തെ​ങ്ങോ​ളം ഉ​യ​ര​ത്തി​ൽ തേ​ങ്ങ വി​ല

അ​ടി​മാ​ലി: തേ​ങ്ങ​വി​ല റെ​ക്കോ​ർ​ഡ് ഉ​യ​ര​ത്തി​ലെ​ത്തി​യ​തോ​ടെ പ​ച്ച​ത്തേ​ങ്ങ​ക്കൊ​പ്പം കൊ​പ്ര​യ്ക്കും വെ​ളി​ച്ചെ​ണ്ണ​ക്കും വി​ല വ​ർ​ധി​ച്ചു. ചി​ര​ട്ട​യ്ക്കും ച​കി​രി​ക്കും ആ​വ​ശ്യ​ക്കാ​ർ വ​ർ​ധി​ച്ച​തോ​ടെ തേ​ങ്ങ കി​ട്ടാ​ക്ക​നി​യാ​യി മാ​റു​ന്ന സ്ഥി​തി​യാ​ണ്. വ​ലി​പ്പ​ത്തി​ന​നു​സ​രി​ച്ച് തേ​ങ്ങ ഒ​ന്നി​ന്​ 35 മു​ത​ൽ 40 രൂ​പ​വ​രെ ക​ച്ച​വ​ട​ക്കാ​ർ ന​ൽ​കു​ന്നു​ണ്ട്. കി​ലോ​ഗ്രാ​മി​ന് 90 രൂ​പ​ക്കാ​ണ് ചി​ല്ല​റ വി​ൽ​പ്പ​ന.

കി​ലോ​ക്ക്​ 230 മു​ത​ൽ 240 വ​രെ ല​ഭി​ക്കു​ന്നു​ണ്ടെ​ങ്കി​ലും കൊ​പ്ര കി​ട്ടാ​നി​ല്ലാ​ത്ത സ്ഥി​തി​യാ​ണ്. വെ​ളി​ച്ചെ​ണ്ണ ലി​റ്റ​റി​ന്​ 450 ക​ട​ന്നു. ചി​ര​ട്ട കി​ലോ​ഗ്രാ​മി​ന്​ 25 രൂ​പ ന​ൽ​കി ആ​വ​ശ്യ​ക്കാ​ർ കൊ​ണ്ടു​പോ​കു​ന്നു​ണ്ട്. ത​മി​ഴ്നാ​ട്ടി​ൽ ചി​ര​ട്ട​ക്കും , ച​കി​രി​ക്കും അ​വ​ശ്യ​ക്കാ​ർ വ​ർ​ധി​ച്ച​താ​ണ് കാ​ര​ണം. മാ​ളു​ക​ളി​ൽ പ്ലാ​സ്റ്റി​ക്-​പേ​പ്പ​ർ ക​പ്പു​ക​ൾ​ക്കു പ​ക​ര​മാ​യി ചാ​യ ന​ൽ​കാ​ൻ ചി​ര​ട്ട​കൊ​ണ്ടു​ള്ള ക​പ്പു​ക​ളാ​ണ് ഉ​പ​യോ​ഗി​ക്കു​ന്ന​തെ​ന്ന്​ ക​ർ​ഷ​ക​ർ പ​റ​യു​ന്നു.

രോ​ഗ​ബാ​ധ​യും കാ​ലാ​വ​സ്ഥ വ്യ​തി​യാ​ന​വും തി​രി​ച്ച​ടി

മ​ണ്ഡ​രി​യും കൂ​മ്പു​ചീ​യ​ലും വെ​ള്ളീ​ച്ച​യും മ​ഞ്ഞ​ളി​പ്പും ബാ​ധി​ച്ച് തേ​ങ്ങ ഉ​ൽ​പാ​ദ​നം പ​കു​തി​യി​ലേ​റെ​യാ​യി കു​റ‍ഞ്ഞി​ട്ടു​ണ്ട്. കാ​റ്റു​വീ​ഴ്ച ബാ​ധി​ച്ച​തോ​ടെ ആ​യി​ര​ക്ക​ണ​ക്കി​നു തെ​ങ്ങു​ക​ളാ​ണ് വെ​ട്ടി​മാ​റ്റി​യ​ത്. കാ​ലാ​വ​സ്ഥ വ്യ​തി​യാ​ന​വും ഉ​ൽ​പാ​ദ​ന​ത്തെ കാ​ര്യ​മാ​യി ബാ​ധി​ച്ചി​ട്ടു​ണ്ട്. നാ​ട​ൻ തെ​ങ്ങു​ക​ൾ​ക്കു പ​ക​രം പെ​ട്ടെ​ന്നു കാ​യ്ക്കു​ന്ന അ​ത്യു​ൽ​പാ​ദ​ന ശേ​ഷി​യു​ള്ള തെ​ങ്ങു​ക​ൾ​ക്കാ​ണ് രോ​ഗം പെ​ട്ടെ​ന്നു പി​ടി​പെ​ടു​ന്ന​ത്. ഒ​രു​കാ​ല​ത്ത്​ നാ​ട​ൻ​തെ​ങ്ങു​ക​ൾ ഉ​പേ​ക്ഷി​ച്ച് അ​ത്യു​ൽ​പാ​ദ​ന ശേ​ഷി​യു​ള്ള തെ​ങ്ങു​ക​ൾ മാ​ത്രം വ​ച്ചു​പി​ടി​പ്പി​ച്ചി​രു​ന്നു.

തു​ട​രെ ന​ഷ്ടം സം​ഭ​വി​ച്ച​തോ​ടെ വീ​ണ്ടും നാ​ട​ൻ തെ​ങ്ങു​ക​ളി​ലേ​ക്ക് ക​ർ​ഷ​ക​ർ തി​രി​ച്ചു​വ​രു​ന്ന സ്ഥി​തി​യാ​ണ്. തെ​ങ്ങു​ക​ൾ​ക്ക് വ്യാ​പ​ക​മാ​യി രോ​ഗ​ങ്ങ​ൾ പി​ടി​പെ​ട്ടു തു​ട​ങ്ങി​യ​ത് വ​ർ​ഷ​ങ്ങ​ളാ​യി. രോ​ഗം വ​ലി​യ തോ​തി​ൽ വ്യാ​പി​ക്കു​മ്പോ​ഴും കാ​ര്യ​ക്ഷ​മ​മാ​യി പ്ര​തി​രോ​ധി​ക്കാ​ൻ ത​ക്ക മ​രു​ന്നു​ക​ൾ ക​ണ്ടു​പി​ടി​ക്കാ​ൻ ബ​ന്ധ​പ്പെ​ട്ട വ​കു​പ്പു​ക​ൾ​ക്ക് ക​ഴി​ഞ്ഞി​ട്ടി​ല്ല. തേ​ങ്ങ ഉ​ൽ​പാ​ദ​നം കു​ത്ത​നെ കു​റ​ഞ്ഞ​തി​ൽ പ്ര​ധാ​ന കാ​ര​ണ​ങ്ങ​ളി​ലൊ​ന്ന്​ ഇ​തു​ത​ന്നെ​യാ​ണെ​ന്നു ക​ർ​ഷ​ക​ർ പ​റ​യു​ന്നു.

വി​ല്ല​നാ​യി കാ​ട്ടാ​ന​ക​ളും

ഹൈ​റേ​ഞ്ചി​ലെ കേ​ര ക​ർ​ഷ​ക​ർ​ക്ക് ഭീ​ഷ​ണി​യാ​യി കാ​ട്ടാ​ന​ക​ളും . ര​ണ്ടു​വ​ർ​ഷ​ത്തി​നി​ടെ ആ​യി​ര​ക്ക​ണ​ക്കി​ന് തെ​ങ്ങു​ക​ളാ​ണ് കാ​ട്ടാ​ന​ക​ൾ ന​ശി​പ്പി​ച്ച​ത്. കാ​ട്ടാ​ന​ക​ൾ കൃ​ഷി​യി​ട​ങ്ങ​ളി​ലേ​ക്ക് എ​ത്താ​തി​രി​ക്കാ​ൻ തെ​ങ്ങു​ക​ൾ കൂ​ട്ട​ത്തോ​ടെ വെ​ട്ടി​മാ​റ്റി​യ ക​ർ​ഷ​ക​രു​മു​ണ്ട്. തെ​ങ്ങു​ക​ൾ​ക്ക് പു​റ​മെ ക​മു​ങ്ങ്, വാ​ഴ, മ​ര​ച്ചീ​നി എ​ന്നി​വ​യാ​ണ് കാ​ട്ടാ​ന​ക​ൾ ന​ശി​പ്പി​ക്കു​ന്ന കൃ​ഷി​ക​ൾ. ഏ​ല​ത്തോ​ട്ട​ങ്ങ​ളി​ലും ആ​ന​ക​ൾ നാ​ശം വി​ത​ക്കാ​റു​ണ്ട്.

വി​ല​ക്ക​യ​റ്റം തു​ണിതേ​പ്പു​കാ​രെ​യും ബാധിച്ചു

ഒ​രു കി​ലോ ചി​ര​ട്ട​ക്ക് വീ​ടു​ക​ളി​ൽ 25 രൂ​പ​വ​രെ വി​ല വ​ന്ന​തോ​ടെ പ്ര​തി​സ​ന്ധി​യി​ലാ​ക്കി​യ​ത് തു​ണി തേ​പ്പ് ക​ട ന​ട​ത്തു​ന്ന​വ​രാ​ണ്. നേ​ര​ത്തേ ചി​ര​ട്ട സൗ​ജ​ന്യ​മാ​യി കി​ട്ടി​യി​രു​ന്നു. ഇ​പ്പോ​ൾ വി​ല ന​ൽ​കാ​മെ​ന്ന് പ​റ​ഞ്ഞാ​ലും കി​ട്ടു​ന്നി​ല്ല. ഇ​പ്പോ​ൾ ദൂ​ര സ്ഥ​ല​ങ്ങ​ളി​ൽ നി​ന്ന് വ​ലി​യ വി​ല ന​ൽ​കി​യാ​ണ് വാ​ങ്ങു​ന്ന​ത്. ആ​ല ന​ട​ത്തി​പ്പു​കാ​ർ​ക്കും പ്ര​തി​സ​ന്ധി​യു​ണ്ട്. നേ​ര​ത്തെ മ​രം ക​ത്തി​ച്ച ക​രി​യാ​ണ് ഉ​പ​യോ​ഗി​ച്ചി​രു​ന്ന​ത് . ഇ​തി​ന് ക്ഷാ​മം വ​ന്ന​തോ​ടെ ചി​ര​ട്ട​യി​ലേ​ക്ക് തി​രി​ഞ്ഞു . എ​ന്നാ​ൽ ചി​ര​ട്ട​യും കി​ട്ടാ​താ​യി.