ട്രംപി​െൻറ വിജയം: ഇന്ത്യൻ വ്യവസായ മേഖലക്ക്​ വൻ തിരിച്ചടി

മുംബൈ: ​അമേരിക്കയിലെ പ്രസിഡൻറ്​ തെരഞ്ഞെടുപ്പിൽ ഡൊണാൾഡ്​ ട്രംപ്​ വിജയം ഇന്ത്യൻ വ്യവസായ മേഖലക്ക്​ വൻ തിരിച്ചടിയാകുമെന്ന്​ സൂചന. ട്രംപി​െൻറ പല നയങ്ങളും ഇന്ത്യയുടെ വ്യവസായ താൽപ്പര്യങ്ങൾക്ക്​ എതിരാണ്​. അതു​കൊണ്ട്​ തന്നെയാണ്​ ഇന്ത്യൻ വിപണിക്ക്​ ട്രംപ്​ പ്രിയങ്കരനായി മാറാതിരുന്നത്​.

വ്യവസായ മേഖലയിലെ നയങ്ങളിലെല്ലാം അമേരിക്ക്​ മുൻ തൂക്കം കൊടുക്കുന്ന രീതിയാവും ട്രംപ്​ പിന്തുടരുക. പല വ്യവസായ കരാറുകളും ​അമേരിക്കക്ക്​ കൂടുതൽ പ്രാധാന്യം കിട്ടുന്ന തരത്തിലേക്ക്​ മാറ്റാനും ട്രംപ്​ ശ്രമം നടത്തും. അമേരിക്കയുമായി മികച്ച വ്യവസായ ബന്ധങ്ങളുള്ള രാജ്യമാണ്​ ഇന്ത്യ. അമേരിക്കയും ഇന്ത്യയും തമ്മിൽ വിവിധ വ്യവസായ കരാറുകൾ നിലവിലുണ്ട്​. ഇത്​ പുന: പരിശേ​ാധിക്കാൻ ട്രംപ്​ ഒരുങ്ങിയാൽ അത്​ ഇന്ത്യൻ വ്യവസായ മേഖലക്ക്​ വൻ തിരിച്ചടി നൽകും.

എച്ച്​.1.ബി വിസ ​േപ്രാഗ്രാം അനാവ​ശ്യമാണെന്നാണ്​ ട്രംപി​െൻറ അഭിപ്രായം. ഇതിൽ മാറ്റം വരുത്തിയാൽ അത്​ ഇന്ത്യൻ ​െഎ.ടി കമ്പനികളെയാണ്​ ബാധിക്കുക.  മറ്റു രാജ്യങ്ങളിൽ നിന്ന്​ തൊഴിലുകൾ തിരിച്ചെത്തിക്കുമെന്ന ട്രംപി​െൻറ പ്രഖ്യാപനവും ബാധിക്കുക ​ഇന്ത്യൻ ​െഎ.ടി മേഖലയെ തന്നെയാണ്​. ഭൂരിപക്ഷം അമേരിക്കൻ ​കമ്പനികളും തങ്ങളുടെ ​സോഫ്​റ്റ്​വെയർ ജോലികൾ പ​ുറത്ത്​ നിന്ന്​​​ ചെയ്യുകയാണ്​​ പതിവ്​. ഇന്ത്യയുൾപ്പടെയുള്ള രാജ്യങ്ങൾക്കാണ്​ അത്തരം ജോലികൾ ലഭിക്കുക. ഇത്​ അമേരിക്കയിലേക്ക്​ തിരിച്ചെത്തുന്നതോടെ ഇന്ത്യൻ ​െഎ.ടി കമ്പനികൾ പ്രതിസന്ധിയിലാവും.
അമേരിക്കയിലെ കോർപ്പറേറ്റ്​ ടാക്​സ്​ 35 ശതമാനത്തിൽ നിന്ന്​ 15 ശതമാനമാക്കി കുറയ്​ക്കുമെന്ന ട്രംപി​െൻറ പ്രസ്​താവനയും ഇന്ത്യക്ക്​ തിരിച്ചടിയാവും. ഇതോടു കൂടി മൈക്രാ​സോഫ്​റ്റ്​ ജനറൽ മോ​േട്ടാഴ്​സ്​, ഫോർഡ്​ പോലുള്ള വൻകിട കമ്പനികൾ അമേരിക്കയിലേക്ക്​ തിരിച്ച്​ പോകും. ഫോർഡിനും, ജനറൽ മോ​േട്ടാഴ്​സിനുമെല്ലാം ഇന്ത്യയിൽ വാഹനനിർമ്മാണ ശാലകളുണ്ട്​. ഇവ ഇന്ത്യയിൽ നിന്ന്​ മാറ്റുന്നത്​ സമ്പദ്​വ്യവസ്​ഥക്ക്​ ഗുണകരമാവില്ല.

എന്നാൽ ചൈനയെ രൂക്ഷമായി വിമർശിക്കുന്നതും പാകിസ്​താനെതിരായ ട്രംപി​െൻറ നിലപാടുകളും  ഇന്ത്യക്ക്​ ഗുണകരമാകുമെന്നാണ്​ സൂചന. ചൈനയുമായുള്ള വ്യവസായ കരാറുകളെല്ലാം അദ്ദേഹം പുനപരിശോധിക്കുമെന്നുറപ്പാണ്​.