കേരളത്തിൽ മാമ്പഴവിപണി തേടി തമിഴ്​നാട്​, കർണാടക കർഷകർ

തൃ​ശൂ​ർ: അ​മേ​രി​ക്ക​യി​ലേ​ക്കു​ള്ള ക​യ​റ്റു​മ​തി​ക്ക്​ ത​ട​സ്സം നേ​രി​ട്ട​തും യു​ദ്ധ​സാ​ഹ​ച​ര്യ​വും മൂ​ലം മാ​ങ്ങ​ക്ക്​ വി​ല​യി​ടി​ഞ്ഞ​തോ​ടെ പ്ര​തി​സ​ന്ധി​യി​ലാ​യ ത​മി​ഴ്​​നാ​ട്ടി​ലെ​യും ക​ർ​ണാ​ട​ക​യി​ലെ​യും മാ​മ്പ​ഴ​ക​ർ​ഷ​ക​ർ​ക്ക് കേ​ര​ള​ത്തി​ൽ പ്ര​തീ​ക്ഷ. കേ​ര​ള​ത്തി​​ലെ ക​ർ​ഷ​ക ഗ്രൂ​പ്പു​ക​ളും വ്യാ​പാ​രി​ക​ളും വ​ഴി കേ​ര​ള​ത്തി​ൽ വി​ൽ​ക്കാ​നാ​ണ്​ ശ്ര​മം. കി​ലോ​ക്ക് പ​ത്തു​ രൂ​പ​പോ​ലും ല​ഭി​ക്കാ​നാ​കാ​ത്ത സാ​ഹ​ച​ര്യ​മു​ണ്ടാ​​യ​തോ​ടെ ത​മി​ഴ്​​നാ​ട്ടി​ലും ക​ർ​ണാ​ട​ക​യി​ലും ആ​ന്ധ്ര​പ്ര​ദേ​ശി​ലും ക​ർ​ഷ​ക​ർ പ്ര​തി​സ​ന്ധി​യി​ലാ​ണ്.

മും​ബൈ​യി​ൽ​നി​ന്ന് അ​മേ​രി​ക്ക​യി​ലേ​ക്ക്​ ക​യ​റ്റി​യ​യ​ച്ച 15 ക​പ്പ​ൽ​ മാ​മ്പ​ഴം ന​ട​പ​ടി​ക്ര​മ​ങ്ങ​ളി​​ലെ വീ​ഴ്ച ചൂ​ണ്ടി​ക്കാ​ണി​ച്ചാ​ണ് തി​രി​ച്ച​യ​ച്ച​ത്. പ്ര​സി​ഡ​ന്‍റ്​ ​ട്രം​പി​ന്‍റെ നി​കു​തി​വി​വാ​ദ​ങ്ങ​ൾ​ക്കി​ട​യി​ലാ​ണി​ത്. കാ​ർ​ഗോ ചെ​ല​വ്​ താ​ങ്ങാ​നാ​കാ​ത്ത​തി​നാ​ൽ ഈ ​മാ​മ്പ​ഴം അ​വി​ടെ​വെ​ച്ചു​ത​ന്നെ ന​ശി​പ്പി​ച്ചു. 4.3 കോ​ടി രൂ​പ​യു​ടെ ന​ഷ്ട​മാ​ണ് ഇ​തു​വ​ഴി​ ഉ​ണ്ടാ​യ​ത്. ഈ ​വി​ഷ​യ​ത്തി​ൽ പ​രി​ഹാ​രം ഉ​ണ്ടാ​കാ​ത്ത​തി​നാ​ൽ അ​മേ​രി​ക്ക​യി​ലേ​ക്കു​ള്ള ക​യ​റ്റു​മ​തി​ക്ക് ക​ർ​ഷ​ക​ർ മ​ടി​ച്ചു​നി​ൽ​ക്കു​ക​യാ​ണ്.

റ​ഷ്യ- യു​ക്രെ​യ്​​ൻ യു​ദ്ധ​വും ഇ​റാ​ൻ- ഇ​സ്രാ​യേ​ൽ സം​ഘ​ർ​ഷ​വും അ​ട​ക്കം കാ​ര്യ​ങ്ങ​ളും വി​ല കു​റ​യാ​ൻ കാ​ര​ണ​മാ​യി​ട്ടു​ണ്ട്. സാ​ഹ​ച​ര്യം മു​ത​ലെ​ടു​ത്ത്​ പ​ൾ​പ്പ്​ നി​ർ​മി​ക്കു​ന്ന ക​മ്പ​നി​ക​ളും വി​ല ഇ​ടി​ച്ചു. ഈ ​സാ​ഹ​ച​ര്യ​ത്തി​ലാ​ണ്​ ക​യ​റ്റു​മ​തി നി​ല​വാ​ര​മു​ള്ള മാ​മ്പ​ഴം കേ​ര​ള​ത്തി​ലേ​ക്ക്​ കൂ​ടു​ത​ലാ​യി എ​ത്തി​ക്കാ​നു​ള്ള ശ്ര​മം ന​ട​ക്കു​ന്ന​ത്. വി​വി​ധ കാ​ർ​ഷി​ക കൂ​ട്ടാ​യ്മ​ക​ളെ അ​ട​ക്കം ഉ​ൾ​ക്കൊ​ള്ളി​ച്ചാ​ണ്​ വി​പ​ണി ക​​ണ്ടെ​ത്താ​ൻ ശ്ര​മി​ക്കു​ന്ന​തെന്ന്​ കാ​ർ​ഷി​ക മേ​ഖ​ല​യി​ലെ ആ​ക്ടി​വി​സ്റ്റാ​യ അ​നി​ൽ ജോ​സ്​ ‘മാ​ധ്യ​മ’​ത്തോ​ട്​ പ​റ​ഞ്ഞു.

ഓ​രോ ആ​ഴ്ച​യും അഞ്ച് ട​ൺ വി​പ​ണി​യിൽ​ എത്തി​ക്കാ​ൻ ‘ച​ക്ക​ക്കൂ​ട്ടം’

തൃ​ശൂ​ർ: ത​മി​ഴ്​​നാ​ട്ടി​​ലെ മാ​മ്പ​ഴ​ക​ർ​ഷ​ക​രെ സ​ഹാ​യി​ക്കു​ക​യെ​ന്ന ല​ക്ഷ്യ​​ത്തോ​ടെ ഓ​രോ ആ​ഴ്ച​യും അ​ഞ്ച് ട​ൺ വീ​തം മാ​മ്പ​ഴം കേ​ര​ള​വി​പ​ണി​യി​ലെ​ത്തി​ക്കാ​ൻ ല​ക്ഷ്യ​മി​ട്ട്​ ‘ച​ക്ക​ക്കൂ​ട്ടം’ സ​ന്ന​ദ്ധ ക​ർ​ഷ​ക​സം​ഘം. ജൈ​വ കൃ​ഷി​യി​ലൂ​ടെ ല​ഭി​ച്ച മാ​മ്പ​ഴ​മാ​ണ്​ എ​റ​ണാ​കു​ളം, തി​രു​വ​ന​ന്ത​പു​രം, കോ​ഴി​ക്കോ​ട്​ ജി​ല്ല​ക​ളി​ലെ സൂ​പ്പ​ർ​മാ​ർ​ക്ക​റ്റു​ക​ളും വി​പ​ണി​ക​ളും വ​ഴി വി​ൽ​ക്കു​ക​​യെ​ന്ന്​ ‘ച​ക്ക​ക്കൂ​ട്ടം’ കോ​ഓ​ഡി​നേ​റ്റ​ർ അ​നി​ൽ ജോ​സ്​ പ​റ​ഞ്ഞു. ആ​റി​നം മാ​മ്പ​ഴ​മാ​ണ്​ വി​പ​ണി​യി​ലെ​ത്തി​ക്കു​ക. മൊ​ത്ത​മാ​യി വാ​ങ്ങാ​ൻ താ​ൽ​പ​ര്യ​മു​ള്ള​വ​ർ 87140 98430 എ​ന്ന ന​മ്പ​റി​ൽ ബ​ന്ധ​പ്പെ​ട​ണ​മെ​ന്നും അ​നി​ൽ ജോ​സ്​ പ​റ​ഞ്ഞു.