുടരുന്നു. അത്​ തൊഴിലവസരങ്ങളെയും പ്രതികൂലമായി ബാധിക്കുന്നു. വ്യാവസായിക ഉൽപാദന നിരക്കും​ കുറഞ്ഞുനിൽക്കുന്നു. അതിനാൽ വ്യവസായ ഉൽപാദനം പ്രോത്സാഹിപ്പിക്കുന്നതിനും നിർമാണരംഗത്തിന്​ ഉൗർജം പകരുന്നതിനും അടിസ്​ഥാന പലിശനിരക്കിൽ കുറവ്​ വരുത്താനിടയുണ്ട്​.

എന്നാൽ, ധനനയത്തിൽ മാറ്റംവരുത്താതെ തൽസ്​ഥിതി തുടരുമെന്ന്​ കരുതുന്നവരും ​തങ്ങളുടെ നിഗമനത്തിന്​ അടിസ്​ഥാനമായി ശക്​തമായ വാദങ്ങൾ മുന്നോട്ടുവെക്കുന്നുണ്ട്​. അവ ഇങ്ങനെ: കഴിഞ്ഞ ഫെബ്രുവരിയിലെ ധനനയ അ​വലോകനത്തിന്​ ശേഷം ഉപഭോക്​തൃ വിലസൂചികയിലും പണപ്പെരുപ്പ നിരക്കിലും കാര്യമായ മാറ്റമുണ്ടായിട്ടില്ല. അന്താരാഷ്​ട്ര വിപണിയിൽ ഇന്ധനവിലയിൽ വൻ വർധനവും സമീപഭാവിയിൽ പ്രതീക്ഷിക്കുന്നില്ല. ഇൗ സാഹചര്യത്തിൽ പുതിയ സാമ്പത്തികവർഷത്തെ ആദ്യ രണ്ടു മാസത്തെ നിരീക്ഷണത്തിനു​ശേഷമേ കാര്യമായ മാറ്റങ്ങൾക്ക്​ മുതിരൂ. അതിനാൽ, ഇക്കുറി ധനനയത്തിൽ വലിയ മാറ്റങ്ങൾ പ്രതീക്ഷിക്കേണ്ടെന്നാണ്​ ഇൗ പക്ഷത്തി​​െൻറ വിലയിരുത്തൽ.